Iage getedi si gumwara ga Ieoba ‘ina ona Aberamo ‘ena ‘i mai madawarega, ‘i gwae, Aberamo, gea‘abo u ‘atesa‘ara: ‘Abo‘agu ‘imu lawa, ta ‘amu e‘isa tosinabwasana.
Ta Aberamo ‘ena ‘i ona, ‘U da mwaratoni ‘ai‘aila tubumuao si da eto‘u‘umara ‘asa nigea ‘idi ‘asa ‘enaia, ta ‘edia si da guinua; ta si da giedeededonidi ga iakwara ‘e poa anaredi;
Ta ni‘atu Aberamo ‘ana tuta iakwara ‘e naineti‐naine, ga Ieoba Aberamo ‘ena ‘i apwesa, ta ‘ena ‘i ona, ‘Abo‘agu Eaubada Toewaiwaisana; mataguia ‘u da tauia, ta ‘u da bobo‘ana maibo‘ana.
ga onaoboboma ‘enega ia da onaobobomeio, ta gieiau ‘enega tubumuao ia da gieiau na‘ieana kwadimao garewaia, ta na‘ieana kaukau le‘awa ‘enaia; ta tubuio ‘ana tarauwarao ‘adi ‘awa ‘i da ‘ewena;
Ta Eaubada ‘i ona ‘enaia, ‘Abo‘agu Eaubada Toewaiwaisana: ‘U da losiwa ta ‘u da susaila: ‘emuiega ‘ebeloina ta ‘ebeloina mabodadi si da apwesa, ta tolobwamuiega kiniao si da apwesa;
Anelose nina tauna to‘umalina iauiauna ‘ediega ‘i li‘amigu, tubuau nidi ‘i da onaobobomedi; ta ‘agu esana si da ‘inana ‘edia, ta tamaguao Aberaamo ta Isaako ‘adi esana; ta bare‘u gamwanaia si da sinabwa be si da ‘e boda sinabwana.
Ta tamana ‘i guitoasa, ta ‘i ona, Ia mwaratonina, natugu, ia mwaratonina: tauna wate ‘i da ‘e tomota maboda, ta tauna wate ‘i da sinabwa; ta tasina megoamana ‘i da sinabwa sinena, ta tubunao si da e ‘ebeloina iauiauna.
Ta Mose ‘i ona tomota ‘edia, Gea‘abo wa da matauta, wa da tooromo, ta Ieoba ‘ina ‘etoseana wa da ‘ita, tauna ‘i da guinua manumi batua: me Aigupito nidi taudi ni‘atu wa ‘itedi batua, gea‘abo wate wa da ‘italimedi ga tuta ataia ta ‘enega.
Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.