Deuteronomio 4:3 - Biblia Enxet

³ Kéxegke kélagko' axta nahan kélweteyk apteméssessamakxa Wesse' egegkok ma'a Baal-peor, tén han apmassesseykmo kélnepyeseksa kéxegke m'a apyókxoho apkelpeykessamo axta chá'a aqsok kéláyókxa m'a yókxexma nak;

Deuteronomio 4:3 Σταυροειδείς Αναφορές

Ezequiel 20:18

Tén axta apketchek séltamho melanagkehek chá'a m'a apkeltamhókxa enxoho chá'a elanagkok ma'a apyapmeyk, tén han metnahagkek chá'a m'a apkeltamhókxa enxoho chá'a etnahagkok, tén han melpeykesók chá'a m'a aqsok kéleykmássesso nak.

Oseas 9:10

Aptáhak Wesse' egegkok se'e: “Payheykekxeyk axta ko'o ewáxok sekweteya m'a Israel, máxa axta ektemék énxet apwetágwayam la'a anmen yámet ekyexna m'a yókxexma meykexa nak énxet. Máxa axta ektemék ko'o sélányo kélyapmeyk nanók axta kéxegke m'a higo ekyexna amonyel'a. Keñe axta apkelweykmo m'a Baal-peor, apkelmeyásamákpo m'a aqsok kéláyókxa élmowancha'a amya'a nak, apkelmopsagcha'a apagko' axta apkeltemessásamákpok, ektéma nak ma'a aqsok kéláyókxa apkelmopmenyého nak ma'a.

Números 26:64

Méko axta xama enxoho ektáxésamaxche apwesey weykcha'áhak nepyeseksa m'a apnaqtáxeseykegko axta apkelwesey weykcha'áhak Moisés tén han Aarón ma'a meykexa nak énxet Sinaí,

Números 31:16

Cháxa élenmexcháseykekxo axta Wesse' egegkok israelitas xa, élyetlama m'a aptémakxa axta apkelanagkama m'a Balaam, apkelpeykessamo axta m'a Baal-peor. Cháxa keñamak apcha'a nak Wesse' egegkok negmasse ekmaso m'a énxet'ák apagkok.

Deuteronomio 11:7

Kéxegke kélagko' kélteme kélwete m'a aqsok ekyawe apkelane axta chá'a m'a Wesse' egegkok.

Deuteronomio 4:4

keñe kélyókxoho kéxegke, ektáha axta megkólyenseyam kélyetlo m'a Dios Wesse' kélagkok, kélweynchámeyncha'a makham.

Josué 22:17

¿Asextók enxeykel'a mólya'assáxma nenláneykegko axta m'a yókxexma Peor, mehegkexeykekxo nak makham senteme ekweykmo makham se'e kaxwo' nak, apkeletsapma axta apxámokma apagko' Wesse' egegkok énxet'ák apagkok?