Éxodo 22:20 - Biblia Enxet

²⁰ “Énxet apkelnáhakkasso enxoho chá'a aqsok kélnaqtósso m'a mók aqsok kéláyókxa nak, ekpayhawo nak eykhe wánxa elmések ma'a Wesse' egegkok, yáneykpok sa' ematñekxa'.

Éxodo 22:20 Σταυροειδείς Αναφορές

1 Reyes 18:40

Keñe axta Elías aptáha apkeláneya s'e: —¡Kólma sa' Baal apkellegasso ekpeywa! ¡Nágkólho aqsa exyenmok xama enxoho! Apkelmeyk axta m'a énxet'ák, apnaqlókek axta Elías ma'a alwáta' nak Quisón, cha'a apkelnáhapwánxa axta han ma'a.

2 Reyes 10:25

Appenchessek axta apmésso aqsok apwatno m'a Jehú, keñe aptáha apkeláneya apkelhaxneykha axta, tén han ma'a sẽlpextétamo apkelwesse'e nak: —¡Kólántex, kólnáhap! ¡Nágkólho yegketek xama enxoho! Apkelnapchek axta m'a Jehú apkelxegexma'a, sókwenaqte axta chá'a apkelyetxeyk, keñe apkexaya aqsa m'a. Tén axta apkelántaxna m'a kañe' tegma kélpeykessamókxa axta m'a Baal,

2 Crónicas 15:13

Apkelxénchek axta han kólaqhekxak chá'a m'a memáheyo nak chá'a ektamok Wesse' egegkok, megkeyxek ma'a apkelwányam essenhan apketkók nak, énxet essenhan kelán'a.

Éxodo 23:9

“Nágkólyentaxnésses chá'a apha m'a énxet apkeñama nak mók apkelókxa, hakte kéxegke axta nahan kélteme kéleñama mók apkelókxa m'a kélheykencha'a axta m'a Egipto, kélya'ásegkok kaxwo' ektémakxa neghayam mók apkelókxa.

Éxodo 32:8

Yahamók agko' apyensakmo apkelyetlo m'a ámay séltémókxa axta ko'o elyetlók. Apkelánegkek xama weyke kennawók étkok kéleykmássesso m'a sawo ekyátekto ekmomnáwa kélháneykekxa nak kélpeykáseykekxa, apkelpeykásawók nahan, apkelsákxéssek nahan ma'a aqsok apkelmésso naqsa apagkok; aptáhak nahan chá'a apkelpaqmeta s'e: ‘¡Israel, keso dios apagkok se'e, ektáha axta aptekkesso m'a Egipto!’

Éxodo 34:15

“Nágkólmes agko' xama enxoho ekhémo mók kélpaqhetchásamáxkoho énxet'ák apheykha nak xa xapop nak, hakte yának katnehek kólpasmok apnaqtawáseykpo enxoho elpeykeshok aqsok apcháyókxa tén han apkelsákxésa enxoho m'a aqsok apmésso naqsa nak, keñe kóltawagkok nahan kéxegkáxa xa aqsok kélmésso naqsa nak eknegkenamaxche',

Ezequiel 20:7

Apyókxoho axta nahan ko'o éltémók emasséssók ma'a aqsok apcháyókxa élmasagcha'a agko' nak tén han megkalpeysegkesek ma'a aqsok kéleykmássesso éleñama nak Egipto, hakte ko'o sekteme Dios Wesse' apagkok.

Levítico 17:7

Melmeyásekxók sa' chá'a kaxwók aqsok apkelnapma m'a kelyekhama apkelpeykessamo axta chá'a, eknaqtawáseykencha'a axta. Sa' katnehek kélánémaxchexa kóltéhek kéxegke meyke néxa xa, kawakxohok sa' ma'a apyapmeyk tén han kélketchek nak.

Levítico 19:33

“Nágkólyentaxnésses chá'a apheykha apkeleñama nak mók nekha, apheykha nak kélnepyeseksa kéxegke.

Malaquías 3:5

Aptáhak Wesse' egegkok ekha apyennaqte s'e: “Awaták sa' ko'o yaqwayam alyekpelchágwatámhok kéxegke. Keytlawhok sa' ko'o sélxéncháseykekxoho apkeltémakxa m'a aptamhéyak nak chá'a apkelyohóxma, tén han ma'a apnaqtawáseykegkoho nak chá'a apnaqteyegka'a apkelane chá'a mók, tén han ma'a eyaqhémo nak chá'a etnéssesek ekmámnaqsoho apkelpeywa, tén han ma'a apnaqtawáseykegkoho nak chá'a énxet'ák ekha nak apkeltamheykha, tén han ma'a xentampe'e nak, tén han ma'a élyéheykha nak, tén han meltaqmelchesso nak ma'a apkeleñama nak mók apkelókxa, tén han ma'a meheyáyo nak chá'a.

Números 21:3

Apméssek axta nahan Wesse' egegkok israelitas ma'a aqsok apkelmaxnagko, appasmeyk axta apmenxena m'a cananeos, apmasséssekmek axta israelitas ma'a apyókxoho cananeos, yetlo m'a tegma apkelyawe apagkok nak, apteméssessama nak ekwesey Hormá xa yókxexma nak.

Deuteronomio 10:18

apkelánekxéssamo nak han chá'a amya'a m'a élyeheykha nak tén han ma'a xentampe'e nak, apkelásekhayo nak han chá'a m'a énxet'ák apkeleñama nak mók apkelókxa apheykha nak kélnepyeseksa kéxegke, apkelmeyáseykegkoho nak chá'a m'a aptéyák tén han ma'a apkelántaxno.

Deuteronomio 18:20

Keñe sa' ma'a aplegasso nak chá'a sekpeywa, apxeyenma nak chá'a apseykha sekwesey, apxeyenma nak chá'a m'a aqsok megkatnaha nak chá'a ko'o séltémo exének, essenhan apxeyenma nak chá'a m'a mók kéláyókxa nak, yáneykpok sa' ematñekxa'.’

Deuteronomio 23:8

apwanchek sa' chá'a etnahagkok Wesse' egegkok énxet'ák apagkok ma'a aptawán'ák nak.

Deuteronomio 24:17

“Nágkóltemésses chá'a xama enxoho megkapayhawo nak chá'a anteméssesek ma'a énxet'ák apkeleñama nak mók apkelókxa tén han ma'a élyéheykha nak, nágkólyementem nahan chá'a élnaqta ekyaqmageykekxa aqsok kélmassáseykha m'a xentampe'e nak.