Eclesiastés 9:2 - Biblia Enxet

² Hawók mók élhaxanma xa apyókxoho nak: énxet appéwomo, énxet mepéwomo, énxet ektaqmalma aptémakxa, énxet ekmaso aptémakxa, énxet eyáxñeyo apwáxok, énxet ekmanyása apwáxok, énxet apmésso aptósso apchaqhe, tén han ma'a megkésso nak aptósso apchaqhe; ekhawo han ma'a ektaqmalma nak aptémakxa, tén han ma'a mey'assáxma nak, tén han ma'a apteméssesso nak ekmámnaqsoho appeywa, tén han ma'a metnéssesso nak ekmámnaqsoho appeywa.

Eclesiastés 9:2 Σταυροειδείς Αναφορές

Génesis 24:3

Etnésses sa' naqsók agko' Wesse' egegkok, Dios nak néten tén han keso náxop, megyohok ko'o hatte Isaac emok xama kelán'a eñama nak se'e Canaán, sekhakxa nak ko'o,

Job 9:22

Hawók mók ekyókxoho aqsok. Keso ektémakxa chá'a ko'o ewáxok se'e: emasséssók chá'a m'a apsexnánémap nak, tén han ma'a meyke nak aptémakxa.

Salmos 73:3

Hakte nathayak ewáxok sélányo ektémakxa ektaqmalma apheykha m'a apkeleykmákpoho nak, tén han ma'a élmasagcha'a nak apkeltémakxa.

Eclesiastés 2:26

Naqsók Dios aptáha apmésso apya'áseyak aqsok énxet, tén han ma'a apyekpelchémo nak aqsok, tén han ekpayheykekxa nak egwáxok, cham'a apchásekhókxa enxoho chá'a, keñe eyke m'a énxet apkelane nak mey'assáxma, yohok sekxók chá'a etnehek wesse', eñama m'a apwasqápeykekxoho nak aptamheykha, tén han yánchásekxak aqsok éltaqmalma élmomnáwa nak, keñe natámen elmések chá'a pók énxet, cham'a apchásekhókxa enxoho chá'a. ¡Cháxa ektáha han aqsok eyaqhémo agwetak xa, máxa negmáheyól'a agmagkok éxchahayam!

Eclesiastés 3:19

Hawók mók élmaheykegkaxa énxet, tén han aqsok nawha'ák: kaletsaphok nahan chá'a, hawók mók ekha élennama. Méko ekyeykhamaxche énxet tén han aqsok nawha'ák: ekyókxoho ekteme eyaqhémo agweta',

Eclesiastés 6:6

Dos mil apyeyam eykhe chá'a kammohok apha xa énxet nak, megkapeykessásekxeyk eyke chá'a apwáxok ma'a aqsok apagkok nak. ¡Kaxhok eyke chá'a mók apkelmeyeykekxa m'a apkelmaheykegkaxa nak apkeletsapma!

Eclesiastés 7:18

Ektaqmelakxoho exchep emagkok ekyennaqte s'e aqsok nak, meyke apyenyeykekxa apméyak ma'a mók aqsok nak. Énxet apteme nak apcháyo Dios, emallánek chá'a xa ekyókxoho aqsok nak.

Eclesiastés 7:2

Tásek agmahagkok ma'a éllapwámegkaxa nak énxet, eñama apketsapma pók, megkaxnawok agmahagkok ma'a élpayheykxexa nak apkelwáxok énxet; hakte nétsapma ekteme ekweykekxoho apyókxoho énxet, kéméxcheyk chá'a kaxének apkelwáxok ma'a énxet'ák meletsapa nak makham.

Eclesiastés 9:11

Yetneyk han mók aqsok sekweteya nak chá'a ko'o keso náxop: háwe apkelyennaqte apkenyahéyak ma'a apkelwatno nak chá'a apkelteyásamap, háwe han chá'a apkelyennaqte m'a apkelmallanma nak kempakhakma; háwe han chá'a ekyókxoho ekhem apkelwete aptéyak ma'a énxet'ák apkelya'áseyak nak aqsok, háwe han chá'a apkelwesse'e m'a énxet'ák ekha nak apkelyekpelchémo, melmakpek nahan chá'a takha' m'a apkelmopwancha'a nak elanagkok aqsok; xama ekhem chá'a kataqmelek ektamhágkaxa, essenhan xama ekhem chá'a kasók ektamhágkaxa m'a apyókxoho nak.

Eclesiastés 9:3

Ékeso étsagkassamo nak chá'a ekyókxoho aqsok ektémakxa nak chá'a keso náxop: kaxhok chá'a mók élhaxanma m'a apyókxoho nak. Keñe nahan élchetámeykha nak apwáxok énxet láneyók aqsok ekmaso; yetnegkek apwáxok aqsok ekyeyháxma neyseksa apha; keñe chá'a apwagkasa enxoho néxa apha, emhagkok chá'a élmaheykegkaxa nak eghagák.

Jeremías 43:6

cham'a apkelennay'a nak, kelán'ák, sakcha'áletkók, wesse' apwányam apketchek kelwán'ák, tén han apyókxoho énxet'ák apkeltémo axta elanha Nebuzaradán, apteme axta apkemha apmonye' sẽlpextétamo m'a Guedalías, ekweykekxoho m'a Jeremías, tén han Baruc.

Malaquías 3:15

Negweteyak chá'a negko'o élpayheykekxo apkelwáxok ma'a apkeleymákpoho nak, tén han ektaqmalma chá'a aqsok apkelánéyak ma'a énxet'ák élmasagcha'a nak apkeltémakxa, elyepkeynek chá'a Dios, tén mellegássesagkók chá'a.”

Malaquías 3:18

Keñe sa' kéxegke kólyekpelchágwok makham mexnémo pók ma'a éltaqmalma nak apkeltémakxa, tén han ma'a ekmaso nak apkeltémakxa, tén han ma'a apkelpeykessamo nak Dios, tén han ma'a melpeykessamo nak.”

Malaquías 3:5

Aptáhak Wesse' egegkok ekha apyennaqte s'e: “Awaták sa' ko'o yaqwayam alyekpelchágwatámhok kéxegke. Keytlawhok sa' ko'o sélxéncháseykekxoho apkeltémakxa m'a aptamhéyak nak chá'a apkelyohóxma, tén han ma'a apnaqtawáseykegkoho nak chá'a apnaqteyegka'a apkelane chá'a mók, tén han ma'a eyaqhémo nak chá'a etnéssesek ekmámnaqsoho apkelpeywa, tén han ma'a apnaqtawáseykegkoho nak chá'a énxet'ák ekha nak apkeltamheykha, tén han ma'a xentampe'e nak, tén han ma'a élyéheykha nak, tén han meltaqmelchesso nak ma'a apkeleñama nak mók apkelókxa, tén han ma'a meheyáyo nak chá'a.

1 Samuel 14:26

Xama axta apkelántaxna naxma m'a énxet'ák, kenyeyk axta yányawhéna' apyegmenek ektémól'a yegmen; méko axta eyke ektawa, hakte cheyxcheyk axta m'a aptáhakxa axta apteméssesso naqso' appeywa Saúl.