1 Samuel 13:5 - Biblia Enxet

⁵ Apchaqnákxeyk axta han filisteos apmako yempakhak ma'a israelitas. Yetneyk axta treinta mil yátnáxeg apkelyenyawasso apagkok apkenchesso nak kempakhakma, seis mil sẽlpextétamo apkelchánte nak chá'a yátnáxeg, tén han apxámokma apagko' apkelxega nak náxop, ekweykenxal'a ekxámokma yagkamex ma'a neyáwa wátsam ekwányam. Keñe axta apkelmahágko m'a Micmás, apkelpakxenwokmek axta han ma'a ekteyapmakxa ekhem nak Bet-avén.

1 Samuel 13:5 Σταυροειδείς Αναφορές

Génesis 22:17

peya almések aqsok éltaqmela. Apxámokma apagko' sa' atnéssesek ma'a aptawán'ák neptámen, apweykenxal'a apxámokma yaw'a m'a néten, tén han yagkamex ma'a neyáwa' wátsam ekwányam. Emallánek sa' han chá'a nepyeseksa apkelenmexma,

2 Samuel 17:11

Wánxa eyke aqsa ko'o séltamho atnehek wának yánchásekxak xép ma'a apyókxoho israelitas, apheykha nak Dan ekweykekxoho m'a Beerseba, aphémo nak apxámokma m'a yagkamex ekhéyak nak neyáwa wátsam ekwányam, xép apagko' sa' han enaqlók ma'a kempakhakma.

1 Reyes 20:27

Apkelyetsátekxeyk axta han israelitas ma'a sẽlpextétamo apagkok, apkelmeyásegkek axta aptéyak, tén axta apkelxega apkelanyexágko m'a sirios. Axta apkelpakxenwokmok ma'a apmonye'e nak sirios, máxa axta aptamhágkok ma'a ánet apkelyaqyeyáseyak la'a apkelyáqto yát'ay apqántawo', hakte apsawhékxók axta sirios ma'a ekyókxoho xapop nak.

2 Crónicas 1:9

Dios Wesse' ahagkok, elána sa' kaxwók ekyókxoho m'a apkeltennassama axta m'a táta David, hakte wesse' apwányam xép etnessásak nepyeseksa énxet'ák apxámokma, aphémo nak xapop ánek keso náxop.

Isaías 10:28

apkelwa'a m'a yókxexma Aiat, apkelyeykhágwa'ak ma'a Migrón, apkexakhagwa'ak apkelseykha m'a Micmás,

Isaías 48:19

apxámok axta nahan etnehek ma'a aptawán'ák neptámen, exhok axta apxámokma m'a ekweykenxal'a ekxámokma yagkamex ma'a neyáwa wátsam ekwányam; mamasséssemek axta nahan ko'o, matekkesek axta nahan ma'a sekhakxa nak.”

Jeremías 15:8

Ekxámásekxeyk nahan nepyeseksa m'a kelán'a tampe, yeykhásseykmók ma'a ekweykenxa nak ekxámokma yagkamex ekhéyak neyáwa wátsam ekwányam. Yetseksók ekhem agko' axta ko'o élnápak ma'a chána yetlo étchek wokma'ák nak makham; ekpelakkassessek axta seyhe éltamheykha awáxok, tén han élaye.

Oseas 10:5

Apkelpexyennegkek apkelaye m'a énxet'ák Samaria; kellapwámegkek eñama ekxegányam weyke étkók kéleykmássesso ekyetnama nak ma'a Bet-avén. Apkellekxagweyha apketama énxet'ák, tén han ma'a appasmo apkelmaxnéssesso nak Dios énxet'ák apagkok, hakte massegwokmek ma'a eyaqheykha nak chá'a apkelwáxok.

Oseas 4:15

“Israel, apkelanak agkok xép aptémakxa megkamopsexta, Judá, ná elána aqsa exchep mey'assáxma, ¡Nágkólmohok aqsa kéxegke m'a Guilgal, tén han ma'a Bet-avén, nágkóltemésses han naqsók kélpeywa yetlo kélxeyenma Wesse' egegkok apwesey!

