Génesis 50:20 - Biblia Enxet

²⁰ Xeyenmeyk axta kéxegke kélwáxok hélteméssessamhok exma ekmaso, keñe Dios aptemessásekxo ektaqmela m'a aqsok ekmaso nak, yaqwayam enxoho alának se'e kélwet'a nak kaxwo': yaqwayam alwagkasek teyp apxámokma apagko' énxet'ák.

Génesis 50:20 Σταυροειδείς Αναφορές

Génesis 37:26

Keñe axta Judá aptáha apkeláneya apkelyáxeg se'e: —Kaqhók agaqhek egyáxeg, tén han ampósek manxének ektáha negaqhe.

Génesis 37:27

Agmések aqsa ekha ekyánmaga m'a ismaelitas, magaqhek sa', hakte egyáxeg egagko' negko'o xa. Apkelyahákxók axta han aptáhakxa apkeláneya m'a apkelyáxeg.

Génesis 37:4

Apkelweteyak axta apkelpepma apchásekhayo apagko' apyáp ma'a José, axta kaxnók ma'a pók apketchek nak, aptaqnókek axta, massegkek axta ektaqmeleykha apkelpeywa elána'.

Génesis 50:19

Apchátegmowágkek axta eyke m'a José: —Nágkatneykha aqsa kélwáxok. Mowanchek ko'o axnésaxkohok Dios.

Salmos 119:71

Tásek setnéssessamakxa setnessáseykekxo mékoho, cháxa keñamak séltámeya nak ma'a segánamakxa apagkok.

Salmos 56:5

Yókxoho ekhem sepaqhetchesseykta ekmaso; wánxa aqsa élxeyenma apkelwáxok hetnéssessamhok exma ekmaso.

Salmos 76:10

Yának chá'a exchep elpeykeshok ma'a énxet'ák apkello nak; ¡elsawásseshok chá'a exchep ma'a metekyawa nak kempakhakma!

Isaías 10:7

Makke katnahak élchetamso apwáxok wesse' apwányam Asiria xa ektáha nak, háwe nahan apmakókxa etnehek xa. Xénchek aqsa apwáxok emasséssók tén han esawhohok apxámokma apagko' ma'a énxet.