Isaías 5:7 - Biblia Enxet

⁷ Israel apchókxa m'a apkeneykekxexa nak anmen yámet apagkok ma'a Wesse' ekha nak apyennaqte tén han ma'a Judá, cham'a apkeneykekxa apmopmenyého apagko' nak. Apkelhaxanmeyk axta katnehek kélyeheykekxoho segánamakxa apagkok Wesse' egegkok ma'a, wánxa axta eyke aqsa apweteya chá'a ekyetnama m'a nentekyawa; apkelhaxanmeyk axta katnehek ma'a ekpéwomo nak nentémakxa, wánxa axta eyke aqsa aplegaya chá'a m'a ekpayheykha nak egátog nenlegeykegkoho ekmáske.

Isaías 5:7 Σταυροειδείς Αναφορές

Génesis 4:10

Keñe axta Wesse' egegkok aptáha apcháneya s'e: —¿Yaqsa ektáha aptáha nak xa? Ewóneyha ko'o éltamho ayaqmagkassásekxak mók apyáxeg éma apagkok apyegkenchesa nak xép keso náxop.

2 Samuel 7:10

Élánéssegkek axta han ko'o xama yókxexma yaqweykenxa exmakha m'a énxet'ák ahagkok Israel, ekheyáseykha axta ko'o m'a yaqwayam enxoho etnehek apagkok apagko', meyke enxoho yaqwánxa chá'a kalya'asha exma, meykexa enxoho yaqwayam enaqtawasagkohok ma'a énxet'ák élmasagcha'a nak apkeltémakxa, ekhawo apteméssessamakxa axta chá'a m'a sekxók axta,

Job 34:28

Apwagkassessegkek élpayheykha apatña'ák meyke nak aqsok apagkok ma'a aphakxa nak Dios, tén han ektémakxa nak apnaqtawáseykegkoho, aplegayak han ma'a Dios.

Salmos 147:11

eyke kalkohok chá'a apwáxok ma'a ektáha nak chá'a apcháyo, melya'ásseyam nak chá'a ektémakxa segásekhayo.

Salmos 149:4

Hakte leklamók apwáxok Wesse' egegkok ma'a énxet'ák apagkok; egkések chá'a apkelmallane m'a énxet'ák meleymákpoho, máxa kélnáxegkáseykha chá'a etnéssesek.

Salmos 80:15

anmen yámet xeyep apagko' axta apkeneykekxa', éltekteyapma ektáha axta exchep apkenegkessso apagko'.

Éxodo 3:7

Apkelenxanakmók axta eyke aptáha apcháneya Wesse' egegkok se'e: —Naqsók agko' ko'o sekweteya ektémakxa apkellegeykegkoho énxet'ák ahagkok ma'a apheykencha'a nak Egipto. Eklegayak nahan ko'o ektémakxa apkelpaqméteykha apkelxeyenma élleklámeykegko aptamheykegkaxa m'a apkelámha apmonye'e apxegkessesso nak chá'a apkeltamheykha, ekya'ásegkók ektémakxa apkellegeykegkoho.

Proverbios 21:13

Énxet melyeheykekxa nak eltamhok epasmok ma'a meyke nak aqsok apagkok, méko sa' nahan keyxhok apkeltamho sa' nahan kólpasmok xa énxet nak.

Eclesiastés 4:1

Élanawók axta ko'o énxet'ák ektémakxa apnaqtawáseykegkoho apnámakkok apheykha nak keso náxop. Ekwet'ak axta apkellekxagweyncha'a m'a énxet'ák kélnaqtawáseykegkoho nak, méko axta eyke élpeykessásekxo chá'a apkelwáxok; asagkók agko' axta chá'a apteméssesakxa m'a ektáha nak apnaqtawáseykegkoho, méko axta eyke élpeykessásekxo apkelwáxok.

Cantares 7:6

Sekpagkanma, kelán'a ekleklamo nak chá'a ewáxok alano'. ¡Tásók agko' nak la'a exche', ektaqmelakxoho agko' nak la'a!

Isaías 1:21

¡Aphágweykxók kelán'a ekyaqmagkáseyak pók énxet ekma nak chá'a ekyánmaga ekpathetéyak ma'a tegma apwányam meyenseyam nak Wesse' egegkok! Tásek axta chá'a katnehek aqsok apkelánéyák apyókxoho énxet'ák apheykha nak ma'a, cham'a nanók axta, kapéwhok axta chá'a, keñe kaxwók aptamhágko tekyawa yapmeyk.

