2 Samuel 5:13 - Biblia Enxet

¹³ Keñe axta natámen apmeyeykekxa Jerusalén, apkeñama m'a Hebrón, apkelmeykekxeyk axta makham David mók apnaqteyegka'a m'a, tén han kelán'a apkelmeykha naqsa, cháxa ekwetáseykekxo axta makham apketchek apkelennay'a tén han kelwán'ák.

2 Samuel 5:13 Σταυροειδείς Αναφορές

2 Samuel 12:2

Apxámok axta nepkések apnaqtósso m'a énxet ekxákma axta aqsok apagkok, tén han weyke,

2 Samuel 5:12

Apyekpelchágwokmek axta David aptáha Wesse' egegkok apteméssesso wesse' apwányam ma'a Israel, aptekkessessegkek axta aqsok neyseksa apteme wesse' apwányam, eñama apkelásekhayo m'a énxet'ák apagkok Israel.

1 Reyes 11:3

Setecientos axta ekyókxoho apnaqteyegka'a élánamáxkoho kelwesse'e étkók, keñe trescientos ma'a apkelmeykha naqsa, cháxa ekyenyókassama axta m'a Dios.

1 Crónicas 3:1

Keso David apketchek appalleyam axta m'a yókxexma Hebrón: Amnón axta átnaha apketkok, étche axta m'a Ahinóam, eñama axta Jezreel; tén axta aptétéyak ma'a Daniel, Abigail axta étche, eñama axta Carmel;

1 Crónicas 3:9

David axta apketchek xa apyókxoho nak, meyke kélyetsáteykekxa étchek ma'a kelán'a apkelmeykha naqsa axta. Tamar axta ekwesey apyáxeg kelwána xa énxet'ák nak.

2 Crónicas 13:21

Yennaqweykmek axta apteme wesse' apwányam ma'a Abiam. Catorce axta ekyókxoho apnaqteyegka'a, veintidós axta apketchek apkelennay'a, keñe dieciséis ma'a apketchek kelwán'ák.

Deuteronomio 17:17

Megkeymaxcheyk sa' nahan etnehek ekxámokma m'a apnaqteyegka'a, yaqwayam enxoho megkeytnakhássessemek ektémakxa apyetleykha m'a Wesse' egegkok; megkeymaxcheyk sa' nahan yepmenyéhok ekxámokma agko' ma'a sawo ekyátekto élmomnáwa tén han ma'a sawo ekmope élmomnáwa nak.

1 Samuel 25:43

Apmomchek axta han David aptéma aptáwa' m'a Ahinóam, eñama axta m'a yókxexma Jezreel, apnaqteyegka'a axta han aptemék xa ánet nak.