1 Samuel 2:21 - Biblia Enxet

²¹ Appasmomchek axta Wesse' egegkok ma'a Ana, tén axta ektamheykekxo chá'a lóso'. Weteyak axta Ana apqántánxo étchek apkelennay'a, tén han ánet ma'a kelwán'ák, apwánegyek axta aqsa nápaqtók Wesse' egegkok ma'a sakcha'a Samuel.

1 Samuel 2:21 Σταυροειδείς Αναφορές

Génesis 21:1

Aptaqmelchessek axta apteméssesakxa Wesse' egegkok ma'a Sara, ekhawo apxeyenmakxa axta etnéssesek.

Salmos 127:3

Wesse' egegkok sempasmo negko'o segméssama nak chá'a egketchek.

Proverbios 3:4

tén sa' kalkohok chá'a apwáxok elanok Dios, keñe han ma'a énxet'ák nak.

Jueces 13:24

Wet'ak axta han xama étche apkenna' m'a kelán'a nak, Sansón axta han temessásak apwesey. Apwánegyek axta m'a sakcha'a nak, appasmomchek axta han Wesse' egegkok.

1 Samuel 2:26

Apwánegyek axta m'a sakcha'a Samuel, leklamók axta apwáxok aptémakxa m'a Wesse' egegkok, tén han ma'a énxet'ák.

1 Samuel 3:19

Apwánegyek axta Samuel, appasmomchek axta han Wesse' egegkok, apkeláneyak axta ekyókxoho m'a apkeltennassama axta elanaksek.