Isaías 38:3 - Biblia Enxet

³ “Wesse' ahagkok, eltamhók ko'o exchep kaxénwakxohok apwáxok ektémakxa nak mayenseyam sekyetleykha tén han sekteméssesso naqsók agko', séláneya m'a ekleklamo nak xép apwáxok.” Tén axta apkelekxagweyncha'a ekwányam agko'.

Isaías 38:3 Σταυροειδείς Αναφορές

Génesis 17:1

Apxekmowáseykpók axta Wesse' egegkok Abram, ektéma axta noventa y nueve apyeyam apagkok. Aptáhak axta apcháneya s'e: —Ko'o sekteme Dios ekha sekyennaqte, etne ekpéwomo aptémakxa nahaqtók ko'o.

Génesis 6:9

Keso ektémakxa axta ekxénamaxche apha Noé s'e: énxet ekpéwomo aptémakxa axta Noé, elyahakxohok axta chá'a m'a Dios, wánxa axta aqsa han apxakko' chá'a apkeláneya ektémakxa apmopmenyého Dios, nepyeseksa m'a énxet'ák aphamakxa axta.

1 Reyes 15:14

Axta eykhe kólmassésseykmok ma'a kélpeykessamókxa axta chá'a aqsok kéleykmássesso, cham'a egkexe nak chá'a, axta eyke eyenseykmok apyetleykha Wesse' egegkok ma'a Asá,

1 Reyes 2:4

Yaqwayam enxoho han elának Wesse' egegkok ma'a séltennassama axta ko'o elána', apxeyenma megkameykehek chá'a énámakkok apteme wesse' apwányam ma'a Israel, cham'a apkelánegkoho enxoho chá'a ektémakxa aqsok apkelánéyak ma'a étchek, ektaqmela enxoho chá'a aptamhágkaxa nápaqtók ma'a, ekweykmoho kañók agko' apkelwáxok tén han élchetámeykegkaxa nak apkelwáxok.

2 Reyes 18:3

Leklamók axta apwáxok Wesse' egegkok ektémakxa aqsok apkelane m'a Ezequías, ekhawo ektémakxa axta ekyókxoho aqsok apkelane m'a David, apyáp nano' axta.

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

1 Crónicas 29:19

Egkés sa' han hatte Salomón eyáxñeyo apwáxok yaqwayam enxoho elyahakxohok ma'a apkeltémókxa nak antéhek xép, tén han ekyókxoho m'a aptémakxa nak chá'a apkenagkama exchep, yaqwayam sa' yepwának elának ma'a tegma appagkanamap sekpenchessamo nak ko'o séláneykekxa ekyókxoho aqsok.”

1 Crónicas 29:9

Kelpayhékxók agko' axta apkelwáxok énxet'ák nak, hakte axta elmeyágweykxak aqsok apagkok apkelmésa m'a Wesse' egegkok, yetlo éltaqmeleykha apkelwáxok. Payhékxók agko' axta han apwáxok ma'a wesse' apwányam David.

2 Crónicas 16:9

Apkeláneykha Wesse' egegkok ekyókxoho ektémakxa nak chá'a keso nélwanmeygkaxa, yaqwayam egkések chá'a apkelyennaqte m'a ektáha nak chá'a apcháyo ekmámnaqso' agko'. ¡Máxa ekyeyháxma eyke aptáhak xép aptáha kaxwo' xa ektáha nak! Katepagkok sa' eyke exchep kaxwók apkempakhamap.”

2 Crónicas 25:2

Leklamók axta apwáxok Wesse' egegkok ektémakxa aqsok apkelane m'a Amasías, háwe axta eyke ekmámnaqso' agko' enxoho aptémakxa.

Esdras 10:1

Apwakhegwokmek axta apxámokma israelitas énxet tén han kelán'ák, sakcha'a apkellekxagweyncha'a, neyseksa apkelmaxnagko Esdras, tén han apkelekxagweykha apxéna apkeltémakxa m'a énxet'ák, tén han neyseksa apkeltekxekxo aptapnák ma'a apmonye' nak Dios tegma appagkanamap apagkok.

Nehemías 1:4

Xama axta ko'o sekleg'a xa amya'a nak, ekheyk axta sekwana. Yáma wenaqtémók axta ekyaqhapmo ewáxok, axta atók sekto, élmaxnagkamchek axta nápaqtók Dios apha nak néten.

