Isaías 51:4 - Biblia Enxet

⁴ “Énxet'ák ahagkok, kóltaqmelchesho kélháxenmo sekpeywa, kóleyxho sekpeywa kélyókxoho kélheykha nak chá'a ekyókxoho apheykegkaxa énxet'ák: alya'assásegwók sa' ko'o kaxwók nélxekmowasamáxche ahagkok tén han segánamakxa ahagkok, kalsássesek sa' exma m'a énxet'ák.

Isaías 51:4 Σταυροειδείς Αναφορές

Salmos 106:5

yaqwayam sa' ko'o ótak ektáhakxa ekpayheykekxa apkelwáxok ma'a apkelyéseykha nak, yaqwayam sa' ko'o kapayhekxak ewáxok tén han alsawaksohok xamók ma'a énxet'ák ektáha nak xép apagkok.

Salmos 147:20

Metnéssessók han pók énxet'ák xa ektáha nak, melya'ásegko apagko' nak ma'a apchánamakxa antéhek. ¡Aleluya!

Salmos 33:12

Apkeleñémo énxet apteme nak Dios apagkok ma'a Wesse' egegkok, cham'a énxet'ák apkelyéseykha nak yaqwayam etnehek énxet'ák apagkok.

Salmos 50:7

“Kóleyxho, Israel, kélteme nak énxet'ák ahagkok; altennásekxohok sa' ko'o kéxegke ekmasagko kéltémakxa. ¡Ko'o sekteme Dios! ¡Ko'o Dios kélagkok!

Salmos 78:1

Énxet'ák ahagkok, kóleyxho nélxekmowásamáxche ahagkok; ¡kóltaqmelchesho kélháxenmo sekpeywa!

Éxodo 19:6

Kéxegke sa' nahan kóltéhek kélpasmo kélmaxnéssesso énxet'ák ahagkok xa kélyókxoho nak, énxet'ák ektáha nak chá'a apkelpagkanchásamap ko'o.’ Eltennasák sa' ekyókxoho israelitas xa.

Éxodo 33:13

Naqsók sa' agkok xa, héltennés sa' yaqsa apmako elána', yaqwayam sa' atnehek chá'a ko'o seyáyo exchep tén han elenxanmagkohok chá'a apteme ekleklamo ko'o apwáxok. Kaxén apwáxok se'e énxet'ák nak apteme xeyep énxet'ák apagkok.

Proverbios 6:23

Máxa cháléwasso eyápogwate m'a nélánemáxchexa nak antéhek tén han ma'a sẽlxekmowáseyak nak; ámay ekyennaqte egnények ma'a sẽlpeykessáseyak nak, tén han ma'a sẽlpaqhetcháseykha nak chá'a.

Isaías 1:27

Alwagkasek sa' ko'o teyp énxet'ák apheykha nak Sión sey'eykekta nak ko'o yetlo ekpéwomo sélánéseykekxa apheykha;

Isaías 2:3

énxet apxámokma apagko' sa' elwa', sa' etnehek apkelpeywa s'e: “Kólchempoho, ólchántek Wesse' egegkok egkexe apagkok, tegma appagkanamap apagkok nak ma'a Jacob Dios apagkok, yaqwayam sa' hẽlxekmósek ma'a ámay apagkok, keñe sa' agkegwának ólyetlók ma'a apkeltamhókxa enxoho chá'a ólyetlók.” Hakte Sión sa' katyapok ma'a nélxekmowásamáxche apagkok nak Wesse' egegkok, Jerusalén sa' kañék ma'a appeywa nak.

Isaías 26:2

Kólmeykesák atña'ák yaqwayam sa' elántexek ma'a énxet'ák apkelpéwomo melyenseyam nak apteme melya'ásseyam.

Isaías 26:8

Wesse', negyekpelchémók negko'óxa ektaqmalma nélxega m'a ámay senxekmóssamakxa nak ma'a segánamakxa apagkok. Egmenyeyk chá'a negko'o exchep kaxének egwáxok.

