Génesis 27:19 - Biblia Enxet

¹⁹ —Ko'o Esaú, átnaha apketkok apketche —axta aptáhak apchátegmowágko Jacob—. Ekpenchessek sélane m'a apkeltamho exchek alanaksek. Exnekxa sekxók néten; exa, etaw aqsok nawhak sektegyesso exchek, hélmaxnésses kaxwók aqsok éltaqmela.

Génesis 27:19 Σταυροειδείς Αναφορές

Génesis 25:25

Ekyexwase apwa' axta m'a apmonye' aptéyam, sawheykekxók axta áwa' apyempehek, Esaú axta kéltemessásak apwesey.

Génesis 25:28

Axta han apchásekhayókxa apagko' Isaac ma'a Esaú, hakte apmenyeyk axta chá'a etwok ma'a aqsok apchaqhe apnempaqwayam, keñe axta Rebeca ekpeheweykmo eyásekhayo m'a Jacob.

Génesis 27:18

Apmeyákxeyk axta Jacob ma'a aphakxa apyáp. Aptáhak axta apcháneya s'e: —¡Táta! —Keso sekha s'e —axta aptáhak apchátegmowágko Isaac—, ¿yaqsa hatte exchep?

Génesis 27:21

Aptáhak axta apcháneya Isaac se'e: —Hépetchegwoho, heyho apaknegwomho', yaqwayam sa' ay'asagkoho', naqsók kexaha aptáha hatte Esaú.

Génesis 27:31

Aphanchek axta han ekmátsa agko' ma'a, tén axta apsákxésa apyáp, aptáhak axta apcháneya s'e: —Táta, exnekxa néten, etaw aqsok nawhak ápetek sektegyesso exchek ko'o sektáha nak xép apketche, hélmaxnésses aqsok éltaqmela.

Génesis 27:35

Aptáhak axta Isaac apchátegmowágko s'e: —Apwa'akteyk xeyk apyáxeg, élyexancháseyha ko'o, apxakak han ma'a aqsok éltaqmela, ektáha axta eykhe exchep apagkok.

Génesis 27:4

Hehanches sa' sekto ekmátsa, sekmáheya nak chá'a ko'o, hesantagkas sa' yaqwayam atwok ko'o, keñe sa' almaxnéssesek aqsok éltaqmela amonye' sétsapma.

Génesis 27:45

tén han élwánaqmágwokmo m'a apteméssesakxa axta. Keñe sa' wának kóltennássekxak, yaqwayam éxyók makham. ¡Maltamhók ko'o kaxhok mók aptekyawa étchek xama ekhem!

1 Reyes 13:18

Keñe axta m'a énxet apwányam aptáha apcháneya s'e: —Ko'o han sekteme Dios appeywa seklegasso, aptéma nak xép, Dios apchásenneykha apkeñama nak Wesse' egegkok han apkeltamhók ko'o exchep eyntemekxak ma'a exagkok, tén han wagkok apto, tén han ma'a yegmen. Apkelyexancháseyha axta eykhe m'a énxet apwányam nak,

1 Reyes 14:2

Keñe axta Jeroboam aptéma apkenagkama aptáwa' s'e: —Kaxeg, kalántaxnekxa sa' ma'a apáwa megkótémaxko nak chá'a kalmaha, yaqwayam sa' megkeykpelchexchék ektáha etáwa', kamhók sa' ma'a Siló. Apheyk Ahías ma'a, cham'a Dios appeywa aplegasso séltennassama axta ko'o atnehek wesse' apwányam se'e yókxexma nak.

Isaías 28:15

Kéltáhak kélpaqmeta kéxegke s'e: “Nenlanak negko'o ekhémo mók nélpaqhetchásamáxkoho m'a nétsapma, nélpaqhetchásexkók negko'o m'a apkelmaheykegkaxa nak chá'a apkeletsapma, yaqwayam sa' mehegwatamók ma'a ekwa'a sa' aqsok ekmaso agko'; nélyexanmomchek negko'o m'a nélmowancha'a amya'a nak, néláhakkásamaxcheyk ma'a nélyexancháseykha nak egmók.”