Nehemías 13:14

¡Dios ahagkok: kaxén sa' apwáxok se'e aqsok sélane nak, nágkalwánaqma ekyókxoho m'a aqsok ektaqmela sekteméssessamakxa nak ko'o m'a Dios ahagkok nak tegma appagkanamap apagkok, tén han ma'a ektémakxa nak chá'a élánamáxche kélpeykessamo!

Nehemías 13:22

Tén axta séltémo ko'o eláxñásekxak apyempe'ék ma'a levitas, tén han elanha m'a atña'ák, yaqwayam enxoho megkóltawasha sábado m'a. ¡Dios ahagkok: kaxén sa' han apwáxok eñama sélane xa, kapyósho hélanok ko'o, ekhawo ektémakxa nak ektaqmeleykha apwáxok henlanok xép!

Nehemías 13:31

tén axta han ma'a apkelseykenta axta chá'a yántapák, ekwákxo enxoho chá'a ekhem ekxénamaxchexa', tén han kélnegkenmakxa chá'a m'a émha amonye' ekyexna aqsok kélcheneykekxa'. ¡Dios ahagkok: kaxén sa' apwáxok ko'o, kataqmalmakha sa' apwáxok hélano'!

Nehemías 5:19

¡Dios ahagkok, kaxénwakxoho sa' apwáxok ektaqmalma sekteméssessamakxa s'e énxet'ák nak!

Salmos 101:2

émenyeyk ko'o atnehek ekpéwomo sektémakxa. ¿Háxko sa' ekwánxa hey'óta'? Ektaqmalma sektémakxa sa' ko'o atnehek, cham'a exagkok nak;

Salmos 102:9

Táhap aqsa ektók, matók ma'a nento nak chá'a; kenchahamaxchekxeyk ahaqta'ák égmen'ák ma'a sekya nak,

Salmos 119:80

Kalyahakxohok sa' ko'o ewáxok ma'a ekyókxoho segánamakxa apagkok, yaqwayam sa' mamegqayhek chá'a.

Salmos 16:8

Malwátéssemek chá'a ko'o ekxéneykha ewáxok Wesse' egegkok, aphegkek ko'o neheykha' ekpayho sélya'assamakxa', méko kawának hetegkesek.

Salmos 26:3

Mehelwánaqmágweykmok ko'o m'a segásekhayo nak, mayenseykmok han xép;

Salmos 32:2

Apkeleñémo énxet meyke nak ekxéneykha apwáxok ekmaso, mexéncháseykekxoho nak Wesse' egegkok xama enxoho m'a aqsok megyaqhémo.

Salmos 6:6

Eyélaqtéssek ko'o m'a sélekxagweykha. Yókxoho axta'a sélekxagweykha, yássessegkek ahaqta'ák égmen'ák ma'a sekteyáyam nak.

Salmos 6:8

¡Kólántép sekhakxa, élmasagcha'a nak kéltémakxa, apleg'ak Wesse' egegkok ma'a ektémakxa ekxegeykha egkenyek!

Isaías 38:2

Appeynchákpek axta appayhékxoho nápakha tegma m'a Ezequías, tén axta aptáha apkelmaxneya Wesse' egegkok se'e:

Isaías 38:4

Tén axta Wesse' egegkok apkeltamho Isaías

Oseas 12:4

Apkelnápomákpek axta han xama Dios apchásenneykha, apwatneyk axta han ma'a Jacob, apwóneyk axta, keñe apkeltamho kapyóshok elano'. Apwetágwokmek axta nahan Dios ma'a Betel, appaqhetchessek axta nahan ma'a.

Deuteronomio 6:18

Kóllána' chá'a m'a aqsok ekpéwomo nak tén han ma'a ekleklamo nak chá'a apwáxok elanok ma'a Wesse' egegkok, yaqwayam sa' kataqmelek chá'a ekteyapma ekyókxoho aqsok kéllanakxa enxoho chá'a, tén han kólmok ma'a xapop ektaqmalma apteméssessama axta ekmámnaqsoho agko' yaqwayam egkések Wesse' egegkok ma'a kélyapmeyk nanók axta kéxegke,