Isaías 2:7 - Biblia Enxet

⁷ Sawheykekxók sawo ekyátekto élmomnáwa m'a apchókxa nak tén han ma'a sawo ekmope élmomnáwa nak, xámók agko' nahan ma'a aqsok élmomnáwa nak; apsawheykekxók nahan yátnáxeg ma'a apchókxa, xámók agko' nahan ma'a yátnáxeg apkelyenyawasso kélanchesso nak kempakhakma.

Isaías 2:7 Σταυροειδείς Αναφορές

1 Reyes 4:26

Yetneyk axta han Salomón cuatro mil apkelyáqkassamakxa yátnáxeg, yaqwayam elyáqkasek chá'a m'a apnaqtehetchesso nak chá'a apkelyenyawasso, keñe axta doce mil ma'a sẽlpextétamo apkelchánte nak yátnáxeg.

Job 3:15

essenhan ma'a kelwesse'e apxámaseykekxo nak sawo ekyátekto élmomnáwa m'a apxanák apkeltaqmalma nak, tén han ma'a sawo ekmope élmomnáwa nak.

Salmos 20:7

Nápakha énxet'ák chá'a yásenneykxak ma'a yátnáxeg apkelyenyawasso apkenchesso nak kempakhakma, nápakha han chá'a elásenneykxak ma'a yátnáxeg apkelchánte; keñe negko'o negásenneykekxo chá'a m'a Dios Wesse' egegkok.

Isaías 30:16

kéltáhak aqsa kélpaqmeta s'e: “Ma', tásek eyke negko'o ólxog ólchántek yátnáxeg ólxeganmok.” Hoy táse', kólteme sa' kólxeganmok xa ektáha nak. Kéltáhak nahan kélpaqmeta s'e: “Ólchántek sa' yátnáxeg apkelyenyawasso élyennaqte nak ényahéyak.” Táse', apmelyeha'ak sa' etnehek apkenyehéyak ma'a ektáha nak apmenxenma.

Isaías 31:1

¡Énxet'ák laye, apkelmeyeykekxa nak chá'a Egipto aptegyeykha ekpasmo, apkeláyo nak chá'a m'a ekha nak yátnáxeg apkelchánte, apkeláyo nak chá'a m'a ekxámokma nak yátnáxeg apkelyenyawasso apagkok, tén han apteme nak apkeláyo m'a énxet apxámokma apkelchánte nak yátnáxeg, keñe melenmexeykekxoho m'a aphakxa nak Dios Aptaqmalma nak Israel, melchetamsók ma'a Wesse' egegkok!

Isaías 57:17

Énxet'ák Israel melya'assáxma axta eyke keñamak seklama ko'o yaqwatakxoho, éllegassáseykegkók axta ko'o m'a, éxakhamchek axta nahan; énmexeykekxeyk axta eyke ko'o m'a, apkelyeheykekxók axta m'a ektémakxa axta ekmámenyého apkelwáxok elanagkok.

Oseas 14:3

Mopwanchek negko'o hẽlwagkasek teyp ma'a Asiria, mogwanchek nahan ólxeganmok ólchántek yátnáxeg. Kamaskok sa' kaxwók óltéhek negko'o ‘Dios egagkok’ ma'a aqsok nenlánéyak egagko' nak, hakte xép apwánxa apagkok kóteyágwók ekmayósa kóllanok ma'a élyeheykha nak, xép Wesse'.”

Miqueas 5:10

Keso aptáhakxa nak appeywa Wesse' egegkok se'e: “Annáhakkasek sa' ko'o apkelchánte yátnáxeg xa ekhem nak, asawhaksohok sa' amasséssessók yátnáxeg apkelyenyawasso apagkok apkenchesso nak kempakhakma;