Esdras 7:13 - Biblia Enxet

¹³ “Keso séltamhókxa nak ko'o katnehek se'e: Apyókxoho israelitas apmáheyo nak elyetlakxak xép ma'a Jerusalén apheykha nak se'e sektémakxa nak wesse' apwányam, apwanchek elxog, megkeyxek ma'a levitas, essenhan apkelmaxnéssesso nak Dios énxet'ák apagkok.

Esdras 7:13 Σταυροειδείς Αναφορές

2 Crónicas 30:5

keñe axta apkeltamho kóltennasagkok ma'a apyókxoho énxet'ák Israel, eyeynókxa m'a Beerseba ekweykekxoho m'a Dan, yaqwayam elmeyenták elánesseták Wesse' egegkok, Dios nak Israel ekhem Pascua m'a Jerusalén. Hakte mexámhek axta chá'a apkeláneyak ma'a nano' axta, ekhawo ektémakxa nak ektáxésamaxche'.

Esdras 1:3

Kélyókxoho kéltáha nak Wesse' egegkok énxet'ák apagkok, epasmok sa' ma'a Dios Wesse' kélagkok, kólmohok sa' ma'a Jerusalén, apyetnama nak Judá, yaqwayam sa' kóllanaksek tegma appagkanamap apagkok Wesse' egegkok, Israel nak Dios apagkok, cham'a Dios apha nak Jerusalén.

Esdras 5:13

Xama apyeyam axta temék apteme wesse' apwányam Ciro m'a Babilonia, apkeltamhók axta kólxátekhásekxak ma'a Dios tegma appagkanamap apagkok.

Esdras 6:1

Tén axta wesse' apwányam Darío apkeltamho kólchetagkasek weykcha'áhak ma'a kélxátamakxa axta chá'a weykcha'áhak apagkok wesse' apwányam ma'a Babilonia;

Ester 3:15

Apnaqtémagkek axta nahan ekmanyehe agko' apkelxega m'a apkelseykha weykcha'áhak, eñama apkeltémo m'a wesse' apwányam, kelyetsátexcheyk axta nahan segánamakxa m'a tegma apyennaqte nak Susa, cham'a ektepakxa axta nahan ekyennama exma m'a, apheyk axta aqsa apyena apyà m'a wesse' apwányam yetlo Amán.

Ester 9:14

Apkeltamhók axta kólteméssesek wesse' apwányam xa ektáha nak. Kelyetsátexcheyk axta amya'a ekxénamaxchexa axta katnehek ma'a Susa, kélmakheyáseyha axta nahan diez Amán apketchek aphopák ma'a néten yámet élwenaqte.

Salmos 110:3

Epasmekxak sa' énxet'ák apagkok peya enxoho yempakha'. Etépekxak sa' aqsa chá'a wokma'ák apagkok yókxoho ekhem ma'a egkexe élpagkanamaxche nak, ektémól'a yálye ektéyeykmohol'a amonye' ekteyapma ekhem.

Salmos 148:6

apnegkenmeyk axta ekyókxoho meyke néxa', appekkenmeyk axta han xama segánamakxa yaqwayam kólyahakxohok chá'a.

Daniel 6:26

éltamhók ko'o kóláwho tén han kólyahakxohok Daniel Dios apagkok ma'a ekyókxoho yókxexma séláneykegkaxa nak. “Hakte cham'a apteme Dios megyetsapma m'a, megkatnégwomek néxa apha. Megkólmasséssemek han ma'a aptémakxa nak wesse' apwányam megkamassegwomek nahan apmopwána.