Si Apwesa 27:2 - Buki Tabu Lowaenei 1919

² Ta tupitupina ‘e ata ‘edia kunanao ‘u da bubudi: kunanao si da nadigega ‘e bweuna; ta barasega ‘u da bodena.

Si Apwesa 27:2 Σταυροειδείς Αναφορές

Salamo 118:27

Ieoba tauna Eaubada, ta ma‘edana ni‘atu i ‘ebwaeda: Taria wa da iona baraeiega, tuga ‘ebetaria kunanao ‘edia.

Loina 4:7

Ta to‐taria rara ‘i da sa‘u mu‘ana dibidibi ‘ana ‘ebetaria kunanao ‘edia Ieoba matanaia, tauna anua ‘ebeeloba ‘ena ‘i miami; ta bulomakau nina rarana iauiauna ‘i da siwa ‘ebwaeadaita‐gabugabuna ‘ana ‘ebetaria ‘aenaia, tauna anua‐‘ebeeloba ‘ana ‘awa ‘ena ‘i miami.

Si Apwesa 29:12

Ta bulomakau rarana ‘enega ‘u da ‘ewa, ta nimamata gigimuiega ‘ebetaria kunana ‘ena ‘u da sa‘ui; ta rara maibo‘ana ‘u da siwa ‘ebetaria ‘arenaia.

Loina 16:18

Ta ‘i da apwesa ‘ebetaria ‘enaia tauna Ieoba matanaia ‘i miami, ta ‘i da gienua‘ebweuna manuna; ta bulomakau raranega ‘i da ‘ewa, ta gota raranega, ta ‘ebetaria kunana ‘edia ‘i da sa‘u dadana.

Loina 8:15

Ta ‘i loemwawasina; ta Mose rara i ‘ewena, ta ‘ebetaria kunanao ‘edia i ‘e sa‘u dadanena nimamatagiginega, ta ‘ebetaria ‘i gie‘esasena, ta rara ‘i siwena ‘ebetaria ‘aenaia, ta ‘i etabuiena, be ‘i gienua‘ebweu manuna.

Loina 4:25

Ta to‐taria loegesi ‘ana ‘ebwaeadaita raranega ‘i da ‘ewa nimamatagiginega, ta ‘i da sa‘una ‘ebwaeadaita gabugabu ‘ana ‘ebetaria kunanao ‘edia, ta rarana ‘i da siwa ‘ebwaeadaita gabugabu ‘ana ‘ebetaria ‘aenaia.

Loina 4:18

Ta rara ‘i da sa‘u ‘ebetaria kunanao ‘edia tauna Ieoba matanaia ‘i miami, tauna anua‐‘ebeeloba ‘ena ‘i miami, ta rara maibo‘ana ‘i da siwa ‘ebwaeadaita gabugabu ‘ana ‘ebetaria ‘aenaia, tauna anua‐‘ebeeloba ‘ana ‘awa ‘ena ‘i miami.

Si Apwesa 27:3

Ta ‘ina gaeba ‘u da bubudi be karikau ‘ana ‘ebe‘ewa, ‘ana ‘ebesalao be, ‘ana basoniao be, ‘ana ‘esio ‘ana diluiao be, ‘ana ‘awe ‘ana gaebao be: ‘ana gaeba iauiauna ‘u da bubudi barasega.

Si Apwesa 38:30

Ta ‘ediega gaula ‘i bubudi anua‐‘ebeeloba ‘ana ‘awa ‘ana ‘auboda ‘enaia, ta ‘ebetaria barasa, ta ‘ana barasa lomasamasasarina, ta ‘ebetaria ‘ina gaebao iauiauna,