Génesis 42:38 - Biblia Enxet

³⁸ Aptáhak axta apchátegmowágko Jacob se'e: —Melyetlewek sa' kéxegke m'a hatte nak. Apketsepmeyk ma'a José, apepma axta, wánxa apkeymomákpo xa. Temégwokmok agkok exma neyseksa kélxega, kéxegke han kañék sélsexnenagko watsapok sélapwayam, sektáha nak énxet apwányam.

Génesis 42:38 Σταυροειδείς Αναφορές

Génesis 37:33

Apyekpelchawók axta Jacob, tén axta aptáha s'e: “¡Cháxa, hatte aptaxno apwenaqte xa! Xama aqsok nawhak eklo chaqhak keñe ektawa.”

Génesis 37:34

Keñe axta Jacob apkelyepta aptaxno, aptaxneykxeyk axta m'a apáwa nentaxneykekxohol'a apketsapma egmók, ahóxek axta apkelekxagweykha eñama apketsapma apketche.

Génesis 37:35

Kelenxáneykmek axta eykhe kapeykessásekxak apwáxok ma'a apketchek apkelennay'a tén han kelwán'ák, mopmenyeyk axta eyke kólpeykessásekxak apwáxok; apkelekxagweykha axta aqsa apketamsama apketche, aptéma s'e: “Alenxanmohok sa' aqsa sélapwayam sétamso hatte, ekwokmoho sektahanyeykxo m'a apkelmaheykegkaxa nak apkeletsapma.”

Génesis 42:13

Aptáhak axta apkelátegmowágko s'e: —Doce negyókxoho negko'o egyáxeg xamo', aptáha nak xép apkeláneykha, negheykha han ma'a Canaán. Aphákxeyk eyke aphakxa táta m'a egyáxeg apsexyo nak, keñe m'a pók axta apxegáneykmo negyeseksa negko'o.

Génesis 42:37

Tén axta Rubén aptáha apcháneya apyáp se'e: —Hegkés ko'o yaqwayam alanha m'a Benjamín, keñe sa' eyntegkásenták makham. Sa' agkok eyntegkásenta', elnáhap sa' ma'a apqánet étchek nak.

Génesis 42:4

keñe axta Jacob megya'awo exog ma'a Benjamín, apyáxeg axta m'a José, hakte xénchek axta apwáxok katnégwomhok exma.

Génesis 43:13

¡Kólyentem heykxa kélyáxeg, kólyo'ókxa makham ma'a énxet nak!

Génesis 44:20

keñe axta negko'o negátegmowágko néltennasa apha egyáp apwányamo, tén han pók egyáxeg apketkok apagko', aptéyam axta aptéma apwányamók ma'a egyáp nak. Néltennássek axta han apchásekhayo apagko' ma'a egyáp nak, hakte wánxa axta xama apkeymomákpo apketche apagko' egken xamo' ma'a, hakte apketsepmeyk ma'a pók apepma axta.

Génesis 44:22

Néltennássek axta exchep mopwanchek eyenyók apyáp ma'a wokma'ák nak, hakte apyenyókek agkok ma'a, yetsapok ma'a apyáp.

1 Reyes 2:6

Elána sa' aqsok yetlo apya'áseykegkoho, nágyoho kataqmelek apketsapma.

Job 41:32

Kameykesek natámen ma'a yegmen, kalyenmohok han ekyaqmópesso.

Salmos 71:18

Dios ahagkok, ná heyenyaw aqsa, sektáha nak sekwányamo, tén han ekmopa nak épátek, seyewagko nak makham altennaksek ektémakxa apmopwána ekyawe s'e kaxwe apkektega nak, tén han ma'a yaqwayam nak elántépok egmonye'.

Salmos 90:10

Setenta apyeyam aqsa chá'a kammok negha; keñe m'a apkelyennaqte nak, ochenta apyeyam aqsa chá'a néxa apheykha; kaqhok eyke kaqheykha egwáxok anxek ekwenaqte, wánxa aqsa agwetak ma'a nélya'ásamaxche' exma, tén han nentamheykha ekyentaxno. ¡Yahamok exog apyeyam, ekhawo nak han negko'óxa'!

Eclesiastés 1:14

Ekya'ásegweykmek axta ekyókxoho aqsok élánamáxko nak chá'a keso náxop, ekteme aqsok eyaqhémo agweta', máxa m'a negmáheyól'a agmagkok éxchahayam.

Eclesiastés 2:26

Naqsók Dios aptáha apmésso apya'áseyak aqsok énxet, tén han ma'a apyekpelchémo nak aqsok, tén han ekpayheykekxa nak egwáxok, cham'a apchásekhókxa enxoho chá'a, keñe eyke m'a énxet apkelane nak mey'assáxma, yohok sekxók chá'a etnehek wesse', eñama m'a apwasqápeykekxoho nak aptamheykha, tén han yánchásekxak aqsok éltaqmalma élmomnáwa nak, keñe natámen elmések chá'a pók énxet, cham'a apchásekhókxa enxoho chá'a. ¡Cháxa ektáha han aqsok eyaqhémo agwetak xa, máxa negmáheyól'a agmagkok éxchahayam!

Isaías 38:10

Axta temék ko'o élchetamso ewáxok se'e: Axog sa' ko'o sektáhakxoho étkok; eyáneyáxcheyk amhagkok apkelmaheykegkaxa nak chá'a apkeletsapma neyseksa eykhe makham ekxámokma ekhem sekha.

Isaías 46:4

atnéssesek sa' nahan chá'a ekwokmoho kéltáha kélwányamo' xa ektáha nak; kamópak sa' eyke kélpátek, apasmok sa' eyke aqsa chá'a. Éláneyak axta ko'o kéxegke, malwátéssemek sa' sélqeyneykha; apasmok sa', alwagkasek sa' teyp.