Isaías 33:22

Kelyelqamáxcheyk táma' kélnaqtete xa yántakpayhe ekyawe nak massegkek élyennaqtésso m'a yámet ekwenaqte agkok nak; megkólwanchek kólpeykásekxak ma'a apáwa agkok nak. Ólyementamok sa' ekxámokma agko' aqsok apagkok ma'a sẽlenmexma nak, kawomhok sa' apkelxawéyak aqsok apagkok ma'a meyke nak apaqta'ák, elmagkok sa' aqsok ma'a élmasagcha'a nak chá'a apyókxa apkelyelqamap nak chá'a. Hakte Wesse' egegkok apteme énxet segyekpelchémo egagkok, apteme senlánésso chá'a segánamakxa tén han wesse' apwányam egagkok, sa' hẽlwagkasek nahan teyp ma'a.

Isaías 42:21

Apmenyeyk eykhe elának ekyawe tén han ektaqmalma nélxekmowásamáxche apagkok ma'a Wesse' egegkok eñama apteme Dios segwagkasso teyp;

Isaías 42:6

“Ekwóneykha axta ko'o exchep, ko'o sektáha nak Wesse', ekmeyk axta apmek, yaqwayam enxoho etnehek apkelwagkasso teyp énxet'ák; éláneyak axta ko'o exchep, hakte émenyeyk axta etnehek magkenatchesso ekhémo mók sélpaqhetchásamáxkoho ko'o m'a énxet'ák, tén han élseyéxma apagkok ma'a pók aptémakxa nak chá'a énxet'ák,

Isaías 49:6

“Mopwanchek xép etnehek séláneykha wánxa apkelánekxésso apheykha m'a Jacob énxet'ák apagkok tén han yaqwayam enaqlanták makham ma'a énxet'ák Israel apkeleymomap nak meletsapma; atnéssesek sa' nahan ko'o exchep élseyéxma apagkok ma'a apyókxoho pók aptémakxa énxet'ák, yaqwayam sa' eswok nélwagkásamáxche teyp ahagkok ma'a makhawók agko' nak keso náxop.”

Isaías 55:3

Hélyo'óta ko'o, kóleyxwatámho sekpeywa, kóleyxho sektáhakxa keñe sa' megkóletsepek chá'a. Alának sa' ko'o ekhémo mók sélpaqhetchásamáxkoho kéxegke meyke néxa, yaqwayam sa' alának ma'a séltennassama axta alának ma'a David eñama seyásekhayo.

Isaías 63:8

Aptáhak axta s'e: “Ko'o énxet'ák ahagkok xa, étchek yaqwayam sa' mehelyexanchesha chá'a.” Axta nahan apkelwagkasso teyp

Miqueas 4:2

énxet apxámokma apagko' sa' elwa', sa' etnehek apkelpeywa s'e: “Kólchempoho, ólchántek Wesse' egegkok egkexe apagkok, tegma appagkanamap apagkok nak ma'a Jacob Dios apagkok, yaqwayam sa' hẽlxekmósek ma'a ámay apagkok, keñe sa' agkegwának ólyetlók ma'a apkeltamhókxa enxoho chá'a ólyetlók.” Hakte Sión sa' katyapok ma'a nélxekmowásamáxche apagkok nak Wesse' egegkok, Jerusalén sa' kañék ma'a appeywa nak.

Deuteronomio 18:18

Atekkesek sa' ko'o xama aplegasso sekpeywa nepyeseksa xa énxet'ák nak, aphawo nak xép, ektáha nak xama apchókxa xamo' xa énxet'ák nak, apkeltennáséyak nak chá'a m'a séltamhókxa enxoho chá'a ko'o eltennassagkok, apkeláneykekxoho nak chá'a apkeltennáséyak ma'a séltamhókxa enxoho chá'a ko'o etnahagkok.