Isaías 8:7 - Biblia Enxet

⁷ yáhakkasek sa' yegmen ekyawe ekyennaqte ényé wátsam Éufrates ma'a Wesse' egegkok, (wesse' apwányam Asiria m'a yetlo m'a ektémakxa nak apyennaqte). Kallanagkok sa' ekyókxoho m'a yegmen atamnek apagkok nak, kalántépok sa' ma'a neyáwa',

Isaías 8:7 Σταυροειδείς Αναφορές

Génesis 6:17

Wáphaksek sa' ko'o ekmámeye ekyawe agko' keso náxop, yaqwayam sa' kápok yegmen xapop, kamasséssók sa' ekyókxoho aqsok ekha nak élennama ekyókxoho yókxexma keso náxop, kaletsapok sa' ekyókxoho aqsok ekhéyak nak néten xapop.

2 Reyes 19:32

“Axta aptáhak Wesse' egegkok apxéna wesse' apwányam Asiria s'e: ‘Metxehek sa' Jerusalén, memakték sa' xama enxoho yágke, mektamagkek sa' nahan yetlo apcháhakkásamap, melañek sa' han ámay néten nenchántamakxa m'a nepyáwa nak.

Salmos 46:4

Yetneyk xama wátsam ekpeykessáseykekxo nak apwáxok Dios tegma apwányam apagkok, tegma apkelyawe apkelpagkanamap apagko', apagkok nak ma'a Dios Meyke Ekhémo.

Salmos 72:8

¡Kawomhok sa' apkeláneykha m'a halep wátsam ekwányam ekweykekxoho m'a teyp nak wátsam ekwányam, eyeynamo m'a wátsam Éufrates, ekweykmoho m'a ektemegwánxa nak néxa xapop, keso nélwanmeygkaxa'!

Isaías 10:16

Cháxa keñamak peya nak etnessásekxak meyke apkelwasqapma Wesse' ekha nak apyennaqte xa énxet'ák élyenneykha agko' nak apyempe'ék, elméxenchessesek sa' apyempe'ék máxa táxa élwatno sa' etnéssesek.

Isaías 10:5

“¡Wesse' apwányam Asiria! Cha'a apteme yámet seklo nak ko'o m'a séllegassáseykegkoho nak chá'a, yámet sekmeykha nak chá'a m'a seklawa enxoho.

Isaías 11:15

Emeykessesek sa' xama ámay Wesse' egegkok ma'a neyseksa Wátsam Ekwányam Ekyexwase nak, ey'aksek sa' apmek ma'a ekpayho nak wátsam Éufrates, etekkesek sa' éxchahayam ekyennaqte agko', kameykásekxak sa' neyseksa, siete aktegák sa' kalána', keñe sa' apwanchek elyeykhekxak meyke apkelhaxyawasso apkeltéto apmagkok.

Isaías 28:15

Kéltáhak kélpaqmeta kéxegke s'e: “Nenlanak negko'o ekhémo mók nélpaqhetchásamáxkoho m'a nétsapma, nélpaqhetchásexkók negko'o m'a apkelmaheykegkaxa nak chá'a apkeletsapma, yaqwayam sa' mehegwatamók ma'a ekwa'a sa' aqsok ekmaso agko'; nélyexanmomchek negko'o m'a nélmowancha'a amya'a nak, néláhakkásamaxcheyk ma'a nélyexancháseykha nak egmók.”

Isaías 28:17

Amha sa' ko'o ekpéwomo nentémakxa sélana sa' xa tegma nak, ektémól'a m'a táma' kélmeykhal'a chá'a kélpékessamo apxega yátapheymekcha'ák, keñe sa' ektaqmalma nentémakxa m'a nenlányo nak chá'a ekwánxa ekhémo mók ma'a néten.” Yegmen élyennaqte sa' katwasha m'a kélmeyeykekxexa nak chá'a kóltegyaha kélmowána amya'a, keñe sa' yegmen kaswok ma'a ekyetnamakxa nak chá'a ekmasma.

Isaías 28:2

Yetneyk xama énxet apyennaqte aptaqmelchessesso m'a Wesse' egegkok, apyennaqte apagko', máxa m'a yegmen élyennaqte ekyennaqtél'a ektéyam, máxa m'a éxchahayam ekyennaqte ekmassesseykmohol'a aqsok, máxa m'a ekmámeye ekyawel'a, máxa m'a yegmen ekyawe ekmasól'a. Apmek sa' etnehek ekxeynták náxop,

Isaías 43:2

Peyk sa' agkok eyeykhekxak neyseksa yegmen, ko'o sa' atnehek sekxegexma, peyk sa' agkok eyeykhekxak neyseksa wátsam, meweywagkek sa'; peyk sa' agkok exog neyseksa táxa, memyetek sa', megkawatnek sa' xép ma'a táxa eyáléwe nak.

Isaías 59:19

Apyókxoho énxet sa' yáwhok Wesse' egegkok apkelwet'a sa' apcheymákpoho, eyeynamo m'a teyapmakxa ekhem nak ekweykekxoho m'a taxnegwánxa ekhem, hakte máxa yégayam ekyawe sa' etnehek éxyamok ma'a, ekyawheyáseykhal'a éxchahayam ekyennaqte agko'.

Isaías 7:17

“Yának sa' káhapwak xép Wesse' egegkok ma'a ekhem ekmaso megkawaya axta m'a sekxók axta éxpánchesamaxko Israel apchókxa m'a Judá, ekweykekxoho m'a énxet'ák apagkok tén han ma'a wesse' apwányam apxagkok nak.” (Wesse' apwányam Asiria xa.)

