Cantares 6:13 - Biblia Enxet

¹³ ¡Keyxyem makham Sulamita, keyxyem! ¡Keyxyem, néltamhók makham negko'o agweta'! ¿Yaqsa kéltamho kólwetak kalának Sulamita? ¡Eknéweykha, ektémól'a m'a apkelpakxeneykegkaxa énxet!

Cantares 6:13 Σταυροειδείς Αναφορές

Génesis 32:2

Xama axta apkelwet'a Jacob xa énxet'ák nak, aptáhak axta s'e: “Dios sẽlpextétamo apagkok xa.” Apteméssessek axta han ekwesey Mahanaim xa yókxexma nak.

Génesis 49:10

Méko keymentók ektémakxa apyennaqte Judá, méko han kawának keymentók aptémakxa nak ekha kélyaheykekxoho, ekwokmoho apwa'akto makham ma'a ektáha nak apagkok ma'a aptémakxa nak wesse', cham'a peya nak elyahakxohok ma'a énxet'ák.

2 Samuel 17:24

Apwokmek axta David ma'a Mahanaim, chaqhawók axta apyeykhákxexa han Absalón ma'a wátsam Jordán, yetlo apyókxoho énxet'ák nak Israel.

Salmos 76:2

Apyetnegkek tegma appagkanamap apagkok ma'a Jerusalén; aphegkek ma'a egkexe Sión,

Cantares 1:6

Nágkóllano aqsa ektémakxa ekpésyam émpehek, tén han ekwatno émpehek ma'a mayáhat. Etaqnagkamchek axta ko'o m'a élyapma, tén axta apkeltémo atnehek séláneykha m'a anmen yámet apkeneykekxa, ¡keñe maláneykencha'a m'a ektáha axta séneykekxa ahagko'!

Cantares 2:14

“Sekpagkanma ekhémo nak wáx'ay, ekyexanmomo nak chá'a m'a neyseksa meteymog élpaqxo, tén han netnók agko' nak tén han ekxámokmakxa nak élyapwáteyak meteymog. Heyho ótak nát, heyho añak ekpeywa. ¡Tásek ko'o alanok nát xeye'! ¡Atsek nahan weyxhok ekpeywa!”

Cantares 6:12

Keñe natámen may'ásegko ektáhakxa ekwokmoho sekwet'a sekha xamo' kañe' yátnáxeg apyenyawasso m'a wesse' apketkok ahagkok.

Isaías 8:6

“Apkelwanyeyha énxet'ák se'e yegmen Siloé, ektaqmelchessamo nak aqsa ényé, eñama apkelaye m'a wesse' apwányam Resín tén han ma'a Remalías apketche nak,

Jeremías 3:22

Hélyo'óta makham ko'o, énxet'ák sénmexeykekxa nak chá'a, amasséssesek sa' ko'o m'a ektémakxa nak chá'a sélenmexeykha.” “Keso negheyncha'a negko'o s'e, negya'aweykteyk xép, hakte xép apteme Dios Wesse' egagkok.

Jueces 21:21

kólleyxmakha sa'. Kelántekkek sa' agkok kelán'a étkók éleñama nak Siló, yaqwayam kanéwagkok, kólántép sa' nahan kéxegke m'a kélyexánegwánxa enxoho, kólchétches sa' chá'a xama kelán'a, kólmeyekxa sa' chá'a m'a kélókxa nak.