Isaías 43:3 - Biblia Enxet

³ Hakte ko'o sekteme Wesse' apagkok, apwagkasso teyp, Dios Sektaqmalma nak ma'a Israel. Ekmomchek axta ko'o exchep; ekyánmagkassegkek axta ekyaqmageykekxa exchep ma'a Egipto, Etiopía tén han Sabá,

Isaías 43:3 Σταυροειδείς Αναφορές

Isaías 60:16

Elmések sa' nento élmátsa agko' ma'a pók aptémakxa nak chá'a énxet'ák, elsókásegmak sa' aqsok apagkok ekxámokma élmomnáwa m'a kelwesse'e apkelwányam nak; elya'ásegwók sa' sektáha ko'o sélwagkasso teyp, ko'o sektáha nak Wesse', tén han sektáha sélmallahanchesso aqsok ekmaso, ko'o ekha nak Sekyennaqte Jacob Wesse' apagkok.

Isaías 45:15

Xép apteme Dios magwete, Dios apwagkasso nak teyp ma'a Israel.

Éxodo 20:2

“Ko'o sekteme Dios Wesse' apagkok, ektáha axta aptekkesso m'a Egipto, aptémakxa axta kélásenneykha naqsa.

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Proverbios 21:18

Kaphewakxak sa' apkellegeykegkoho m'a apkelmopwancha'a nak chá'a amya'a, tén han ma'a ekmaso nak chá'a apkeltémakxa', megkatnehek sa' ma'a énxet appéwomo nak tén han ma'a énxet ektaqmalma nak aptémakxa'.

Isaías 45:21

Kólpaqmet, kólxén aqsok kélwete, kólteme chá'a kólmaxneyha kélmók kélmako enxoho chá'a kólmaxneyha s'e: ¿Yaqsa axta éltenneykha sekxók eyeynamókxa axta xa aqsok nak? ¿Yaqsa axta eklegasso m'a nanók axta? ¿Háweya axta ko'o, sektáha nak Wesse'? Méko pók Dios. Ko'o sekwánxa ahagkok sekteme Dios sélmallahanchesso aqsok ekmaso énxet'ák ahagkok, tén han sélwagkasso teyp.

Oseas 13:4

Aptáhak Wesse' egegkok se'e: “Ko'o Wesse', ko'o Dios apagkok eyeynamo m'a aphamakxa axta Egipto: Ná etne aqsa Dios apagkok mók aqsok enxoho, ko'o sa' aqsa, ko'o sekwánxa ahagkok sekwagkasso teyp xép.

Isaías 30:11

Kólyensem kélyetlo s'e ámay nak, kólyetnakhágwom se'e ámay ekpéwomo nak, náhenxekmósseta kaxwók negko'o m'a Dios Aptaqmalma nak ma'a Israel.”

Proverbios 11:8

Emallahancheshok aqsok ekyentaxno Dios ma'a énxet ekpéwomo nak aptémakxa', keñe yának kaphewakxak aqsok ekyentaxno m'a énxet ekmaso nak aptémakxa'.

Isaías 41:14

Aptáhak Wesse' egegkok se'e: “Énxet'ák Israel, kélketcheyetsék eykhe kéxegke, nágkóle'; Jacob énxet'ák apagkok, kélyelqáxkók eykhe kéxegke, apasmok sa'. Ko'o sekteme sélmallanchesso chá'a ekyentaxno kélheykha, ko'o sektáha nak Dios sektaqmalma m'a Israel.

Isaías 20:3

Tén axta aptáha Wesse' egegkok se'e: “Apweynchámeykha axta meyke apkelatchesso apmagkok tén han meyke aptaxno ekweykmoho apqántánxo apyeyam ma'a séláneykha Isaías, yaqwayam enxoho etnehek melchenatchesso kéltennasso yaqwánxa katnehek ma'a Egipto tén han ma'a Etiopía.

Éxodo 10:7

Keñe axta m'a faraón apkeláneykha aptáha apkelpaqmeta s'e: —¿Háxko ekwánxa peya katnehek segwetasso ekmaso negheykha xa énxet nak? Yoho aqsa elxog elpeykeshok Dios Wesse' apagkok xa énxet'ák nak, wesse'. ¿Yagkaxénak xeyep apwáxok eyesagko agko' kaxwo' Egipto?

