Isaías 45:4 - Biblia Enxet

⁴ Ekwóneykha axta ko'o exchep eñama seyásekhayo m'a séláneykha Jacob, cham'a Israel, aptáha axta sélyéseykha, ekméssegkek axta nahan yaqwayam ékpelchekpohok apteme ekha kéláyo, cháxa apmeykencha'a nak, neyseksa mehey'áseyak eykhe ko'o exchep.

Isaías 45:4 Σταυροειδείς Αναφορές

Salmos 105:6

kéxegke Abraham aptawán'ák neptámen apteme axta apkeláneykha, kéxegke Jacob axta apketchek apteme axta apkelyéseykha.

Salmos 136:22

apméssama axta yaqwayam etnehek apagkok ma'a apkeláneykha Israel, hakte megkamassegwomek chá'a segásekhayo.

Isaías 43:1

Aptáhak kaxwók xép apcháneya Wesse' egegkok se'e, Israel, ektáha axta apkelane, Jacob ektáha axta aptekkesso: “Nágyé aqsa, ekwagkassek ko'o exchep teyp; ekwóneyha apwesey, xép apteme ahagkok.

Isaías 43:14

Aptáhak Wesse' egegkok se'e, cham'a Dios Aptaqmalma nak Israel, apkelwagkasso axta teyp: “Aláphaksek sa' ko'o énxet'ák ma'a Babilonia yaqwayam alwagkasek teyp kéxegke, wának sa' elmeykesagkok ekyókxoho atña'ák, apkellegeykegkoho ekmáske sa' katnekxak élpayheykekxa nak chá'a apkelwáxok ma'a caldeos.

Isaías 44:1

“Yeyxho sa' kaxwók sekpeywa, Israel, séláneykha Jacob ektáha axta sélyéseykha.

Isaías 44:28

Ektáhak ko'o seyáneya Ciro s'e: ‘Xép apteme keláneykha nepkések ahagkok, xép sa' elának chá'a ekyókxoho m'a sekmámenyého nak chá'a ko'o’; ektáhak nahan seyáneya Jerusalén se'e: ‘Kóllánekxak sa' makham xép’; keñe tegma appagkanamap sektáha seyáneya s'e: ‘Kólnegkenchesek sa' kóneg xép yaqwayam keynnaqtések.’”