Amós 2:10 - Biblia Enxet

¹⁰ Élántekkessegkek axta eyke ko'o kéxegke m'a Egipto, eknaqleykha axta ekweykmoho cuarenta apyeyam ma'a yókxexma meykexa nak énxet, yaqwayam enxoho agkések kéxegke xapop apagkok nak ma'a énxet'ák nak.

Amós 2:10 Σταυροειδείς Αναφορές

Nehemías 9:21

Cuarenta apyeyam axta apkeléyak aptéyak ma'a yókxexma meykexa nak énxet, axta keymomáxchek chá'a xama aqsok enxoho, axta han elyeptamákpok apkelnaqta, axta han kalchampeykegkok apmagkok.

Salmos 95:10

Cuarenta apyeyam axta ko'o weykmok séltaqnawéyak xa énxet'ák nak, axta ektemék se'e: ‘Apkelyetnakhágweykmek apagko' se'e énxet'ák nak; ¡melyeheykekxak ma'a séltémókxa axta etnahagkok!’

Éxodo 12:51

Cháxa ekhem apkelántekkesakxa axta nahan Wesse' egegkok Egipto m'a énxet'ák apxámokma nak israelitas.

Éxodo 20:2

“Ko'o sekteme Dios Wesse' apagkok, ektáha axta aptekkesso m'a Egipto, aptémakxa axta kélásenneykha naqsa.

Éxodo 3:8

Cháxa keñamak sekweywento nak ko'o, yaqwayam alwagkasek teyp neyseksa apkelma m'a egipcios; alántekkesek sa' ko'o s'e apkelókxa nak, alya'aksek sa' ma'a xama xapop ekyawe agko' nak tén han ektaqmalma, cham'a ényahamakxa nak weyke nagkeygmenek, tén han yányawhéna' apyegmenek ektémól'a kanyehek ma'a yegmen, cham'a apchókxa apheykegkaxa nak ma'a cananeos, hititas, amorreos, ferezeos, heveos tén han ma'a jebuseos.

Jeremías 2:6

Axta kalyetnakhayók apkelwáxok hektamok ko'o, ektáha axta sélántekkesso m'a Egipto, ektáha axta seknaqleykha m'a yókxexma meykexa nak énxet, ekyamáyekxa nak xapop, ekxámokmakxa nak maxcha'a élmattawóneg, yókxexma meykexa nak yegmen, ekxámokmakxa nak aqsok eyeymáxche', yókxexma meykexa nak ekha, meyke nak ekyeykhágwayam ma'a.

Ezequiel 20:10

Élántekkessegkek axta ko'o m'a Egipto tén axta seknaqlama m'a yókxexma meykexa nak énxet;

Amós 3:1

Israelitas, kóleyxho aptáhakxa nak appeywa Wesse' egegkok apkelxéna kéxegke, ektáha axta apkelántekkesso m'a Egipto:

Amós 9:7

Aptáhak Wesse' egegkok se'e: “Israelitas, kélhawók kéxegke sélányo m'a etiopes, méko kélyeykhamaxche kélmók. Eknaqleykenteyk axta ko'o kéxegke kéleñama m'a Egipto, eknaqleykenteyk axta ko'o filisteos apkeleñama m'a Creta, keñe arameos apkeleñama m'a Quir.”

Miqueas 6:4

Élántekkesegkek axta ko'o kéxegke m'a Egipto, sélmallahanchessama m'a ektémakxa axta kélteme kélásenneykha naqsa. Eyáphássessegkek axta ko'o yaqwayam enaqlawha m'a Moisés, Aarón, tén han María.

Números 13:32

Apkeltennáseyha axta han israelitas ektáha ekmaso m'a apchókxa apkelmahágkaxa axta apkelano. Aptáhak axta apkeláneya s'e: —Kalnáphok énxet apheykha nak kañe' m'a xapop nélmahágkaxa axta negko'o nenlano, apyapmók nahan apyókxoho énxet negwetágwokmo axta negko'o m'a.

Números 21:25

Apmomchek axta israelitas ma'a apyókxoho tegma apkelyawe apagkok nak amorreos, cham'a Hesbón, yetlo m'a tegma aphéyak axta m'a nepyáwa', apkelheykmek axta nahan ma'a.

Números 32:13

Apkeltaqnaweykegkek axta Wesse' egegkok ma'a israelitas, apkeltémók axta elweynchamha yókxexma meykexa nak énxet ekweykmoho cuarenta apyeyam, ekwokmoho apsawheykpo apkeletsapma apyókxoho m'a aplókassama axta chá'a eñama ekmaso apkeltémakxa.

Deuteronomio 1:39

Kélanagkamchek axta kéxegke emáheyók elyementók kélnaqteyegka'a tén han kélketchek ma'a kélenmexma nak, sa' eyke elántexek apkelókxa m'a sakcha'a melya'áseyak nak makham aqsok ektaqmela tén han aqsok ekmaso; almésagkok sa' ko'o yaqwayam etnahagkok apagkok apagko' ma'a.

Deuteronomio 2:7

Hakte aptaqmelchessessegkek axta chá'a kéxegke Dios Wesse' kélagkok ma'a ekyókxoho aqsok kéllanakxa enxoho chá'a; aphegkek axta kélnepyeseksa kéxegke ekweykmoho cuarenta apyeyam, apkeltaqmelchessegkek axta nahan neyseksa kélxega s'e ekyawakxa nak yókxexma meykexa énxet, meyke eyeymomáxche xama aqsok enxoho.

Josué 13:4

cham'a ekpayho nak nepyeyam, keñe han ma'a ekyókxoho xapop apagkok nak cananeos, eyeynókxa m'a tegma apwányam apagkok nak ma'a sidonios néxa m'a Afec, néxa nak xapop apagkok ma'a amorreos.

Josué 24:8

ekwokmoho seknaqleykento m'a amorreos axta xapop apagkok, ekpayho nak ekteyapmakxa ekhem ma'a Jordán. Apkelnápomákpek axta kéxegke m'a, ekméssegkek axta eyke kéxegke yaqwayam kólmok, kélmenxenmeyk axta keñe kélmoma m'a yókxexma nak.