Génesis 10:7

Keso Cus axta apketchek se'e: Sebá, Havilá, Sabtá, Raamá, tén han ma'a Sabtecá, keñe axta Raamá apketchek se'e: Sebá, tén han Dedán.

Levítico 11:44

hakte ko'o sekteme Dios Wesse' kélagkok. Kéméxcheyk kéxegke kóláxñásekxohok kéltémakxa, tén han kólteméssesaxchek kélpagkanamaxche', hakte ko'o sekteme sekpagkanamaxche'. Nágkólteméssesaxche élmanyása kélyempe'ék kóltók xama enxoho m'a aqsok élpexyaweykegkoho nak náxop kalxog.

Salmos 72:10

¡Elsókásegmak sa' apkelmésso naqsa aqsok, tén han apcháncheseykekxa m'a kelwesse'e nak Tarsis, tén han ma'a egkexe étkók nak, tén han ma'a kelwesse'e apkelwányam nak Sabá, tén han ma'a Sebá!

Isaías 19:20

Katnehek sa' aqsok magkenatchesso, yaqwayam sa' kaxénwakxohok chá'a kélwáxok Wesse' ekha nak apyennaqte m'a apchókxa Egipto. Apkelwóneyha sa' agkok chá'a Wesse' egegkok yának epasmok eñama apkelápagqánamap ma'a ektáha nak chá'a apnaqtawáseykegkoho, yáphássesek sa' chá'a xama appasmo, yaqwayam sa' elmeyók chá'a tén han elwagkasek chá'a teyp.

Isaías 42:8

Ko'o sekteme Wesse', cháxa sekwesey ko'o xa, magwohók sa' ko'o kólmések seyeymáxkoho xama enxoho m'a mók aqsok nak tén han kóltéhek kéláyo m'a aqsok kéleykmássesso, ko'o eyke aqsa payhawók chá'a hélpeykesho'.

Isaías 43:11

Ko'o aqsa exakkók sekteme Wesse'; méko pók apmopwána enxoho elwagkasek teyp énxet.”

Isaías 45:14

Aptáhak apcháneya Wesse' egegkok Israel se'e: “Elyelqakpok sa' aqsa nápaqtók xép ma'a énxet'ák Egipto apkeltamheykha nak chá'a yókxexma, tén han ma'a énxet'ák ekha nak chá'a aqsok apkexeykekxa m'a Etiopía, tén han ma'a énxet'ák Sabá, cham'a énxet'ák apkelwenaqte nak, apkelásenneykha naqsa sa' etnehek; elxog sa' neptámen xép yetlo kélpextete cadenas, eltekxeyagkok sa' aptapnák xóp apmonye' exchep tén sa' etnehek yának se'e: ‘Naqsók apha kélnepyeseksa kéxegke Dios, méko pók, méko pók kéláyókxa.’”

Isaías 63:8

Aptáhak axta s'e: “Ko'o énxet'ák ahagkok xa, étchek yaqwayam sa' mehelyexanchesha chá'a.” Axta nahan apkelwagkasso teyp

Jeremías 14:8

Xép, apkelhaxanma nak chá'a énxet'ák Israel, sẽlwagkasso nak chá'a teyp ekwa'a enxoho ekhem ekmaso negheykha, ¿yaqsa ektéma aptéma máxa apkeñama mók nekha s'e negyeseksa nak negko'o, aptémól'a m'a énxet apxegál'a, aphayam la'a sekxók yaqwayam etyenek axta'a?

Jeremías 16:21

“Cháxa keñamak peya nak ko'o axekmósek ma'a sekmowána, keñe sa' elya'ásegwók sekwesey ko'o Wesse'.

Ezequiel 39:7

Wának sa' ko'o elya'asagkohok sekwesey ektaqmalma m'a énxet'ák ahagkok Israel, magwohok sa' chá'a kaxwók kóllenxanmagkohok kéltawáseykha. Keñe sa' ma'a énxet'ák apkeleñama nak mók apkelókxa elya'ásegwók sektáha ko'o sektaqmalma m'a kañe' Israel, ko'o sektáha nak Wesse'.

Amós 9:7

Aptáhak Wesse' egegkok se'e: “Israelitas, kélhawók kéxegke sélányo m'a etiopes, méko kélyeykhamaxche kélmók. Eknaqleykenteyk axta ko'o kéxegke kéleñama m'a Egipto, eknaqleykenteyk axta ko'o filisteos apkeleñama m'a Creta, keñe arameos apkeleñama m'a Quir.”

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.