Isaías 7:5 - Biblia Enxet

⁵ Apkelánekxeyk apkelpaqmeyesma apmako etnéssessamhoxma ekmaso m'a sirios tén han ma'a énxet'ák Israel yetlo m'a wesse' apwányam apagkok Remalías apketche. Aptáhak apkelpeywa s'e:

Isaías 7:5 Σταυροειδείς Αναφορές

Salmos 2:2

Apyepetchákxeyk pók kelwesse'e apkelwányam tén han apkelámha apmonye'e nak keso náxop, apkelánegkokxeyk aptamhágkaxa apkenmexa m'a Wesse' egegkok, yetlo m'a wesse' apwányam ektáha axta apkelyéseykha Wesse' egegkok.

Isaías 7:2

Kéllegássekxeyk axta wesse' apwányam Ahaz xa amya'a nak tén han ma'a ekheykha nak apxagkok: “Appasmeykxeyk énxet'ák Siria m'a Efraín énxet'ák apagkok.” Yetlókok axta nahan apkelpexyennama m'a wesse' apwányam tén han ma'a énxet'ák, máxa axta aptamhágkok ma'a ektémól'a yámet kalpexyennegkesek éxchahayam ma'a yókxexma.

Isaías 7:6

Agketamagkok sa' Judá, ólyegwakkasek sa' énxet'ák, agmok sa', anteméssesek sa' wesse' apwányam ma'a Tabeel apketche.

Nahúm 1:11

Énxet'ák Nínive, kélnepyeseksa kéxegke apkeleñamak apkelánteyapma m'a énxet'ák apkeláneykekxa nak chá'a apkelpaqmeyesma yaqwánxa etnehek yenmexek ma'a Wesse' egegkok: apkeláneykekxa amya'a ekmaso aptémakxa.

Zacarías 1:15

Cháxa keñamak séltaqnaweygko ahagko' nak ko'o m'a pók aptémakxa nak chá'a énxet'ák, meyke nak élyetnakhayo apkelwáxok, hakte cham'a ekmasextexa axta ko'o seklo, apyáncheseykegkok axta aqsa apkellegassáseykegkoho m'a énxet'ák ahagkok.