Nugana 46:26 - Buki Tabu Lowaenei 1919

²⁶ Iaruiarua iauiaudi Iakobo ma‘enao si mai Aigupito ‘enaia, taudi tolobwanega si apwesama, wate Iakobo natunao me‘olotodi mwanediao, iaruiarua iauiaudi tomotoi ta ‘e sikisi;

Nugana 46:26 Σταυροειδείς Αναφορές

Nugana 34:30

Ta Iakobo ‘i ona Simeona ta Lebi ‘edia, Ni‘atu wa gie‘atesa‘arigu, we giemwa‘ulugu ‘esena gete ‘ana tomianao gamwagamwanidia, me Kanania ta me Perisi gamwagamwanidia: ta ‘abo‘agu, ‘igu sawasawa pu‘epu‘ena, ta ‘enega si da egogona ‘eguia ta si da unugu; ta ia da saoora, ‘abo‘agu ta ‘igu susu.

Nugana 35:11

Ta Eaubada ‘i ona ‘enaia, ‘Abo‘agu Eaubada Toewaiwaisana: ‘U da losiwa ta ‘u da susaila: ‘emuiega ‘ebeloina ta ‘ebeloina mabodadi si da apwesa, ta tolobwamuiega kiniao si da apwesa;

Si Apwesa 1:1

Gete ‘adi esana Iseraela natunao, taudi Aigupito ‘ena si mai; tai ‘e bweuna ‘e bweuna ta ‘ina anua ‘ana tomianao Iakobo ma‘enao si mai.

Si Apwesa 1:5

Ta iaruiarua iauiaudi Iakobo tolobwanega si apwesama ‘adi iau iaruiarua ‘e sebeniti: ta Iosepa ni‘atu Aigupito ‘ena ‘i miami.