Nugana 46:34 - Buki Tabu Lowaenei 1919

³⁴ ga wa da ona, ‘Imu toguinuao iobai ‘adi toosiao ‘ima tuta tubuauiega ga batua, ‘abo‘ama, ta tamamao ruarua: be ‘enega ‘asa Gosena ‘ena wa da miami; to‐‘ita‘i‘isi sipi iauna me Aigupito si sinarina ta ‘enega.

Nugana 46:34 Σταυροειδείς Αναφορές

Nugana 13:7

Ta Aberamo ‘ina lagolagowao ‘adi to ‘ita‘i‘itao ta Lota ‘ina lagolagowao ‘adi to‘itao si e‘upwa: ta me Kanania ta me Perisi tuta gote ‘asa nina ‘ena si miami.

Nugana 13:8

Ta Aberamo Lota ‘ena ‘i ona, Ia sideio gea‘abo e‘upwa ‘i da apwesa, ‘eguia ta ‘emuia, ta ‘igu to‘ita‘i‘itao ta ‘imu to‘ita‘i‘itao ‘edia; ‘abo‘ada matasidao ta ‘enega.

Nugana 26:20

Ta me Gerara to ‘ita‘i‘isi‐bulomakau ma‘ediao si losaia, si gwae, Boasi nina ‘ima boasi: ta wewerupwa nina ‘i eesena Eseka; ma‘enao si ‘eupwa ta ‘enega.

Nugana 30:35

Ta asiata gote gota me‘olotodi iomwaiomwaridi, ta gota mewainedi iomwaiomwaridi, ‘e bweuna ‘e bweuna buraburana ‘ena ‘i miami, ta sipi ‘edia iauiaudi gaigaidi ‘i tauiedi, ta natunao me‘olotodi nimadia i ‘ebwaeaedi;

Nugana 34:5

Ta Iakobo ‘i nonona ‘aene natuna Dina ni‘atu ‘i giebi‘ina; ta natunao me‘olotodi iobai ma‘ediao si miamiana mitawaia: ta Iakobo ‘i mia‘araenono ga si da apwesama bemi.

Nugana 37:12

Ta tasinao si tauia be tamadi ‘ina sipi iau si da e‘enidi Sekema ‘enaia.

Nugana 37:2

Getedi Iakobo natunao ‘adi tetera. Iosepa, ‘ana iakwara ‘e sebenitini, sipi iau ‘i e‘enidi tasinao ma‘edi; ta tauna tubuau Bila natunao ma‘edi, ta Silipa natunao ma‘ediao, tamana mwanenao: ta Iosepa tetera to‘umalina manudi ‘i me‘ena tamadi ‘enaia.

Nugana 43:32

Ta tauna manuna si sa‘u tebweuna tuga, ta taudi manudi taudimo, ta me Aigupito manudi, taudi ma‘enao si ‘e‘ai, taudimo: me Aigupito gea‘abo si ‘e‘a masura me Eberu ma‘ediao ta ‘enega; gote iage geiogeioi me Aigupito ‘edia ta ‘enega.

Nugana 45:10

ta ‘asa Gosena ‘ena ‘u da miami, ta ‘u da mia serabeguia, ‘oio be, natumuao be, natumuao natudiao be, ‘imu sipi iau be, ‘imu bulomakau iau be, ta ‘imu iage iauiauna:

Nugana 45:18

ta tamami ta ‘imi susuiao wa da ‘au‘ewedi, ta ‘eguia wa da mai: ta ‘asa Aigupito ‘ana bobo‘ana ia da ‘ebwaemi, ta ‘asa ‘ana momonanina wa da e‘ani.

Nugana 46:32

ta tai to‘ita‘i‘isi sipi, iobai ‘adi toosiao ta ‘enega; ta ‘idi sipi iau, ta ‘idi bulomakau iau, ta ‘idi iage iauiauna ni‘atu si me‘edi.

Nugana 47:11

Ta Iosepa tamana ta tasinao ‘i sa‘udi, ta ‘e bweu esena i ‘ebwaedi ‘asa Aigupito ‘enaia, ‘asa ‘ana bobo‘ana wawasae ‘enaia, Ramese ‘ina ‘asa ‘enaia, na‘ieana Parao ‘i ona.

Nugana 47:3

Ta Parao ‘i ona tasinao ‘edia, To‘ase ‘imi guinua? Ta si ona Parao ‘enaia, ‘Imi toguinuao to‘ita‘i‘isi sipi, ‘abo‘ama ta tamamao ruarua.

Nugana 47:4

Ta si ona Parao ‘enaia, Sabi mia ‘asa gete ‘ena ‘a mai; ‘imu toguinuao ‘idi sipiao nigea ‘adi pwaturamo ta ‘enega; botana ‘i to sinabwa sana ‘asa Kanania ‘enaia ta ‘enega: ‘enega gete tuga, ‘a sideio, ‘imu toguinuao ‘u da tagwaredi be ‘asa Gosena ‘ena si da miami.

Nugana 47:6

‘asa Aigupito matamuia; ‘asa ‘ana bobo‘ana wawasae ‘ena ‘u da loina be tamaio ta tasimuao ‘ena si da miami; ‘asa Gosena ‘ena si da miami: ta ‘abo tai waiwaidi ‘u mwaratoni ‘edia, ga ‘u da aseiedi be si da ‘etoloinao ‘igu bulomakau ‘edia.

Si Apwesa 8:22

Ta asiata gote ‘asa Gosena ‘ena ‘igu tomota si miami, ia da lorabena, be ‘enega gea‘abo nenewara iau ‘ena si da miami; ‘arena ‘u da mwaratoni ‘aene ‘abo‘agu Ieoba bare‘u gamwagamwaninaia.

Si Apwesa 8:26

Ta Mose i gwae, Nigea sawesawenaia nadigega ‘a da guinua; me Aigupito ‘idi iage gadilulu ‘a da tarie Ieoba ‘ima Eaubada ‘enaia ta ‘enega: u ‘ita, me Aigupito ‘idi iage gadilulu ‘a da tarie matadia, be ‘enega si da lo‘ibwe‘ibwema?