Isaías 41:8 - Biblia Enxet

⁸ “Israel, apteme nak séláneykha, yeyxho sa' sekpeywa. Jacob, apteme axta sélyéseykha, aptáwen neptámen axta m'a sekteme émók Abraham:

Isaías 41:8 Σταυροειδείς Αναφορές

1 Crónicas 16:13

kéxegke Israel aptawán'ák neptámen apteme axta apkeláneykha, kéxegke Jacob axta apketchek apteme axta apkelyéseykha.

2 Crónicas 20:7

Dios egagkok, apkelántekkessegkek axta exchep nápaqta'awók énxet'ák apagkok Israel ma'a énxet'ák apheykencha'a axta s'e xapop nak, apméssegkek axta meyke néxa m'a Abraham aptawán'ák neptámen, apxegexma axta exchep.

Salmos 105:6

kéxegke Abraham aptawán'ák neptámen apteme axta apkeláneykha, kéxegke Jacob axta apketchek apteme axta apkelyéseykha.

Salmos 135:4

Hakte apkelyéseykha m'a Jacob, cham'a Israel, yaqwayam etnehek apagkok apagko'.

Salmos 136:21

Apmelásektama axta xapop ma'a énxet'ák apagkok, apagkok axta m'a kelwesse'e apkelwányam nak, hakte megkamassegwomek chá'a segásekhayo,

Salmos 136:22

apméssama axta yaqwayam etnehek apagkok ma'a apkeláneykha Israel, hakte megkamassegwomek chá'a segásekhayo.

Salmos 33:12

Apkeleñémo énxet apteme nak Dios apagkok ma'a Wesse' egegkok, cham'a énxet'ák apkelyéseykha nak yaqwayam etnehek énxet'ák apagkok.

Isaías 14:1

Yepyóshok sa' elanok Wesse' egegkok ma'a Jacob. Apkelyéseykha sa' etnekxak makham ma'a Israel, yának sa' elhakxak makham israelitas ma'a xapop apagkok nak. Elyepetchegwak sa' nahan ma'a megkatnaha nak apkelókxa xamo', epaxqeykxak sa' ma'a Jacob énxet'ák apagkok.

Isaías 29:22

Ékeso éñamakxa aptáha nak appeywa Wesse' egegkok se'e, cham'a Israel Dios apagkok nak, apwagkasso axta teyp ma'a Abraham: “Memegqáyhek sa' kaxwók Jacob se'e kaxwo' nak tén han ma'a egmonye' sa', méxwásekxeyk sa' chá'a kaxwók apmegqakto,

Isaías 42:1

“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Isaías 42:19

Méko xama énxet enxoho meyke agko' apaqta'ák tén han meyke agko' apeyk'ák, kaxnók ma'a séláneykha nak ko'o, seyápháseykha nak chá'a. Méko xama énxet enxoho meyke agko' apaqta'ák tén han meyke agko' apeyk'ák, kaxnók ma'a apseykha nak chá'a sekpeywa, séláneykha ko'o, sektáha nak Wesse' egegkok.

Isaías 43:1

Aptáhak kaxwók xép apcháneya Wesse' egegkok se'e, Israel, ektáha axta apkelane, Jacob ektáha axta aptekkesso: “Nágyé aqsa, ekwagkassek ko'o exchep teyp; ekwóneyha apwesey, xép apteme ahagkok.

Isaías 43:10

Aptáhak Wesse' egegkok se'e: “Kéxegke kélteme kélweteykegkoho chá'a aqsok sélane, kéltáha nak séláneykha, sélyéseykha axta yaqwayam hélyekpelkohok chá'a tén han héláwho', tén han hélya'asagkohok chá'a yaqsa ko'o. Méko axta xama aqsok kéláyókxa maweykxa axta ko'o, méko sa' nahan katnehek xama enxoho m'a netámen sa'.

