Génesis 19:17 - Biblia Enxet

¹⁷ Xama axta apkelántekkesa m'a tegma apwányam, aptáhak axta xama Dios apchásenneykha s'e: —¡Yenye, ewagkasáp teyp! Nágyenmexekxoho aqsa neptámen, ná etnegwom han xama enxoho m'a ekyapwate nak, emhók sa' ma'a élámhakxa nak meteymog, apkeltamho enxoho ewagkasakpok teyp.

Génesis 19:17 Σταυροειδείς Αναφορές

Génesis 13:10

Apkenmexawók axta Lot ekyókxoho ekyapwate nak wátsam Jordán, apwet'ak axta han ekyawa yegmen ekweykekxoho m'a yókxexma étkok nak Sóar, máxa axta m'a yókxexma ektaqmalmal'a. Hawók axta m'a ektémakxa axta Egipto. (Cháxa ektémakxa axta xa, amonye' axta apmassésseyam Wesse' egegkok ma'a tegma apkelyawe Sodoma tén han Gomorra.)

Génesis 14:10

Xámok axta máxek ekheykegkaxa nak meteymog égmenek ma'a ekyapwate nak Sidim, xama axta apkenyahágko peya elxeganmok neyseksa kempakhakma m'a apkelwesse'e apkelwányam nak Sodoma, tén han Gomorra, yetlókok axta appallegwayam kañe' máxek, keñe axta nápakha apkelwesse'e apkelwányam apkelyexánegwokmo m'a egkexe nak.

Génesis 18:22

Apkelxegákxeyk axta m'a apqánet meyk'a nak, apkelmahágko m'a Sodoma, keñe axta Abraham apkenmeyncha'a makham ma'a apkenmágkaxa axta Wesse' egegkok,

Génesis 19:18

Keñe axta Lot aptáha s'e: —¡Ma', énxet'ák! ¡Nágkólana aqsa atnehek xa ektáha nak!

Génesis 19:22

¡Exeg heykxa'! Emhók heykxa ekmanyehe m'a, malanyek sa' eyke sekxók makham sekmakókxa nak alának mewokmo enxoho makham xép ma'a yókxexma nak. Axta keñamak ektéma apwesey Sóar xa tegma apketkok nak.

Génesis 19:26

Keñe axta Lot aptáwa' énmexákxoho natámen, cham'a ekxega axta neptámen, tamhákxeyk axta han yásek ekyennaqte.

Génesis 19:30

Apkekak axta Lot exnekxak ma'a Sóar, tén axta apmahágko m'a yókxexma élaqneykegkaxa nak meteymog élwenaqte yetlo ánet apketchek, kelheykmek axta kañe' meteymog áxwa xa ántánxo nak.

1 Reyes 1:12

Agkések sa' ko'o exche' sekpeywa, yaqwayam sa' kawagkasaxchek teyp, yetlo m'a étche Salomón.

1 Reyes 19:3

Apyekpelcheyk axta eyesagko yaqwánxa katnehek Elías, keñe apmahágko Beerseba, yaqwayam enxoho ewagkasakpok teyp, cham'a yókxexma nak Judá, axta apyensakmok apkeláneykha m'a.

Salmos 121:1

Axta ektáhak ko'o ekpaqméteyncha'a ewáxok sénmexawo élámhakxa nak meteymog élwenaqte s'e: “¿Háxko sa' ko'o kañék sepasmo?”

Jeremías 48:6

¡Kólxegánem! ¡Kólwagkasaxche teyp kélewagko enxoho! ¡Kólenyahák ektémól'a yámelyeheykok nawha'ák!

Números 16:26

Tén axta aptáha apkeláneya énxet'ák se'e: —Kólántép apkelpakxeneykegkaxa nak xa énxet'ák élmasagcha'a nak apkeltémakxa, nágkólpaknegwomho aqsa xama enxoho m'a aqsok apagkok nak, hakte kóletsapok katnehek kéxegkáxa, eñama melya'assáxma xa énxet'ák nak.

1 Samuel 19:11

Yetlókok axta apkeltémo elmeyekxak David apxagkok apkeláneykha m'a Saúl, yaqwayam enxoho elanha, keñe yaqhek ma'a élsaka enxoho. Keñe axta Mical, aptáwa' axta m'a David, keltennássekxeyk axta. Axta entáhak eyáneya s'e: —Sa' agkok yenyahak se'e axta'a nak, saka sa' emátog.