Éxodo 22:31 - Biblia Enxet

³¹ “Kéméxcheyk kóltéhek kéxegke énxet'ák kélpagkanchásamáxche ko'o. “Nágkóltaw chá'a kéltósso ápetek eyaqhe nak aqsok nawhak eklo m'a yókxexma; kólchexakkas sa' chá'a semheg.

Éxodo 22:31 Σταυροειδείς Αναφορές

Esdras 9:2

Apkelmeykegkek aptamheykegko apnaqteyegka'a apyapmeyk ekweykekxoho apketchek apkelennay'a apketchek kelwán'ák nak se'e énxet'ák nak; cháxa keñamak appaxqeykekxo nak Dios énxet'ák apagkok ma'a énxet'ák megkatnaha nak appeywomo xamo'. Apkelámha apmonye'e han chá'a sekxók apkeláneyak apmonye'e xa ektéma nak melya'assáxma, tén han ma'a apkeltaqmelchesso nak chá'a apchókxa.”

Ezequiel 4:14

Ektáhak axta ko'o seyátegmowágkokxo s'e: “Wesse' ahagkok, mapaknegweykmohok ko'o makham xama enxoho m'a aqsok ekmanyása nak; matók nahan xama enxoho ápetek ma'a aqsok nawhak étsapma naqsa nak, tén han ma'a aqsok nawhak eklo nak élyepto, meypkeynmak makham atwok xama enxoho m'a ápetek ekmanyása nak.”

Ezequiel 44:31

Metawagkek sa' nahan chá'a xama enxoho náta m'a appasmo nak apkelmaxnéssesso Dios énxet'ák apagkok essenhan ma'a kéltósso étsapma naqsa nak chá'a, essenhan ma'a ekteméssesso nak chá'a nekha'a étkók élyepto m'a xama aqsok nawhak eklo.

Levítico 19:2

“Etne sa' elának israelitas se'e: “Kólteméssesaxche sa' kéxegke kélpagkanamaxche', hakte ko'o Dios Wesse' kélagkok, sekteme sekpagkanamaxche'.

Levítico 20:25

Cháxa keñamak eyéméxko nak kéxegkáxa kólteméssesek megkaxnémo mók ma'a aqsok nawha'ák élmanyása nak, tén han ma'a megkalmanyása nak, tén han megkaxnémo mók ma'a náta élmanyása nak, tén han ma'a megkalmanyása nak. Nágkóltemésses ekmanyása kélyempe'ék kóltók ma'a aqsok nawha'ák, náta, tén han ma'a ekpexyaweykegkoho nak xapop kalxog, séltennassama axta ko'o ekteme aqsok nawha'ák élmanyása.

Levítico 22:8

Mopwanchek sa' etwok ma'a aqsok kéltósso étsapma nak ápetek, tén han ma'a ekteméssesso nak nekha'a étkók ma'a aqsok nawhak eklo, yaqwayam enxoho megkanyetséssesek apyempehek. Ko'o sekteme Wesse'.

Levítico 7:24

Kélwanchek kóltéhek kélmeykha mók aqsok ma'a aqsok nawha'ák életsapma nak pexmok agkok, essenhan ma'a aqsok nawhak eklo nak élyepto, megkólwanchek eyke kóltók.

Deuteronomio 14:21

“Nágkóltow chá'a xama enxoho m'a aqsok nawhak étsapma naqsa nak chá'a, hakte kéxegke kélteme énxet'ák apkelpagkanma m'a Dios Wesse' kélagkok; sa' eyke kélwanchek chá'a kólmések ma'a énxet apkeñama nak mók apkelókxa apha nak chá'a kañe' tegma apkelyawe kélagkok kéxegke; sa' eyke apwanchek etwok ma'a. Kélwanchek nahan kólmések ekha ekyánmaga m'a énxet apkeñama nak mók apkelókxa apwe enxoho yaqwatakxoho m'a kélheykegkaxa. “Nágkólhanchásekxa chá'a yát'ay apketkok egken neme apyegmenek apagkok.