2 Samuel 15:27 - Biblia Enxet

²⁷ Aptáhak axta han apcháneya wesse' apwányam ma'a Sadoc, apteme axta apkelmaxnéssesso Dios énxet'ák apagkok: —Elano, xép tén han Abiatar, kóltaqhoho sa' makham yetlo meyke ektamheykha kélwáxok ma'a tegma apwányam, yetlo kélketchek. Xeyep yetlo apxegexma m'a apketche Ahimaas, tén han Abiatar yetlo apxegexma m'a apketche Jonatán.

2 Samuel 15:27 Σταυροειδείς Αναφορές

2 Samuel 15:34

aptaqháwok sa' agkok makham Jerusalén, keñe etnehek yának Absalón se'e: ‘Wesse', émenyeyk ko'o atnehek xép apkeláneykha, ektéma axta sektéma apkeláneykha m'a apyáp’, hepasmok sa' hemasséssók aqsok apmáheyo elának ma'a Ahitófel,

2 Samuel 15:36

Apháha han apketchek ma'a, cham'a Ahimaas tén han Jonatán, yána sa' ko'o héltennássetak ekyókxoho m'a ektáhakxa enxoho aplege.

2 Samuel 17:17

Aphegkek axta han Jonatán tén han Ahimaas ma'a ekpayho nak En-roguel, xama kelán'a kélásenneykha axta eyke keltennássekxa', hakte mopmenyeyk axta elwetakpok ma'a tegma apwányam nak, yetlókok axta han apkelánteyapma peya eltennássekxak ma'a wesse' apwányam David,

2 Samuel 18:19

Keñe axta han Ahimaas, Sadoc axta apketche, aptáha apcháneya m'a Joab: —Éltamhók eykhe ko'o yoho atnetchagkokxak altennássekxak wesse' apwányam, ektaqmela apteméssesakxa Wesse' egegkok apmallahanchesa nepyeseksa m'a apkelenmexma nak.

2 Samuel 24:11

Keñe axta mók ekhem, apxatakha'a m'a David, keñe Wesse' egegkok aptáha apcháneya m'a aplegasso axta appeywa Gad, apwetayo axta chá'a aqsok, apkeláneykha axta m'a David:

1 Reyes 1:42

Neyseksa appaqmeyesma axta han apwákxo m'a Jonatán, Abiatar axta apketche, apteme axta apkelmaxnéssesso Dios énxet'ák apagkok. Aptáhak axta Adonías apcháneya s'e: —Etex, xép apteme énxet ekha kéláyo, megkatnehek meseykenta amya'a ektaqmela.

1 Reyes 4:15

keñe axta Ahimaas ma'a ekpayho nak Neftalí, apmoma axta aptéma aptáwa' m'a Basemat, Salomón axta apketche kelwána;

1 Crónicas 25:5

Hemán axta apketchek xa apyókxoho nak, apteme axta apwetayo chá'a aqsok apxekmósso Dios, apkeláneykha m'a wesse' apwányam, ekhawo m'a ektémakxa axta apkeltennassama Dios apxeyenmakxa etnéssesek egkések ekyawe agko' apmopwána; axta keñamak Dios apméssama catorce apketchek apkelennay'a m'a Hemán, keñe ántánxo m'a apketchek kelwán'ák.

1 Crónicas 6:8

Sadoc axta apyáp ma'a Ahitub, keñe axta Ahimaas apyáp ma'a Sadoc,

1 Samuel 9:6

Aptáhak axta apkeláneykha apchátegmowágko s'e: —Apheyk xama Dios appeywa aplegasso s'e tegma apwányam nak, apcháyo nak chá'a apyókxoho énxet'ák, hakte megkatnehek chá'a megkatne m'a ekyókxoho apxeyenma nak chá'a katnehek. Ólmahagkok ma'a, lapmaxcheyk sa' hẽltennaksek ámay yaqwánxa enxoho agyetlók.

1 Samuel 9:9

(Apmenyeyk axta agkok chá'a elpaqhetchesakpohok Dios xama israelita ma'a nanók axta, axta etnehek chá'a s'e: “Agyo'ókxak ekha apmopwána”; cham'a kéltéma nak kaxwók “Dios appeywa aplegasso”, kéltéma axta nanók “ekha apmopwána”.)