Isaías 7:20

Yásenneykxak sa' Wesse' egegkok wesse' apwányam Asiria xa ekhem nak, máxa sa' etnéssesek ma'a ektémól'a sawo kélmeykha naqsal'a eñama m'a teyp wátsam Éufrates, elmópésseshok sa' apqatkok elyésésagkok ma'a israelitas, tén han ma'a áwa' apatña'ák nak ekweykekxoho m'a áwa' apexchakkok.

Jeremías 47:2

“Ektáhak ko'o sekpeywa s'e, sektáha nak Wesse': Nexcheyha keñamak ekwa'a ekho yegmen ekyawe, ektémól'a wátsam katyapok yegmen; sawhékxók eyapma m'a apchókxa, tén han ma'a ekyókxoho aqsok ekhéyak nak kañe', cham'a tegma apkelyawe nak, tén han apheykha nak ma'a kañe'. Apkelwehéseyha m'a apyókxoho énxet'ák apheykha nak kañe', kelpayheyha apatña'ák apkellegágkoho ekmáske.

Jeremías 51:42

Chapchek yegmen eñama wátsam ekwányam ma'a Babilonia, chapchek ma'a élyaqyahayam agkok élyawe nak.

Ezequiel 26:19

“Hakte ektáhak ko'o sekpeywa s'e sektáha nak Wesse': Apmopso sa' ko'o atnessásekxak xép, ektémól'a m'a tegma apkelyawe meykel'a énxet apheykha m'a kañe'. Wának sa' ko'o kápekxak xép yegmen ekmattawóneg nak ma'a wátsam ekwányam,

Daniel 11:10

“Elánekxak sa' eyke aptamhágkaxa yaqwayam yempakhak ma'a wesse' apwányam apketchek apha nak nexcheyha, yánchásekxak sa' apxámokma sẽlpextétamo. Ektamagkok sa' yetlo sẽlpextétamo apagkok xama m'a, emok sa' ma'a ekpayho nak nepyeyam, emasséssók sa' ekyókxoho aqsok, ektémól'a m'a yegmen ekyawe ekteyapma wátsam; tén sa' ektamagkokxak makham ekweykmoho m'a tegma apyennaqte apagkok nak wesse' apwányam, apha nak nepyeyam.

Daniel 11:22

Emasséssók sa' chá'a apyókxoho m'a apkenmexeykekxa nak chá'a, yaqhek sa' nahan ma'a apkemha apmonye' nak apkelmaxnéssesso Dios énxet'ák apagkok.

Daniel 9:26

Yeyk'ak sa' agkok ma'a sesenta y dos semána nak, emátog sa' ma'a apkemha apmonye' appagkanamap nak. Emasséssók sa' Jerusalén tén han tegma appagkanamap ma'a énxet'ák apagkok nak ma'a wesse' apwányam peya nak ewa', kaxwók sa' kawak néxa ekhem, sa' katnehek ma'a ektémól'a yegmen ekyawe, Kawomhok sa' ektemegwánxa néxa ekhem ma'a kempakhakma, tén han kélmassésseyam aqsok ekxénamaxko nak katnehek.

Amós 8:8

¿Megkayawheykhaya sa' xapop eñama ekyókxoho s'e aqsok nak? ¿Mellekxagwahaya sa' apyókxoho énxet'ák apheykha nak ma'a kañe'? ¡Kamyekxak sa' chá'a néten ma'a xapop, tén sa' kaweywenták chá'a, ektémól'a kamyekxak néten yegmen ma'a Nilo, tén kaweywenták chá'a!

Amós 9:5

Appaknegwokmók xapop ma'a Wesse' egegkok, Dios ekha nak apyennaqte, keñe élpatyapa, apkellekxagweyha nahan apyókxoho énxet'ák apheykha nak ma'a kañe'. Meyákxeyk chá'a néten ma'a xapop, keñe ekweywento nahan chá'a, ektémól'a kamyekxak néten yegmen ma'a Nilo, tén kaweywenták chá'a.

Miqueas 1:9

Hakte megkataqmelwomek ma'a ekyense nak Samaria: wákxók han ma'a Judá tén han ma'a Jerusalén, tegma apwányam apheykegkaxa nak énxet'ák ahagkok.

Miqueas 5:4

Yempekxak sa' néten ma'a wesse' apwányam yaqwayam sa' eltaqmelchesek ma'a énxet'ák apagkok, yetlo apmopwána, tén han apcheymákpoho eñama nak apmésso m'a Dios Wesse' apagkok, exmakha sa' meyke élya'ásekhaxma m'a, hakte kólteméssesek sa' apcheymákpoho Wesse' egegkok, ekweykmoho m'a néxa xapop nak.

Miqueas 5:5

Esógmak sa' meyke ektáhakxa negha m'a. Apkelántaxnegwa'ak sa' agkok asirios negókxa, tén han apkelántaxnegwa'a enxoho m'a tegma apkelyawe egagkok nak, óláphássesek sa' siete apkelámha apmonye'e, tén han ocho énxet'ák ekha nak kéláyo yaqwayam elenmexek.

Nahúm 1:8

Máxa yégayam élsól'a ekyókxoho aqsok akke etnéssesek emasséssók ma'a ektáha nak chá'a apkenmexeykekxa; ekyáqtésso exma chá'a yáhakkasek ma'a apkelenmexma nak.