Isaías 8:11 - Biblia Enxet

¹¹ Apmágkek axta émek ekyennaqte agko' ma'a Wesse' egegkok, enókáseykha axta meltamho eytlók ámay apagkok nak xa énxet'ák nak. Aptáhak axta seyáneya s'e:

Isaías 8:11 Σταυροειδείς Αναφορές

Ezequiel 3:14

Émpásekxeyk axta néten ma'a Dios apmopwána, etekkessek axta m'a, ekxegkek axta ko'o yetlo ekmayósa ewáxok tén han eklo, apmágkek axta ekyennaqte agko' émek ma'a Wesse' egegkok.

Jeremías 20:9

Ektemék agkok ko'o sekpeywa s'e: “Megkaxének sa' kaxwók ewáxok Wesse' egegkok, mañeksek sa' nahan kaxwók ma'a appeywa,” keñe chá'a katnekxak ewáxok appeywa m'a ektémól'a táxa eksawhomól'a kalwatnek aqsok, kawomhok chá'a élméxenchesso m'a kañe' exchakkok. Amáwhok eykhe chá'a amagkok, mowanchek eyke.

Jeremías 20:7

Wesse', élyexancháseykha exchep, eyhayók aqsa ko'o exchep sélyexancháseykencha'a, apmeyhek axta exchep, axta axnémo'. Megkayetyapwágweykmok ko'o sésmésamaxche'; apyókxoho énxet chá'a ko'o sey'ásseyam.

Jeremías 15:19

Tén axta Wesse' egegkok aptáha seyátegmowágkokxo s'e: “Ey'aweykteyk sa' agkok ko'o makham xép, amok sa' makham takha', etnekxak sa' makham séláneykha. Apkelwátessek sa' agkok appaqméteykha naqsa, apxéna enxoho aqsa wánxa m'a ekpasmomo nak chá'a énxet, xeyep sa' exének chá'a sekpeywa. Eyke payhawók elyo'ótak xép ma'a énxet'ák nak, háwe sa' xép yaqwayam ey'ókxa'.

Proverbios 1:15

¡Hatte, ná elyetlow aqsa m'a énxet'ák nak! Ná etne m'a aptamheykegkaxa nak,

Salmos 32:8

Aptáhak Wesse' egegkok se'e: “Éláneykha chá'a ko'o exchep. Alxekmósek sa', apaqhetchesha sa', axekmósek sa' ámay eyeyméxko nak étlók.

1 Reyes 18:46

Keñe axta Wesse' egegkok apmésa apyennaqte Elías; xama axta appenchesa aptéteykekxa nepxet tén han apkeláneykekxa aptaxno, apkenyeyk axta ekweykekxoho Jezreel, apmonye' axta han apwákxa', mewákxexa makham ma'a Ahab.

Isaías 30:1

Aptáhak Wesse' egegkok se'e: “¡Énxet'ák laye sénmexeykekxa nak chá'a, apkeláneykekxa nak chá'a yaqwánxa etnahagkok meyke séltennasso ko'o, élchetámeykha nak chá'a apkelwáxok aqsok yaqwayam elanagkok megkatnaha nak ko'o séltémo elanagkok, apxámáseykegkek aqsa chá'a m'a melya'assáxma nak!