16 “Ná etne apmopwána amya'a exének ekmaso pók.
mexeyenma nak chá'a ekmaso pók, metnéssesseykmoho nak exma ekmaso m'a apxegexma, metaqnagko nak ma'a apha nak ketók apxagkok;
“Ná exén chá'a amya'a ekmowána amya'a, ná ewhánho nahan énxet ekmaso nak aptémakxa yaqwayam exének ma'a amya'a megkamámnaqsoho nak.
Ekpósek chá'a ektémakxa aplo m'a énxet apmopwána nak amya'a, keñe m'a élyeyháxma nak elsawha aqsa chá'a apkelmopwancha'a amya'a.
Eltennasha chá'a apyókxoho énxet'ák ma'a énxet apkeltenneykha nak chá'a amya'a aplege; ewanmak eyke aqsa chá'a meyke apkeltenneykha m'a énxet ekha nak kéláyo.
Kóllegássesagkohok sa' chá'a m'a apxeyenma nak chá'a apweteykegkoho megkamámnaqsoho; mopwanchek sa' yegketakpok ma'a énxet apteme nak chá'a apmopwána amya'a.
Sawo ekyentaxno, sókwenaqte, tén han yágke aktek ekmahamta agko', ¡cháxa apyetchásamákpoho m'a énxet apxeyenma nak aqsa apmopwána amya'a apxegexma meykexho aptáhakxa!
“Nágkólmenyex nahan chá'a. Nágkólteme chá'a kélmowána amya'a, nágkólyexanchesha han chá'a kélmók.
“Nágkóltemeykha kélmowána amya'a nepyeseksa énxet'ák kélagkok. “Nágkólwéhenekxoho chá'a m'a kélmók apmáheyo yaqhek pók. Ko'o sekteme Wesse' kélagkok.
“Ná kólyaqmagkásekxa chá'a apteméssesakxa énxet'ák kélagkok, nágkóltaqnaweyha chá'a. Kólásekhoho chá'a kélmók, ekhawo ektémakxa nak kéxegke kélásekhamaxchekxoho kélagko'. Ko'o sekteme Wesse' kélagkok.
‘Nágkólteme chá'a kélmowána amya'a kólxének ekmaso kélmók.
