2 Reyes 7:2 - Biblia Enxet

² Apchátegmowágkek axta apyetleykencha'awól'a chá'a wesse' apwányam ma'a Dios appeywa aplegasso: —Elmeykesagkok sa' eykhe Wesse' egegkok átog étkók ma'a néten, megkatnehek sa' eyke xa aptáhakxa nak. Apchátegmowágkek axta Eliseo: —Apaqta'ák apagko' sa' eykhe étak xép xa, metwehek sa' eyke.

2 Reyes 7:2 Σταυροειδείς Αναφορές

Génesis 7:11

Chaqhawók axta m'a diecisiete ekhem ektáhakxa nak apqánet pelten, seiscientos apyeyam apagkok axta temék ma'a Noé. Cháxa ekhem élmayhékxexa axta m'a éleñamakxa nak chá'a yegmen kóneg ma'a wátsam ekwányam, kelmayhekxeyk axta han atña'ák ma'a néten élmeykegkaxa nak chá'a yegmen.

2 Reyes 5:18

Wánxa aqsa séltamho ko'o Wesse' egegkok meyaqmagkásekxeyk sélana enxoho chá'a s'e aqsok nak: cham'a apmeyákxo enxoho chá'a wesse' ahagkok ma'a kélpeykessamókxa nak Rimón, keñe han apmágko enxoho chá'a émek, keñe chá'a ko'o altekxók etapnák xa kañe' tegma nak, tásek meyaqmagkásekxeyk Wesse' egegkok xa.

2 Crónicas 20:20

Axto'ók agko' axta apnaqxétekhágko yaqwayam elxog elmahagkok ma'a ekpayho nak yókxexma meykexa énxet nak Tecoa. Apchampákxeyk axta néten Josafat amonye' apkelxega, aptáhak axta apkeláneya s'e: “Kóleyxho sekpeywa, énxet'ák nak Jerusalén tén han Judá: nágkólya'ássem aqsa Wesse' egegkok, Dios kélagkok nak, keñe sa' méko katnehek kélekakxa'; nágkólya'ássem han ma'a apkellegasso nak chá'a appeywa, tén sa' tásek chá'a katnehek ekteyapma aqsok kéllane.”

Salmos 78:41

Épkeynekxak axta aqsa chá'a; ¡apyentaxnéssessegkek axta apwáxok ma'a Appagkanamap nak Israel!

Jeremías 29:32

Ekxénchek ko'o añássesagkohok ma'a Semaías, ko'o sektáha nak Wesse' ekweykekxoho m'a aptawán'ák neptámen. Metepagkek sa' aptawán'ák neptámen nepyeseksa énxet'ák ahagkok, métyehek sa' aqsok ektaqmela peya nak ko'o atnéssesek ma'a énxet'ák ahagkok, hakte appeywa chá'a keñamak apkeltémo ko'o hénmexekxak ma'a énxet'ák. Ko'o sekxeyenma xa, sektáha nak Wesse'.”

Malaquías 3:10

Kólxátawata sa' aqsok kélmésso naqsa ekwayam nak chá'a diez xama m'a kélxátamakxa nak chá'a aqsok élmomnáwa m'a tegma appagkanamap, keñe sa' kaxek chá'a nento m'a exagkok nak. Hélyepkeyn hana xa aqsok nak, kólwetak sa' almeykesek atña'ák ma'a néten, yaqwayam sa' asawhaksohok ko'o almések kéxegke m'a aqsok éltaqmalma agko' nak.

Números 11:13

¿Háxko sa' ko'o óteyágwók ápetek yaqwayam alagkok apyókxoho xa énxet'ák nak? apkellekxagwénteyk sey'aweykto ko'o aptáha seyáneya s'e: Hẽlmés negko'o ápetek yaqwayam antawagkok.

Números 23:19

Maghawok negko'o m'a Dios nentáha nak énxet néletsapmo nak chá'a, metnehek apmopwána amya'a, meyaqmagkassemek nahan mók ma'a aqsok apxeyenma. Apxénchek agkok xama aqsok, elának nahan. Apxénchek agkok nahan élanak xama aqsok, elának nahan.

Deuteronomio 3:27

Yenát sa' ma'a netno agko' nak egkexe Pisgá, keñe sa' esawheykha exma neyseksa apkenmeykha m'a néten nak yenmexhok ma'a ekpayho nak nexcheyha, nepyeyam, ekteyapmakxa ekhem tén han ma'a taxnegwánxa ekhem, meyeykhekxeyk sa' eyke m'a wátsam Jordán nak.