Isaías 22:2 - Biblia Enxet

² Tegma apwányam eksawheykekxoho nak kañe' ekyennamáxma tén han kélwehéseykha, ekyepetche nak ma'a ekneywomáxche', háwe sókwenaqte élnapma m'a apkeletsapma nak apheykha kañe', háwe nahan aptekyawa m'a neyseksa kempakhakma;

Isaías 22:2 Σταυροειδείς Αναφορές

Isaías 10:4

Sa' agkok kéxegke kólháxahagkok nepyeseksa m'a apkelmomap nak tén han ma'a aptekyawa axta neyseksa kempakhakma, kóletsaphok sa' xamo'. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Isaías 23:7

¿Keyaxa tegma apwányam nanók apyetnamakxal'a xa ekyetnamakxa axta chá'a ekneywomáxche'? ¿Keyaxa énxet'ák apkelxegama axta chá'a yaqwayam elhók ma'a makhawók agko' nak apchókxa?

Isaías 32:13

Katyapok sa' yámet ekha nak am'ák tén han ekmompánaqma m'a seyókxa, cham'a apyókxoho tegma nak ma'a tegma apwányam élpayheykekxexa nak chá'a apkelwáxok ma'a énxet, ekyetnamakxa nak chá'a m'a apkelátseykha.

Isaías 32:14

Etaqmopagkok sa' ma'a tegma apyawe aptaqmalma nak; meyke xama aqsok sa' katnekxak ma'a tegma apwányam, apheykegkaxa nak apxámokma énxet; kataqmopagkohok agko' sa' ma'a kélhaxtegkesso ekyennaqte nak nepyáwa; kalkohok sa' awáxok kallawha yámelyeheykok nawha'ák ma'a, katawagkok sa' nahan pa'at kélnaqtósso m'a.

Isaías 37:33

“Axta aptáhak Wesse' egegkok apxéna wesse' apwányam Asiria s'e: ‘Metxehek sa' Jerusalén, memakték sa' xama enxoho yágke, mektamagkehek sa' nahan yetlo apcháhakkásamap, melanyek sa' nahan ámay néten nenchántamakxa m'a nepyáwa' nak.

Isaías 37:36

Apxegkek axta m'a Wesse' egegkok apchásenneykha, apkelnáhapwokmek axta nahan ciento ochenta y cinco mil énxet ma'a apkelpakxeneykegkaxa axta m'a asirios; keñe axta mók ekhem, kelsakak axta, hágkek axta aphopák apyókxoho m'a.

Jeremías 14:18

Ektekkek agkok yókxexma, ótak kaxnagkok kélhapák aptekyawa neyseksa kempakhakma; ektaxneyk agkok tegma apwányam, ótak apkeletsapma énxet'ák eñama meyk élnapma. Weykmok apkellegasso Dios appeywa, tén han apkelmaxnéssesso Dios énxet'ák apagkok apkelmaheykegko m'a apchókxa melya'ásegkaxa nak.’”

Jeremías 38:2

“Keso aptáhakxa exchek Wesse' egegkok se'e: ‘Kempakhakma sa' yetsapok ma'a apheykekxa enxoho tegma apwányam, essenhan meyk, tén han negmasse. Keñe sa' ma'a apteyapma enxoho, apmeyásamap enxoho m'a caldeos, ewagkasakpok sa' teyp.’

Jeremías 52:6

Yágwokmók axta meyk ma'a tegma apwányam, cham'a ekhem nueve aptáhakxa nak cuatro pelten ma'a apyeyam nak, méko axta entáhak aptéyak ma'a énxet'ák.

Lamentaciones 1:1

¡Apxakkók apagko' aptamhákxak ma'a tegma apyawe apláneyo axta chá'a énxet'ák! ¡Aphágwakxók kelán'a tampe' m'a tegma apyawe apagkok nak énxet'ák! ¡Kélméssegkek ekyentaxno ektamheykha m'a apchókxa ektaqmalma nak!

Lamentaciones 2:20

Elano Wesse' egegkok, kalchetam apwáxok méko xama énxet apteméssessama exchep xa ektéma nak. ¿Katawagkokxak enxoho sa' eykel'a chána m'a étchek melyamasma nak makham aptéyak neme? ¿Etekyewekxak enxoho sa' eykel'a nahan apkelmaxnéssesso nak Dios énxet'ák apagkok, tén han ma'a apkellegasso nak appeywa m'a tegma appagkanamap apagkok nak?

Ezequiel 22:5

Yesmaksek sa' chá'a exchep énxet'ák apheykha nak keto tén han ma'a makhawo', xép tegma apwányam apxénamap nak nátegma eñama apkelpeykessamo m'a aqsok kéleykmássesso, tén han ekyawe metaqmelchásamap.

Sofonías 2:15

Cháxa tegma apwányam apheykegkaxa nak énxet'ák apkeleymákpoho xa, meyke éltamheykha apkelwáxok, apkelxeyenma axta chá'a apheykha nak kañe' méko ekhawo s'e ekyókxoho nélwanmeygkaxa nak. ¡Meyke agko' aqsok tamhákxa', aqsok nawha'ák éllo élyáqtamakxa'! Apkelyeykhágwokmek sa' agkok chá'a énxet'ák ma'a elmóhaksek sa' chá'a, keñe sa' elyaqyéssesha chá'a apmék elwanyoho'.