2 Samuel 19:25 - Biblia Enxet

²⁵ Xama axta apmeyánto Jerusalén yaqwayam emok takha' m'a wesse' apwányam, axta aptáhak apcháneya s'e: —Mefi-bóset, ¿yaqsa axta ektéma mehétlama axta ko'o?

2 Samuel 19:25 Σταυροειδείς Αναφορές

2 Samuel 16:17

Apkelmaxneyáha axta Absalón: —¿Masséya aptáha apxegexma m'a apxegexmal'a chá'a? ¿Yaqsa ektáha métlawa nak?

2 Samuel 4:4

Yetneyk axta han xama apketche m'a Jonatán, Saúl axta apketche, Mefi-bóset axta apwesey, élyelqamáxche apyay'ák axta m'a. Xama axta aptéma cinco apyeyam apagkok ma'a Mefi-bóset, wa'ak axta amya'a eñama Jezreel apketsapma m'a Saúl tén han Jonatán; yetlókok axta han ekmeykekxa Mefi-bóset ma'a kelán'a eyéyak axta chá'a nam'agkok, yentamawók axta ényaha, yaqnenawók axta eyke han xamo' eñama ekpekheyáseykha yaqwayam kaxyenmok, tén axta ektéma élyelqamáxche apyay'ák.

2 Samuel 9:6

xama axta apwokmo Mefi-bóset ma'a aphakxa nak David, cham'a Mefi-bóset Jonatán axta apketche, Saúl axta aptáwen, apháxahánteyk axta apxekmósa ekha apcháyo. —¡Mefi-bóset! —axta aptáhak David. —Ko'o s'e, sektáha nak apkeláneykha wesse' —axta aptáhak apchátegmowágko.