Salamo 96:2 - Buki Tabu Lowaenei 1919

² Ieoba ‘ena ‘u da wari, ‘ana esana ‘u da tupuna; ‘Ina ‘etoseana ‘u da e‘ita asiata ta asiata.

Salamo 96:2 Σταυροειδείς Αναφορές

Salamo 103:20

Ieoba wa da tupuna, ‘omi ‘ina aneloseao: ‘Omi pa‘ara ‘enega wa ewaiwai, ‘ina ona wa losaroni, ‘Ina ona ‘enana wa nonona.

Salamo 145:1

Ia da ‘awabobo‘aneio, ‘igu Eaubada, King ie; Ta ‘amu esana ia da ‘awabobo‘anena ‘ataia.

Salamo 145:10

‘Imu guinua iauiaudi si da lotuputupu ‘emuia, Ieoba ie; Ta ‘imu to‐tapwaroro ‘esasedi si da ona obobomeio.

Salamo 145:2

Asiata ‘e bweuna ‘e bweuna ia da tupuio; Ta ‘amu esana ia da tupu ‘ataena.

Salamo 40:10

‘Imu bubuna paruparuna nigea ia sa‘u kwaiena ‘ategu soranaia; ‘Imu bubuna ‘ai‘aila ta ‘imu ‘etoseana ni‘atu ia simane: ‘Imu oboboma nua‘ole‘ole ta ‘imu ona ‘ai‘aila nigea ia sa‘usa‘u kwaiedi deriegogona sinabwana ‘enega.

Salamo 71:15

‘Awagu ‘imu bubuna paruparuna ‘i da simane, Wate ‘imu ‘etoseana asiata maibo‘anega; ‘Ana sawa nigea ia mwaratoni ta ‘enega.

Isaia 40:9

‘Oio tetera bobo‘ana ‘u etetera Siona ‘ena, ‘u da tu‘e ‘oea kesora ‘enaia; ‘Oio tetera bobo‘ana ‘u etetera Ierusalema ‘ena, ‘enaio ‘u da gitu‘eiei waiwaiega; ‘u da gitu‘eiei, gea‘abo ‘u matauta; Iuda ‘ina ‘asa ‘edia ‘u da gwae, Wa ‘ita, ‘imi Eaubada!