Oseas 5:8

¡Kólpáwes sa' kélaqkahasso aqsok egkepetek ma'a Guibeá, kélpáwassamól'a chá'a kempakhakma, kólpáwes kélaqkahasso m'a Ramá! ¡kólána elanagkokxak aptamhágkaxa m'a Bet-avén! ¡Kólteméssesha sa' apkelwáxok ma'a énxet'ák Benjamín!

Josué 11:4

Apkelxegkek axta xa apyókxoho apkelwesse'e yetlo sẽlpextétamo apagkok, apxámok apagko' axta han ma'a yátnáxeg, keñe han ma'a yátnáxeg apyenyawasso apkenchesso nak kempakhakma. Apxámok apagko' axta han ma'a sẽlpextétamo, mogwanchek axta ólyetsetek, máxa axta m'a xapop ánek agko' ekheykegko nak neyáwa wátsam ekwányam.

Josué 18:12

Cháxa xapop nak, axta cheynamók néxa m'a teyp nak wátsam Jordán ekpayho nak nexcheyha, axta maheykegkok ma'a teyp Jericó ekpayho nak nexcheyha, xegamchek axta ekmeheykegko m'a yókxexma ekxámokmakxa nak meteymog élwenaqte ekpayho nak ektaxnegwánxa ekhem, keñe axta ekmeyeykento ekyephagweykto m'a yókxexma meykexa énxet nak Bet-avén.

Josué 7:2

Apkeláphássek axta Josué nápakha énxet'ák apkeleñama m'a Jericó, yaqwayam elmahagkok ma'a yókxexma nak Ai, ekpayho nak ekteyapmakxa ekhem, teyp yókxexma Betel, ketók axta m'a yókxexma nak Bet-avén, apkeláneyákpexa axta etyánegwomhok ma'a yókxexma nak. Apkelxegkek axta apteyánegwokmoho m'a yókxexma Ai,

Jueces 7:12

Appayhekxeyk axta madianitas, amalecitas tén han apkeleñama nak teyepmakxa ekhem ma'a ekyókxoho nak ekyapwátegweykenxa. Máxa sawa' apxámokma axta aptamhágkok. Apxámók apagko' axta han ma'a yányátnáxeg, máxa m'a xapop ánek ekhéyak nak neyáwa wátsam ekwányam.

1 Samuel 13:11

keñe axta Samuel aptáha apcháneya s'e: —¿Yaqsa ektáha apkelana nak xa? Apchátegmowágkek axta Saúl: —Ñókxa sekwet'a apkeltaqhákxo chá'a énxet'ák, tén han mew'akto exchep ma'a ekhem apxénakxa axta, tén han apchaqnákxo filisteos ma'a Micmás,

1 Samuel 13:2

keñe apkelyéseykencha'a tres mil sẽlpextétamo m'a nepyeseksa nak énxet'ák Israel. Dos mil axta han apkelheykekxo xamo' ma'a Micmás, élaqneykegkaxa egkexe m'a Betel, keñe axta han mil apkelhákxo xamo' Jonatán ma'a Guibeá, ekpayho nak Benjamín. Tén axta nápakha apkeláphasa eltaqhekxak apxanák ma'a Saúl.

1 Samuel 14:23

Wokmók axta apkelnápomap ma'a yókxexma nak Bet-avén, cháxa apkelmallahanchesakxa axta han Wesse' egegkok Israel xa ekhem nak.

1 Samuel 14:52

Asagkók axta kempakhakma, apkempakhamakpo axta m'a filisteos, apyennaqtamakxa axta m'a Saúl; axta keñamak Saúl apwet'a enxoho chá'a énxet apyennaqte, megyeye emhagkok eyesagkexa', etnéssesek chá'a sẽlpextétamo apagkok.

1 Samuel 17:1

Apchánchesákxeyk axta sẽlpextétamo apagkok filisteos yaqwayam yempakha', axta apchaqnákxak ma'a Socó, apagkok axta m'a Judá, apkelpakxenwokmek axta m'a teyp Efes-damim, halep nak ma'a Socó tén han Azecá.

1 Samuel 7:13

Apmenxenamakpek axta filisteos, massémók axta han apkelántaxnegweykta m'a israelitas xapop apagkok; apkelenmexmeyk axta Wesse' egegkok ma'a filisteos, apyennaqtamakxa axta m'a Samuel.