Isaías 26:9 - Biblia Enxet

⁹ Awanhók agko' chá'a exchep ekmámenyého ewáxok axta'a; weykmók chá'a kañók agko' ewáxok sétamso. Apkelyelpelchawók sa' agkok xép énxet'ák keso náxop, kaltámeyagkok sa' énxet'ák ma'a ekpéwomo nak nentémakxa.

Isaías 26:9 Σταυροειδείς Αναφορές

1 Crónicas 16:14

“Cham'a apteme Dios Wesse' egagkok ma'a; ¡sawheykekxók han apteme Wesse' apwányam keso náxop!

Salmos 105:7

Cham'a apteme Dios Wesse' egagkok ma'a; ¡sawheykekxók han apteme Wesse' apwányam keso náxop!

Salmos 119:55

Wesse', kaxének chá'a ko'o exchep ewáxok axta'a; ¡émenyeyk ko'o alának ma'a nélxekmowásamáxche apagkok nak!

Salmos 119:62

Axta'a eyseksók chá'a axatakhak agkések ekxeyenma ewáxok, eñama élpéwomo m'a apchánamakxa nak antéhek.

Salmos 130:6

Awanhók agko' ko'o sélhaxanma Wesse' egegkok, megkaxnawok ma'a ekweykenxal'a chá'a apkelhaxanma kalsék ma'a apkelhaxneykha. Cham'a ektémakxa nak apkelhaxanma kalsék ma'a apkelhaxneykha nak,

Salmos 58:11

Keñe sa' etnehek elpaqmétek se'e: “¡Háwe eyaqhémo antéhek nempéwomo! ¡Apyetneyk xama Dios apteme nak apkelyekpelchémo apyókxoho énxet'ák keso nélwanmeygkaxa'!”

Salmos 63:1

¡Dios ahagkok, xép apteme Dios ahagkok! Étámawók ahagko' ko'o exchep, hakte émenyeyk ko'o exchep; amenyeyk xép ewáxok, ektémól'a xapop ekyamaye meykel'a yegmen.

Salmos 63:5

Kapayhekxohok agko' sa' chá'a ewáxok, ektémól'a antók ma'a nento élmátsa élánamáxche nak ektámáxche ekyawe, alpeykeshok sa' chá'a yetlo ekpayheykekxa ewáxok.

Salmos 64:9

Keñe sa' apyókxoho énxet etnehek apcháyo m'a Dios, tén han elxének chá'a m'a aqsok apkelane; elya'asagkohok sa' han ma'a aqsok apkelane nak.

Salmos 78:34

Wánxa aqsa han chá'a elchetmok Dios ma'a apkelnapa enxoho chá'a nápakha, elyo'ókxak axta chá'a; elmaxneyagkok axta chá'a meyke apkelyeytekkesseyam;

Salmos 83:18

¡Elya'asagkohok sa' xép apteme wánxa Wesse' egegkok, tén han apteme wánxa Dios Meyke Ekhémo ekyókxoho keso náxop!

Proverbios 8:17

Wásekhohok chá'a ko'o m'a ektáha nak seyásekhayo, héteyekxak nahan chá'a m'a ektáha nak sektamso.

Isaías 27:9

Meyaqmagkásekxeyk sa' eyke aptémakxa mey'assáxma m'a Jacob, emasséssesek sa' aqsok megyaqhémo aptemessásekxo enxoho ánek ma'a meteymog apwatnéssamakxa nak chá'a aqsok ma'a kéleykmássesso, apteméssesa enxoho m'a ektémól'a kóltepelchekxak ma'a meteymog lamhatánek, tén han megkeyméxko enxoho xama m'a yámet kéláncháséyak élpagkanamaxche nak tén han ma'a meteymog kélwatnamakxa nak chá'a aqsok ekmátsa nak ekpaqneyam éten agkok, kélmésso m'a aqsok kéláyókxa.

Isaías 50:10

Kéxegke kéláyo nak chá'a Wesse' egegkok tén han kélháxenmo nak chá'a appeywa m'a apkeláneykha: kélxegkek agkok ekyáqtésakxaxma, meyke éltátchessesso m'a élseyéxma, kólteme kéláyo m'a Wesse' egegkok kólyepetchegwakxa m'a Dios kélagkok.

Isaías 55:6

“Kólchetam Wesse' egegkok kélewagkexa nak makham kólwetekxa', kólwónmakha apha nak makham keto'.

Lamentaciones 2:19

Kaxnekxa néten, kalpáxamha axta'a, nágkalwátessem élpáxameykha; kaltennés ekyókxoho nápaqtók Wesse' egegkok ma'a ektémakxa nak, koho aqsa kaxog ektémól'a yegmen; kalya'ásses néten apmék yetlo ekwóneykha, kalmaxnésses yaqwayam elwetak apkelyennaqte m'a sakcha'a agkok, apkeletsapa nak ámay eñama meyke aptéyak.

Lamentaciones 3:25

Elásekhohok chá'a Wesse' egegkok ma'a ektáha nak chá'a apcháyo, cham'a apkelye'eykekxa nak chá'a.

Ezequiel 5:15

Élanak sa' agkok ko'o yetlo seklómo ahagko' ma'a sekxénakxa axta atnéssesek xeye', tén han seklegassásegkoho sa' ekyawe agko', apyókxoho énxet sa' ewanyaha, etaqnawak sa' nahan, ekpexchesso apyempe'ék ekyawe agko' sa' katnéssesek ma'a énxet'ák apwakhaya nak neyáwa'. Ko'o sekxeyenma xa, sektáha nak Wesse'.

Oseas 5:15

“Keñe sa' ataqhohok makham ma'a séñamakxa, ekwokmoho apkelya'ásegwokmo melya'assáxma m'a, tén han apkelchexyekmo enxoho hektamok ko'o. ¡Hektamok sa' neyseksa apkellegeykegkoho!”