2 Samuel 19:22 - Biblia Enxet

²² Apchátegmowágkek axta David: —¡Seruiá étchek, háwe kéxegke ekpayhémo xa! ¡Yaqsa ektáha sélenmexákxo nak kéxegke! Ekya'ásegkók ko'o sektamhákxo makham wesse' apwányam ma'a Israel, megyetsepek sa' chá'a xama énxet Israel se'e sakhem nak.

2 Samuel 19:22 Σταυροειδείς Αναφορές

2 Samuel 16:10

Apchátegmowágkek axta wesse' apwányam: —Seruiá étchek, háwe kéxegke ekpayhémo xa. Eyemneyha ko'o m'a, Wesse' egegkok kexa apkeltémo. Temék agkok ma'a, ¡méko awanchek kanókasha!

2 Samuel 16:5

Xama axta apwokmo wesse' apwányam David ma'a Bahurim, apyephagwa'ak axta han xama énxet apkeñama m'a, Saúl axta apnámakkok. Guerá axta apketche m'a, Simí axta apwesey, apyemneyha axta,

2 Samuel 16:9

Keñe axta Abisai, Seruiá axta étche, aptáha apcháneya m'a wesse' apwányam: —¿Yaqsa ektáha apcha'awo nak apyemneyncha'a apho nak semheg ápak? ¡Ko'o sa' ayaqténchesek apyespok se'e kaxwo' nak!

2 Samuel 3:39

Cháxa keñamak sekyelqáxko nak ko'o sekwet'a aptamhágkaxa m'a Seruiá étchek apkello nak, sektáhakxoho eykhe ko'óxa wesse' apwányam, Dios axta sélyéseykha. ¡Wesse' egegkok sa' eñássesagkohok ektáha nak apkelane s'e aqsok ekmaso nak!

Isaías 16:5

xama David aptáwen neptámen sa' etnehek wesse' apwányam, ekyennaqte apteme wesse' apwányam, ektaqmalma apwáxok. Etnehek sa' xama énxet segyekpelchémo meyke aptémakxa, ekha apcháyo, yaqwayam sa' elának ma'a aqsok ekpéwomo, ekmanyehe sa' nahan chá'a elánekxések ektémakxa apheykha m'a énxet'ák.

1 Samuel 11:13

Keñe axta aptáha Saúl se'e: —Méko sa' xama énxet yetsapok se'e ekhem nak, hakte sakhem apkelwagkasa teyp Wesse' egegkok ma'a énxet'ák nak Israel.

1 Samuel 26:11

Megyohok sa' ko'o waqhek Wesse' egegkok ma'a wesse' apwányam apkelyéseykha nak. Ema aqsa xa sawhéwa apagkok apkenegkesa nak ekpayhókxa apqátek, tén han egheykok ekyawe apagkok apyeta nak chá'a yegmen, keñe sa' óltaqhoho'.

1 Samuel 26:8

Keñe axta Abisai aptáha apcháneya David se'e: —Dios apmeyásak kaxwók yaqwayam emok apkenmexma. Heyho sa' ko'o kaxwo' waqhek, amallanchessamhok sa' sawhéwa apagkok ayaqxák xapop. Xama sélyetxaqxo sa' atnehek waqhek.

1 Samuel 26:9

Tén axta David aptáha apchátegmowágko: —Nágyaqha aqsa, hakte megkatnehek megkóllegassáseykegkoho apmáheyo nak yaqhek wesse' apwányam, apkelyéseykha nak ma'a Wesse' egegkok.