Eclesiastés 11:1 - Biblia Enxet

¹ Eyenyow neygmen apto; keñe sa' natámen étekxak makham.

Eclesiastés 11:1 Σταυροειδείς Αναφορές

2 Samuel 17:29

yányawhéna' apyegmenek, weyke nagkeygmenek ekyennaqte, tén han kaxwe kélyennaqtésso, eñama nak weyke nam'agkok apyegmenek, keñe han nepkések, yaqwayam etwok ma'a David tén han ma'a apkelxegexma'a; hakte xénchek axta apkelwáxok apkelyampa'awo tén han élnapa meyk, keñe han élnapa hem, apkeleñama apkelxegakmo m'a yókxexma meykexa nak énxet.

Proverbios 11:18

Megkapasmehek ekyánmaga aptamheykha m'a énxet ekmaso nak aptémakxa'; keñe m'a énxet ekpéwomo nak chá'a aptémakxa', naqsók sa' kapasmok ekyánmaga aptamheykha.

Proverbios 19:17

Negmésso aqsok apmeykha naqsa m'a énxet meyke nak aqsok apagkok, cháxa negmésa han Wesse' egegkok ma'a aqsok negmésso naqsa, Wesse' egegkok sa' han eyaqmagkásekxak mók aqsok ektaqmela nenlane.

Proverbios 22:9

Dios sa' epasmok ma'a énxet ektaqmeleykha nak chá'a apwáxok elanok apnámakkok, eñama apkelmésso chá'a aptéyak ma'a énxet'ák meyke nak aqsok apagkok.

Eclesiastés 11:6

Eknekxa chá'a aqsok aktek axto'o, tén han taxnám, hakte mey'asagkehek yaqsa kexaha kataqmelek élánteyapma, amonye' apkeneykekxa essenhan ma'a axayo nak apkeneykekxa, essenhan tásek katnehek élánteyapma xa ánet nak.

Eclesiastés 3:6

Yetneyk ekhem nenlenxáneykenxa', tén han nélwatéssamakxa'. Yetneyk ekhem nentaqmelchessamakxa', tén han negyamasmakxa'.

Isaías 32:20

Kalpayhekxak sa' eyke kéxegke kélwáxok neyseksa kélheykha, awanhek sa' katnehek yegmen ekyásseséyak ma'a aqsok kélcheneykekxa, kaxek sa' nahan ekxámokma pa'at yaqwayam katawagkok ma'a yámelyeheykok kélnaqtósso tén han ma'a weyke.

Isaías 32:8

Keñe m'a énxet ektaqmalma nak aptémakxa tásek chá'a katnehek élchetámeykha apwáxok aqsok apmáheyo elána', meyensemek nahan chá'a aqsok apmáheyo elána'.

Levítico 19:25

keñe sa' ekwokmo enxoho cinco apyeyam, kélwanchek kaxwók kóltók kéxegke m'a ekyexna. Kéltemék sa' agkok xa, kaxámagkok agko' sa' ekyexna m'a yámet nak. Ko'o sekteme Wesse' Dios kélagkok.