Isaías 1:6

Méko ektaqmelakxa enxoho ekyókxoho kélyempe'ék kéxegke; élyense ekyókxoho, éma heykegkok kéltekpageykha, keltepelchamaxche'; méko nahan élánéssama, méko nahan élpextehetchessama, megkóltexnassáseykegkok nahan ma'a pánaqte néltexnémáxche yaqwayam enxoho kamasséssesek ekmáske.

Isaías 27:2

Sa' etnehek epaqmétek Wesse' egegkok xa ekhem nak: “Kólmeneykmásses anmen yámet kélcheneykekxa ektaqmalma nak.

Isaías 3:14

Apkelyekpelchássásawók sa' agkok énxet'ák ma'a Wesse' egegkok, sa' etnehek elának énxet'ák segyekpelchémo nak tén han apkelámha apmonye'e nak apchókxa s'e: “Kéltawáseykha kéxegke m'a anmen yámet séneykekxa; kélmenyexcháseykegkek aqsok apagkok ma'a énxet'ák meyke nak aqsok apagkok, kélxátaweykekxeyk kañe' kélxanák ma'a aqsok kélmenyexéyak nak.

Isaías 3:15

Megkólwanchek agko' kéxegke kólnaqtawasagkohok énxet'ák ahagkok, tén han kólteyágkasha chá'a nápaqta'a m'a énxet'ák meyke nak aqsok apagkok.” Cháxa aptáhakxa axta Wesse' ekha nak apyennaqte xa.

Isaías 3:17

meyke áw'ák sa' ko'o atnéssesek allegássesagkohok xa, weygké sa' waha', yáxña'akxoho sa' anegkenchásekxak ma'a ekyókxa, meyke apáwa.”

Isaías 30:12

Ékeso éñamakxa aptáha nak appeywa Dios Aptaqmalma nak Israel se'e: “Kéltaqnókek kéxegke s'e amya'a kéltennasso nak, kéláyók ma'a kélyennaqteyáseykha nak kélyempe'ék tén han ma'a ekmaso nak kéltémakxa', kélpasmeykekxék nahan ma'a;

Isaías 46:12

Énxet'ák, élyennaqte nak kélwáxok, kóleyxho sekpeywa, élxeyenma nak chá'a kélwáxok megkólwagkasaxcheyk teyp.

Isaías 5:2

Appeyncheykmek axta xapop, apkelhaxyawassegkek axta nahan meteymog apcháxñessama, keñe apkeneykekxo m'a anmen yámet axchakkok éltaqmalma agko' nak. Apxátekhassegkek axta nahan xama tegma apwenaqte netnók ma'a neyseksa nak apkeneykekxexa, apkeláneyak axta nahan ma'a apkelyaqhapmakxa anmen yámet ekyexna. Apkelhaxanmeyk axta nahan keyxek anmen yámet ekmátsa nak ekyexna m'a émók nak, keñe ekyexnama m'a anmen yámet ekmáske nak ekyexna.

Isaías 59:13

Nénmexeykekxeyk negko'o m'a Wesse' egegkok, negyenseykmek nahan negyetlo, magmáheyók agyetlakxak ma'a Dios egagkok, nenxeyenmeyk chá'a negko'o m'a nennaqtawáseykegkoho nak ennámakkok tén han ma'a nempelakkassesso nak anteméssessamhoxma ekmaso egmók, nenláneykekxeyk chá'a negko'o élchetámeykha egwáxok yaqwayam ólyexanchesha m'a énxet'ák.

Isaías 59:14

Taqnómaxchek ma'a aqsok ekpéwomo nak, makhawók yetneyk ma'a aqsok ektaqmalma nak, kelpelapmeykha aqsok ekmámnaqsoho m'a apkelweynchámeykegkaxa nak chá'a énxet'ák apxámokma, keñe m'a meyke nak nentémakxa yawanchek ekmáheyo kawa'.

Isaías 59:4

Méko kélxama enxoho kélláneykekxa chá'a kéxegke m'a amya'a ekpéwomo nak. Kélmeyákxeyk agkok chá'a m'a sẽlyekpelchémokxa nak megkólxének chá'a m'a amya'a ekmámnaqsoho nak. Wánxa aqsa kélásenneykekxo m'a kélmowancha'a amya'a nak tén han ma'a kélpeywa megkamámnaqsoho nak; kelláneykegkek kélwáxok ma'a kéltémakxa ekmaso, kéltekkessegkek ma'a aqsok ekmaso nak.

