Génesis 25:24 - Biblia Enxet

²⁴ Wokmek axta ekhem yaqwánxa katnehek naqláwa Rebeca, wet'ak axta apqánet appalleykmoho étchek.

Génesis 25:24 Σταυροειδείς Αναφορές

Génesis 25:23

Aptáhak axta apchátegmowágko s'e: “Ánet apchókxa pók aptémakxa énxet'ák hágkok kañe' awáxok. Apqánet énxet apkelnápékpok amonye' appalleyam. Xama sa' etnehek apyennaqte apagko', mexók sa' ma'a pók nak, apchásenneykha sa' etnehek átnaha apketkok ma'a apsexyo nak.”

Génesis 25:25

Ekyexwase apwa' axta m'a apmonye' aptéyam, sawheykekxók axta áwa' apyempehek, Esaú axta kéltemessásak apwesey.

Génesis 38:27

Apqánet appalleyam axta han wet'ak étchek Tamar ektáha naqláwa.

Deuteronomio 23:7

“Eyke nágkóltaqnawák chá'a m'a edomitas, hakte kélteme kélnámakkok kéxegke m'a; tén han ma'a egipcios, hakte kélheykha axta kéxegke m'a apchókxa nak;

Génesis 36:1

Keso Esaú aptawán'ák neptámen se'e, apwesey axta han Edom.

Josué 24:4

apqánet apketchek axta ekméssók Isaac, cham'a Jacob tén han Esaú. Keñe axta Esaú sekmésa m'a Seír yókxexma ekxámokmakxa nak meteymog élekhahéyak, keñe axta Jacob yetlo apketchek apkelmaheykegko m'a Egipto.

1 Crónicas 1:34

Abraham axta apyáp ma'a Isaac. Isaac apketchek: Esaú tén han Israel.