Isaías 16:2 - Biblia Enxet

² Máxa náta élyegwakto, éxakhál'a aqsa axanák aptamheykegkok apkelyeykheykekxoho wátsam Arnón ma'a énxet'ák apheykha nak Moab.

Isaías 16:2 Σταυροειδείς Αναφορές

2 Reyes 3:4

Nepkések apxámaseykekxa axta eyke aptemék aptamheykha m'a Mesá, wesse' apwányam axta Moab, elméshok axta han chá'a cien mil nepkések apketkók yaqwayam etnehek apagkok ma'a wesse' apwányam nak Israel, tén han cien mil nepkések apkelennay'awók élwenaqte nak apwa'ák

Proverbios 26:2

Sẽlyemneykha ekmaso meykexho aqsok sensexnenagko, megkáhapwék ma'a ektáha nak chá'a kélyemneykha, máxa m'a kesña'ay apxegányam la'a, tén han ma'a ektémól'a yeptameygmen meyke nak axagkok.

Proverbios 27:8

Énxet apweynchámeykha nak makhawók megkatnahakxa apchókxa', aphawók ma'a ektémól'a náta ekweynchámeykhal'a makhawók ekyetnamakxa m'a axagkok.

Isaías 13:14

“Máxa sa' etnahagkok yátapopyet apmenxenamap la'a m'a énxet'ák essenhan ma'a aptémól'a nepkések yexpaqnek, meykel'a eyáncheseykekxa. Xama xama sa' chá'a elmeyekxak ma'a apkelókxa apagko' nak chá'a, elyexánegwakxak sa' ma'a ektáhakxa nak chá'a xapop apagkok apagko'.

Jeremías 48:20

Mékoho kéltemessásekxak ma'a Moab, asagkók agko' axta ektáhakxa. ¡Kóllekxagwaha kóllanok ma'a! ¡Kóllegés kélmasséssekmo Moab ma'a neyáwa nak wátsam Arnón!”

Jeremías 48:46

¡Xép laye, Moab! ¡Kélmasséssekmek kéxegke Quemós énxet'ák apagkok! ¡Kélnaqlákxeyk apketchek apkelennay'a tén han kelwán'ák ma'a megkatnahakxa apkelókxa!

Jeremías 48:9

Kólpekkenches xama meteymog kéltáxésso ekxeyenma ekmassegweykemxa m'a Moab, hakte peyk kólmasséssók; nápakha'a apketkók sa' etnekxak ma'a tegma apkelyawe nak, meyke xama énxet apheykekxa m'a.”

Números 21:29

¡Kéxegkel'aye kélheykha nak Moab! ¡Kélmassegwokmek kéxegke dios Quemós énxet'ák apagkok! Apcha'awók elántépok elxeganmok énxet'ák kélagkok ma'a. Keñe kelán'ák kélagkok apkelmésa yaqwayam elmok ma'a wesse' apwányam Sihón.

Deuteronomio 2:36

Méko axta xama enxoho tegma apwányam magmomakxa negko'o, axta eyeynamókxa m'a tegma apwányam Aroer, apyetnama nak ma'a nekha wátsam Arnón, tén han ma'a tegma apwányam apyetnama nak ma'a ekyapwátegweykenxa xapop, ekweykekxoho m'a Galaad; hakte Dios Wesse' egegkok axta apkeltémo ólmok negko'o m'a apyókxoho nak.

Deuteronomio 3:12

“Ekméssegkek axta ko'o Rubén tén han Gad énxet'ák apagkok ma'a xapop negmá axta, cham'a xapop eyeynamo nak ma'a yókxexma Aroer, neyáwa nak ma'a wátsam Arnón, ekweykekxoho m'a náxet neyseksa nak ma'a egkexe Galaad yetlo m'a tegma apkelyawe apheykegko nak ma'a.

Deuteronomio 3:8

“Cháxa negmomakxa axta negko'o xapop apagkok ma'a apqánet kelwesse'e apagkok axta m'a amorreos, apheykencha'a axta m'a ekteyapmakxa ekhem nak neyp wátsam Jordán, eyeynamo m'a wátsam Arnón ekweykekxoho m'a egkexe Hermón nak.

Josué 13:16

Axta cheynamók xapop apagkok ma'a Aroer, neyáwa nak ma'a wátsam Arnón, keñe han ma'a tegma apwányam apyetnama nak ma'a neyseksa ekyapwate, tén han ma'a ekyókxoho egkexe ekpayhéyak nak néten ma'a yókxexma Medebá,

Jueces 11:18

Nélxegamchek axta m'a yókxexma meykexa nak énxet, neghaxnenchámeykekxeyk axta m'a xapop nak Edom, tén han Moab, ekwokmoho nélweykmo m'a ekteyapmakxa ekhem nak ma'a teyp Moab. Nélpakxenweykmek axta m'a neyp nak wátsam Arnón. Axta eyke ólyekheykekxa', hakte axta eyeynókxa xapop Moab ma'a.