Isaías 62:5

Hakte sa' etnehek elmok kéxegke Dios ma'a aptémól'a xama wokma'ák kalyamhápok emok ma'a appagkanma, elánekxak sa', kapayhekxak sa' apwáxok xamók ma'a, ektémól'a kapayhekxak apwáxok xamók aptáwa' m'a énxet.

Jeremías 12:10

Apxámok apkelwesse'e apkelwányam sélenmexma nak ko'o aptawáseykencha'a m'a anmen yámet séneykekxa nak, apkelteyammeykha m'a yókxexma ahagkok nak. Meyke xama aqsok aptemessáseykekxak ma'a xapop ekleklamókxa agko' nak ko'o ewáxok.

Jeremías 24:2

Keltásek agko' axta nahan higo ekyexna m'a xama nak hówenaq apxagkok, élmakhetma nak chá'a amonye', keñe axta m'a mók nak hówenaq apxagkok asagcha'awók agko' axta, megkólwanchek axta kóltók.

Jeremías 50:46

Kaxtegyók sa' ekyennaqte agko' apteyekmo sa' ma'a Babilonia, kayawheykha sa' xapop, kañexkohok sa' élpayheykha apatña'ák ma'a mók apkelókxa nak.”

Ezequiel 22:29

Apkelmenyexéyak aqsa apkeláneykegkok chá'a m'a kelwesse'e ekha nak chá'a xapop apagkok ma'a apchókxa tén han apkelyennaqteyáseykha chá'a apyempe'ék; apnaqtawáseykegkok chá'a m'a énxet'ák apmopyóseka nak tén han ma'a ekha nak chá'a eyeyméxchexa aqsok ma'a apxanák, apkelyennaqteyáseykha nahan chá'a apyempe'ék apkeláneya m'a énxet'ák apkeleñama nak mók nekha, Apteméssessegkek chá'a m'a megkapayhawo nak anteméssesek.

Oseas 10:1

Aphawók Israel ma'a anmen yámet ekxámokmal'a ekyexna, xámagkek agkok ma'a ekyexna nak, kaxámagkok han chá'a apkeláneyak ma'a élwatnamáxchexa nak aqsok, yágwokmók agkok chá'a ektaqmalma m'a xapop apagkok nak, kayágwomhok han chá'a aptaqmelchessamo apkeláneyak ma'a meteymog élpagkanamaxche nak.

Miqueas 6:12

Apyókxoho kelwesse'e apheykha nak se'e tegma apwányam apnaqtawáseykegkoho m'a apmopyóseka nak; apkelmopwancha'a amya'a nahan apyókxoho apheykha nak ma'a, tén han apkelyexancháseykha chá'a pók.

Miqueas 6:8

Énxet, apkeltennássek xép Wesse' egegkok ma'a aqsok ektaqmela nak, tén han yaqsa apkelhaxna elának xép: apkelhaxneyk elának ma'a aptémakxa ekpéwomo, tén han apmopyósa elanok pók, tén han elyahakxohok yetlo megkeymáxkoho apwáxok ma'a Dios.

Habacuc 1:3

¿Yaqsa ektéma sexekmóssama nak chá'a ko'o m'a ekyentaxnamo nak egwáxok, tén han aqsok ekmaso? Yetnegkek ko'o sekhakxa m'a apkelyennaqteyáseykha nak apyempe'ék énxet'ák, tén han sẽlmassésseyam nak, sawheykekxók apkello m'a énxet'ák, tén han ma'a apkelenmexamap.

Sofonías 3:17

Apheyk kélnepyeseksa kéxegke m'a Dios Wesse' kélagkok; ¡apmeyhek nahan ma'a, elwagkasek sa' teyp! Kapayhekxak sa' apwáxok elanok kéxegke m'a Wesse' egegkok. Egkeyásekxak sa' axnagkok kélyennaqte eñama apkelásekhayo; enneykmaksek sa' eñama kélpeykessáseykekxa apwáxok

Deuteronomio 15:9

Nágyoho chá'a katnehek élchetamso apwáxok ekmaso s'e: ‘Chágketwokmek siete apyeyam, kélmasséssamakxa nak aqsa chá'a negméyak aqsok’, melanók sa' chá'a exchep étak ma'a apchókxa xamo' nak, meyke nak aqsok apagkok, memássesha sa' nahan chá'a xama aqsok enxoho; apwóneyha sa' agkok Wesse' egegkok eltennaksek aptáhakxa exchep xa énxet nak, keñe sa' xép kaphemmok apkelane mey'assáxma.