2 Samuel 21:2 - Biblia Enxet

² Apkeláneyáha axta David ma'a gabaonitas keñe apkelpaqhetchesa. (Háwe axta énxet'ák Israel ma'a gabaonitas, amorreos apkeleymomap axta m'a, cham'a aphéssamo axta mók apkelpaqhetchásamákpoho m'a énxet'ák Israel, apkeltémo metnéssessamók chá'a exma ekmaso, cham'a apmáheyo axta emasséssók ma'a Saúl, eñama apkelmeyeykha m'a énxet'ák Israel tén han Judá.)

2 Samuel 21:2 Σταυροειδείς Αναφορές

Génesis 15:16

Apkelántépeykxeyk sa' agkok ma'a aptawán'ák neptámen ekwokmo enxoho cuatro apkelántépeykekxa, elmeyenták sa' makham se'e xapop nak, megkayagwánxa nak makham élmasagcha'a apkeltémakxa amorreos.

2 Samuel 24:1

Apkeltaqnaweygkokxeyk axta makham Wesse' egegkok ma'a israelitas, apkenmexchásekxeyk axta m'a David apkeltamho enaqtáxésagkok apkelwesey weykcha'áhak ma'a énxet'ák Israel, tén han Judá.

2 Reyes 10:16

axta aptáhak apcháneya: —Hétlógma sa', étak sa' ektémakxa sélmeyeykha ko'o m'a Wesse' egegkok. Cháxa ektáhakxa axta apkenátchesa yátnáxeg apyenyawasso apagkok.

2 Reyes 10:31

Axta han keytnakhassamók apwáxok Jehú elának meyke apyensayam ma'a Wesse' egegkok segánamakxa apagkok, cham'a Dios nak Israel, hakte axta elwátesseykmok apkelane m'a mey'assáxma, aptémakxa axta m'a Jeroboam apkelánéseykegko axta melya'assáxma m'a israelitas.

1 Crónicas 1:14

Canaán axta apkeleñamak apkelánteyapma m'a jebuseos, amorreos, gergeseos,

Deuteronomio 7:16

Kólmasséssók sa' eyke chá'a kéxegke apyókxoho énxet apkelmésakxa enxoho chá'a yaqwayam kólmok ma'a Wesse' egegkok; nágkalepyósegwom kóllano', nágkólpeykesho nahan ma'a aqsok apkeláyókxa nak, hakte cháxa yaqwayam kanaqlakxak kéxegke negmassamakxa xa.

1 Samuel 14:44

Axta aptáhak Saúl se'e: —¡Dios sa' ko'o heyaqhek megyetsapa enxoho exchep Jonatán!