Isaías 43:5

Nágye' aqsa, ekheyk ko'o xamók xép. Wának sa' ko'o elchexyók énxet'ák apagkok yaqwayam ewakhegwata', sa' elenyenták ma'a teyapmakxa ekhem nak tén han ma'a taxnegwánxa ekhem.

Isaías 44:21

“Israel, kaxén sa' apwáxok xép apteme séláneykha. Jacob xép apteme séláneykha, hakte ko'o axta sélane exchep. Israel, náhélwánaqmágwom aqsa ko'o.

Isaías 45:4

Ekwóneykha axta ko'o exchep eñama seyásekhayo m'a séláneykha Jacob, cham'a Israel, aptáha axta sélyéseykha, ekméssegkek axta nahan yaqwayam ékpelchekpohok apteme ekha kéláyo, cháxa apmeykencha'a nak, neyseksa mehey'áseyak eykhe ko'o exchep.

Isaías 48:12

“Israel, yeyxho sekpeywa, Jacob, sekwóneykha axta: Ko'o sekteme wánxa xama Dios, ko'o sekteme eyeynókxa tén han ektemegwánxa néxa.

Isaías 49:3

Aptáhak axta seyáneya s'e: “Israel, xép apteme séláneykha, xép sa' kañék axekmósek seyeymáxkoho m'a énxet'ák.”

Isaías 51:2

kaxénwakxoho kélwáxok ma'a Abraham, kélyáp axta kéxegke, tén han ma'a Sara egken axta, ektáha axta élántekkesso kéxegke keso náxop. Apxakkók axta sekxók sekwóneykencha'a ko'o m'a, tén axta séltémo exámekxak ma'a aptawán'ák neptámen.

Isaías 63:16

¡Xép apteme negko'o egyáp! Mehẽlya'ásegkok eykhe m'a Abraham, megkaxénwakxók nahan negko'o apwáxok ma'a Israel, Wesse', xép apteme negko'o egyáp; nanók xép apteme sẽlwagkasso teyp.

Jeremías 33:24

“¿Ya ékpelchak xép apxéna énxet'ák sélyetnakhasa ko'o ánet apheykegkaxa énxet'ák ektáha axta ko'o sélyéseykha ahagko', cham'a Israel tén han Judá? ¡Cháxa keñamak kéllano nak chá'a yetlo kélwanyeykha m'a énxet'ák ahagkok, massék kaxwók kélteméssesa xama apchókxa!

Levítico 25:42

hakte séláneykha ko'o m'a; ko'o axta sélántekkesso Egipto, megkeymexchek kólchexeykxak ekha ekyánmaga, yaqwayam kólteméssesek kélásenneykha naqsa.

Malaquías 1:2

Aptáhak Wesse' egegkok se'e: “Élásekhayók ko'o kéxegke.” Keñe kéxegke kéltáha sélátegmowágko s'e: “¿Háxko negko'o antéhek agya'asagkohok sẽlásekhayo exchep?” Aptáhak axta Wesse' egegkok apchátegmowágko s'e: “¿Háweya axta Esaú apyáxeg ma'a Jacob? Eyásekhayók axta ko'o m'a Jacob,

Deuteronomio 10:15

Awanhók agko' axta eyke apmopmenyého Wesse' egegkok ma'a kélyapmeyk nano' axta kéxegke, apkelásekhayók axta nahan, tén axta natámen apkelyéseykencha'a nahan ma'a aptawán'ák neptámen nak, kéxegke m'a, nepyeseksa m'a apyókxoho pók aptémakxa nak énxet'ák, ekhawo negwet'a nak makham se'e negwánxa nak.

Deuteronomio 14:2

Hakte kéxegke kélteme énxet'ák apkelpagkanma m'a Dios Wesse' kélagkok; axta apkelyéseykha nepyeseksa apyókxoho énxet'ák nak keso náxop yaqwayam kóltéhek énxet'ák apagkok apagko'.