2 Samuel 20:17 - Biblia Enxet

¹⁷ Xama axta apyepetchegwokmoho Joab, keñe axta ektáha élmaxneyáncha'a s'e: —¿Xépya Joab? —Ko'o —axta aptáhak apchátegmowágko. Entáhak axta eyáneya m'a kelán'a: —Yeyxho sa' sekpeywa wesse' ahagkok. —Ekhaxnawo neykhe —axta aptáhak apchátegmowágko.

2 Samuel 20:17 Σταυροειδείς Αναφορές

2 Samuel 14:12

Keñe axta ektáha makham eyáneya kelán'a: —Heyho sekxók makham apaqmétek axének mók aqsok, wesse'. —Kapaqmet —axta aptáhak wesse' apwányam.

2 Samuel 20:16

Pelakkassek axta élpáxameyncha'a xama kelán'a ekmanyehe axta chá'a kay'asagkohok yaqwánxa katnehek ma'a néten nak kélhaxtegkesso tegma apwányam: —¡Kóleyxho sekxók sekpeywa! ¡Kóleyxho sekxo'! ¡Kóltennés sa' sektáhakxa sekpeywa Joab, hey'áwak sa', hakte éltamhók ko'o alpaqhetchesaxkoho'!

2 Samuel 20:18

Keñe axta ektáha kelán'a s'e: —Axta katnehek chá'a nanók amya'a s'e: “Énxet apmáheyo enxoho ey'asagkohok aqsok, etegyaha sa' chá'a amya'a m'a tegma apwányam Abel.” Cháxa ektémakxa axta chá'a kataqmelekxak élánamáxche ekyókxoho aqsok.

1 Samuel 25:24

Keñe axta élpólegwokmo m'a ekpayhókxa nak apmagkok, axta entáhak eyáneya s'e: —¡Ko'o sa' hephewakxak seksexnánémaxche'! Heyho sekxók apaqhetchesek, yeyxho sekmakókxa nak atnehek wána'.