Deuteronomio 3:9 - Biblia Enxet

⁹ (Sirión axta nahan apkeltemék sidonios ma'a egkexe nak, keñe axta amorreos apkeltéma Senir.)

Deuteronomio 3:9 Σταυροειδείς Αναφορές

Salmos 29:6

¡Apkelpexyennegkessek ma'a egkexe Líbano, tén han ma'a Sirión; máxa weyke kelennay'a tén han weyke étkók élnextegeykhal'a néten aptemessásak apkelnextegkáseyncha'a néten!

1 Crónicas 5:23

Axta apheykha Manasés nápakha énxet'ák apagkok aptawán'ák neptámen ma'a yókxexma ekmahéyak axta m'a Basán, ekweykekxoho m'a Baal-hermón, Senir tén han ma'a egkexe nak Hermón, hakte apxámok apagko' axta m'a.

Ezequiel 27:5

Apkelánessegkek ekyókxoho yántéseksa'ák apagkok ma'a yámet pino éleñama nak kélseykenta m'a egkexe Senir; keñe yámet ekwenaqte apagkok apkelánéssama m'a xama yámet cedro eñama nak ma'a Líbano;

Cantares 4:8

Sekpagkanma, hétlanta', ólántépok se'e Líbano nak. Kanmexentámho m'a xóp ekyapwate neyseksa énmeykha m'a étseksek egkexe nak Amaná, tén han ma'a étseksek nak ma'a Senir tén han ma'a Hermón, tén han ma'a yámakméwa axanák nak, tén han ma'a egkexe apkelyáqtamakxa nak neptána.

Salmos 133:3

Kaxhok ma'a yálye ektéyeykmohol'a egkexe Hermón, tén han ektéyeykmohol'a néten nak egkexe Sión. Cha'a apcháphassamakxa Wesse' egegkok ekwenaqte negweynchámeykha m'a.

Salmos 89:12

Xép apkelane nexcheyha tén han nepyeyam; kelmeneykmássek ekmátsa agko' élxéna apwesey m'a egkexe Tabor, tén han Hermón.

Josué 11:17

Apkelmomchek axta Josué apyókxoho apkelwesse'e m'a apheykegkaxa nak tén han apkelnapma, eyeynókxa m'a egkexe Halac, ekmeheykegko m'a yókxexma nak Seír, néxa m'a Baal-gat, ekpayho nak ekpayhegweykenxa xapop ma'a Líbano, kóneg nak ma'a egkexe Hermón.

Salmos 42:6

Awanhók agko' ko'o ekyaqhapweykmoho ewáxok. Cháxa keñamak ekxéna agko' nak ko'o ewáxok xép, cham'a yókxexma wátsam Jordán, tén han egkexe élekhahéyak nak Hermón, tén han Misar.