Amós 5:1 - Biblia Enxet

¹ Israelitas, kóleyxho sekpeywa; kóleyxho negmeneykmasso senlapwayam sekmeneykmássesa nak ko'o kéxegke:

Amós 5:1 Σταυροειδείς Αναφορές

Jeremías 18:13

Cháxa keñamak aptáha nak Wesse' egegkok se'e: “Kólmaxneyha hana m'a pók aptémakxa nak énxet'ák, aplegayak kexa xama xa ektéma nak aqsok. ¡Asagkók agko' apkeláneyak aqsok ma'a énxet'ák Israel!

Jeremías 7:29

¡Énxet'ák Jerusalén, kólyaqtén kélwa', keñe sa' kólchexa'! ¡Kólmeneykmés sa' negmeneykmasso senlapwayam ma'a néten nak xóp eyáxñeyo meykexa nak xama aqsok! Hakte apkeltaqnaweygkek Wesse' egegkok ma'a énxet'ák kélagkok nak, apkexakke', apkelyetnakhássek nahan.

Jeremías 9:10

“Kóllekxagwaha, kólápentegmakha kóllanok ektáhakxa m'a meteymog élekhahéyak nak, kallapwomák kóllanok ektáhakxa m'a émhakxa nak pa'at ektaqmela, hakte metchek ma'a, méko kaxwók ekyeykhágwokmo m'a; massék eklegáxko élpáweykha aqsok kélnaqtósso m'a, wokmók náta élchampe ényahágko, tén han ma'a aqsok nawha'ák éllo.

Jeremías 9:17

Aptáhak Wesse' ekha nak apyennaqte s'e: “¡Kóltaqmelchesho kélháxenmo sekpeywa! Kóláneyha sa' kelán'ák élmowancha'a nak kallekxagwaha.”

Jeremías 9:20

Kelán'ák, kóleyxho Wesse' egegkok appeywa, kóltaqmelchesho kélháxenmo aptáhakxa nak appeywa. Kóltames éllekxagweykha kélketchek, tén han kélxegexma'a yaqwayam katnehek kallekxagwaha s'e:

Jeremías 9:9

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak? Ko'o sekxeyenma xa, sektáha nak Wesse'.

Ezequiel 19:1

“Xép énxet, enneykmásses sa' kelwesse'e apkelwányam nak Israel se'e negmeneykmasso senlapwayam nak:

Ezequiel 19:14

Tekkek kaxwók táxa eñama m'a aktegák nak, kelwatneyk ma'a kaxwe éltekteyapma nak áwa' tén han ma'a ekyexna. Méko kaxwók eyeymomáxche m'a aktegák élyennaqte nak, kélláneyo axta chá'a m'a yámet apkelmeykha nak chá'a m'a kelwesse'e apkelwányam.’” (Cháxa xama negmeneykmasso senlapwayam nak xa. Kólmaha sa' chá'a xa.)

Ezequiel 26:17

Keñe sa' elmeneykmássesek se'e negmeneykmasso nak senlapwayam: “¡Kéltawáseyha kélagko' nak la'a, kélmasséssekmók kélagko' nak la'a neyáwa wátsam ekwányam xép tegma apwányam apxénamap nak chá'a m'a ekyókxoho yókxexma! ¡Apmeyhek axta exchep apyetnama m'a neyáwa wátsam ekwányam nak yetlo m'a énxet'ák apagkok, aptekkessegkek axta nélmenaye m'a ekyókxoho apheykegkaxa!

Ezequiel 27:2

“Xép, apteme nak énxet, enneykmés sa' se'e negmeneykmasso senlapwayam nak.

Ezequiel 28:12

“Xép énxet, enneykmásses sa' xama negmeneykmasso senlapwayam ma'a wesse' apwányam Tiro, etne sa' yának se'e: “Keso aptáhakxa exchek appeywa Wesse' egegkok se'e: Xeyep axta apteme ektaqmalma agko' aptémakxa, ekyawe apya'áseyak tén han aptaqmalma kóllano'.

Ezequiel 32:16

“Keso xama negmeneykmasso nak senlapwayam se'e, sa' kalmeneykmaksek kelán'ák éleñama nak ekyókxoho apheykegkaxa, éllekxagweyncha'a sa' kalanok ma'a Egipto tén han ma'a énxet'ák apxámokma apheykha nak ma'a kañe'. Ko'o sekxeyenma xa, sektáha nak Wesse'.”

Ezequiel 32:2

“Enneykmásses sa' faraón se'e negmeneykmasso senlapwayam nak, cham'a wesse' apwányam nak Egipto: “Aphawók xép xama méwa nepyeseksa m'a pók aptémakxa énxet; Aphawók xép ma'a yegmen askok eklo ekyetno nak neygmen: apkelpaqtekkáseykha yegmen ma'a wátsam apagkok, apmópéssegkek yegmen apkelteyammeykha, aptawáseykha ekyetno yegmen ma'a yegmen ényé nak.

Amós 3:1

Israelitas, kóleyxho aptáhakxa nak appeywa Wesse' egegkok apkelxéna kéxegke, ektáha axta apkelántekkesso m'a Egipto:

Amós 4:1

Kóleyxho sa' se'e kelán'ák nak Samaria, kélhémo nak weyke eknaqmele Basán, kélyentaxnéssesso nak chá'a apheykha m'a meyke nak aqsok apagkok, kélnaqtawáseykegkoho nak chá'a m'a apkelmopyóseka nak, kéltémo nak chá'a elsantagkasek anmen yámet égmenek ma'a kélnaqteyegka'a, yaqwayam kólyenagkok.

Amós 5:16

Aptáhak Wesse' egegkok, Dios ekha nak apyennaqte s'e: “Kañexchek sa' kéllekxagweykha m'a ekyókxoho apkelweynchámeykegkaxa nak chá'a énxet'ák, katyapok sa' élpayheykha kélatña'ák kéllegeykegkoho ekmáske m'a ekyókxoho ámay nak. Kólwónmakha sa' yaqwayam ellekxagwaha m'a énxet'ák apkeltamheykha nak yókxexma, tén han ma'a apmopwancha'a nak ellekxagwaha.

Amós 8:14

Elyaqnenagkok sa' meyke apkelchampeykekxa néten ma'a apteméssesso nak chá'a naqsók apkelmésso apkelpeywa m'a aqsok kéláyókxa nak Samaria, apteme nak chá'a apkelpeywa s'e: ‘Negásenneykekxeyk chá'a negko'o m'a aqsok apcháyókxa nak ma'a Dan’, Negásenneykekxeyk chá'a negko'o m'a aqsok kéláyókxa nak ma'a Beerseba.”

Miqueas 2:4

Kólmeneykmássesek sa' kéxegke kélmeneykmasso sẽnlapwayam ma'a ekhem sa'. Keñe sa' kóltéhek se'e: ‘Ẽlmasséssekmók egagko' negko'o; kélyaqmagkassek pók apagkok ma'a negókxa, ektáha axta apagkok ma'a Wesse' egegkok, meyke kélnókáseykha xama enxoho; kélexpánchessek xapop egagkok nepyeseksa m'a énxet'ák aptáha nak sẽlma.’”