Nugana 43:11 - Buki Tabu Lowaenei 1919

¹¹ Ta tamadi Iseraela ‘i ona ‘edia, ‘Abo nadigega gete ‘enega, gete wa da guinua; ‘asa uana bobo‘ai‘ailidi wa da ‘ewa ‘imi ‘ebe‘a‘ara ‘edia, ta tai nina ‘ana ‘ebwaeadaita wa da ‘a‘ara mwa‘ute, gweda ‘epuio gidarina be, mu‘awa gidarina be, gweda mamaina ta muro be, pisakio‐uana be, saido be:

Nugana 43:11 Σταυροειδείς Αναφορές

Nugana 33:10

Ta Iakobo ‘i gwae, Nigea, ia sideio, ‘abo gete tuga nua‘ole‘ole ni‘atu ia lobena matamuia, ga ‘igu ‘ebwaeadaita ‘u da ‘ewena nimaguiega; ni‘atu maniniio ia ‘itena ta ‘enega, ‘atua ‘e bweu Eaubada maninina i ‘itena, ta nuaio ‘i bobo‘ana manugu.

Nugana 37:25

Ta si miatoa sabi ‘e‘ai palaua: ta si ‘ita tu‘e ta si dune, ta, wa ‘ita, me Isimaela boda to lopilidadana Gileadega si mema, ‘idi kameliao gweda mamaina be, gweda ‘epuio be, gweda muro be, si lo‘a‘aridi, ‘i abe si lo‘a‘ara mwa‘uta Aigupito ‘enaia.

Nugana 43:10

‘abo nigea ‘a miami ta ‘enega, ni‘atu gete ‘enega a ‘ilama marua.

Nugana 43:14

ta Eaubada Toewaiwai sana nua‘ole‘ole ‘i da ‘ebwa‘emi tai nina matanaia, be ‘enega mari tasimi ta Beniamina ‘i da li‘amidi ‘emia. Ta ‘abo natuguao ‘eguiega si ‘ewadi, tua ‘eguiega si ‘ewadi.

Nugana 43:15

Ta tai nidi ‘ebwaeadaita gote si ‘ewena, ta nimadia mani giiruadi si ‘ewena, ta Beniamina; ta si tooro, ta Aigupito ‘ena si mwa‘uta, ta Iosepa matanaia si tooro.

Nugana 43:25

Ta ‘ebwaeadaita si sa‘u ‘ai‘ailina Iosepa ‘ina mai manuna ‘asuoreorea: si nonona ‘aene gote ‘enaia si da ‘ai masura ta ‘enega.

Nugana 43:26

Ta ni‘atu Iosepa ‘i mai anuaia, ga ‘ebwaeadaita nimadia ‘i miamiana si me‘ena ‘enaia anua gamwanaia, ta ‘ena si bwagobwago sanamwa‘uta bare‘uia.

Esiteri 4:16

‘U ta tauia, ta me Iuda iauiaudi Susa ‘ena si miami ‘u da agogodi, ta manugu wa da edidigura, ta asiata ‘etoi gea‘abo wa da ‘e‘ai nai wa da numanuma, boiboi nai asiata: ‘abo‘agu wate ta ‘igu gomagweineao ‘a da ‘edidigura nadigega; ta nadigega king ‘enaia ia da rugu, nate nigea loina ‘atua: ta ‘abo ia mwawasaia, ia mwawasa.

Salamo 68:29

‘Imu anua tabu Ierusalema ‘enaia manuna Kiniao ‘ebwaeadaitaiao si da me‘edi ‘emuia.

Salamo 72:10

Tasisa ta saru ‘adi kiniao ‘ebwaeadaitao si da me‘edi: Sieba ta Seba ‘adi kiniao ‘ebwaeadaitao si da ‘ebwaeae.

Salamo 76:11

Wa da ona‘upa‘upa, ta wa da e‘isa Ieoba ‘imi Eaubada ‘enaia: Tauna sawesawenaia si da matautena iauiaudi si miamia sakowasiena ‘ebwae‐adaita ‘ena si da me‘edi.

Si Apwesa 3:8

Ta ia mwa‘utama be ia da ‘etoseedi me Aigupito nimadiega, be ia da ‘au‘ewatu‘eiedima ‘asa gote ‘enega ga ‘asa bobo‘ana ‘enaia ta ‘asa sinabwana, ‘asa ‘enaia susuta oni ‘ena si daudau; me Kanania ‘idi esena ‘ena be, me Eta be, me Amori be, me Perisi be, me Ibite be, me Iebusi be.

Loina 20:24

Ta ‘emia ia gwae ni‘atu, ‘Idi ‘asa wa da ‘ewa, ta ia da ‘ebwaemi be wa da ‘ewena, ‘asa ‘i daudau susu ta mu‘awa ‘ediega: ‘Abo‘agu Ieoba ‘imi Eaubada, tomotaiao ‘ediega ni‘atu ia sa‘u dumedumemi.