Isaías 5:1 - Biblia Enxet

¹ Anneykmássesek sa' ko'o émók seyásekhayo, negmeneykmasso, apkelánesso axta m'a anmen yámet apkeneykekxa. Yetneyk ko'o xama émók apkeneykekxa anmen yámet ma'a xapop megkeyssamakxa nak katyapok aqsok kélcheneykekxa.

Isaías 5:1 Σταυροειδείς Αναφορές

Salmos 101:1

Wesse', peyk ko'o kataqmalmakha sekpeywa axének ma'a ektémakxa mehegyenyaweykha, tén han ekpéwomo senláneseykekxa negheykha; Wesse', peyk ko'o anneykmássesek xép negmeneykmasso;

Salmos 45:1

Lanawók ko'o ewáxok amya'a ekmátsa; hawók ahaxkok ma'a táxésso apmeykencha'awól'a m'a apmopwána nak etaxaksek. ¡Alyetsetchesek sa' ko'o amya'a ekmátsa ahagkok nápaqtók wesse' apwányam!

Salmos 60:5

¡Hegátegmowák negko'o, hẽlwagkas teyp yetlo apmopwána! ¡Elmallahanches ma'a ektáha nak apchásekhayo!

Salmos 80:8

Egipto axta keñamak apleklo anmen yámet; apkelántekkessegkek axta m'a melpeykessamo nak chá'a exchep, tén axta apkeneykekxo m'a apheykegkaxa axta.

Cantares 2:16

Ahagkok ko'o m'a sekpagkanma nak, keñe apagkok ko'o m'a. Elagkok chá'a pa'at apnaqtósso m'a neyseksa nak pánaqte exnók éltaqmalma.

Cantares 5:16

yetnegkek nahan aqsok ekmátsa agko' ma'a apátog nak. ¡Énxet ekleklamo egwáxok anlanok ma'a! Cháxa aptémakxa ko'o sekpagkanma xa, cháxa aptemék ko'o seyásekhayo nak xa, kelán'ák Jerusalén.

Cantares 5:2

Ektenchek axta ko'o, keñe ewáxok megkatyena. Ekleg'ak axta appaqméswa'akto sekpagkanma m'a teyp átog ahagkok nak. Aptáhak axta s'e: “¡Hemeykesses átog, eyáxeg, sekpagkanma, ekhémo nak wáx'ay aptaqmalma! ¡Yássessek ko'o épátek yálye! ¡Kelpexyawánteyk éwa' yálye ekteyeykmoho nak axta'a!”

Cantares 6:3

Ko'o appagkanma m'a, keñe ko'o sekpagkanma m'a. Elagkok chá'a pa'at apnaqtósso m'a neyseksa nak pánaqte exnók éltaqmalma.

Jeremías 12:10

Apxámok apkelwesse'e apkelwányam sélenmexma nak ko'o aptawáseykencha'a m'a anmen yámet séneykekxa nak, apkelteyammeykha m'a yókxexma ahagkok nak. Meyke xama aqsok aptemessáseykekxak ma'a xapop ekleklamókxa agko' nak ko'o ewáxok.

Jeremías 2:21

Máxa anmen yámet éltaqmalma axta ko'o ekteméssessók kéxegke séneykekxo, ektémól'a m'a anmen yámet aktek éltaqmalmal'a. ¡Kélesógweykmók kélagko' axta eyke kéxegke, massegkek axta ko'o sélyekpelche!

Ezequiel 15:2

“¿Táseya éseksek ma'a anmen yámet axchapok? ¿Yagkaxnawok ma'a mók yámet élyawe élámha nak naxma?

Ezequiel 19:10

“Hawók axta exche' anmen yámet ma'a egken, kélcheneykekxal'a neyáwa yegmen, ektaqmalma tén han ekxámokmal'a áwa', hakte awanhek axta yegmen ma'a émhakxa.

Oseas 10:1

Aphawók Israel ma'a anmen yámet ekxámokmal'a ekyexna, xámagkek agkok ma'a ekyexna nak, kaxámagkok han chá'a apkeláneyak ma'a élwatnamáxchexa nak aqsok, yágwokmók agkok chá'a ektaqmalma m'a xapop apagkok nak, kayágwomhok han chá'a aptaqmelchessamo apkeláneyak ma'a meteymog élpagkanamaxche nak.

Deuteronomio 8:10

Keñe sa' natámen kéltéyak tén han kélyaqkanakmo enxoho, kéméxcheyk kólteméssesek apcheymákpoho m'a Dios Wesse' kélagkok eñama apmésso s'e xapop ektaqmalma nak.

Deuteronomio 8:7

Hakte elya'aksek sa' kéxegke Wesse' egegkok ma'a xama xapop ektaqmalma, apchókxa ekxámokmakxa agko' nak ma'a yegmen ényé, tén han ekteyapmakxa yegmen tén han ekyetnamakxa yegmen ektaqmalma, élpexyaweykentamho nak chá'a m'a ekyapwátegweykenxa nak xapop tén han ma'a egkexe élekhahéyak nak;