Nugana 42:24 - Buki Tabu Lowaenei 1919

²⁴ Ta ‘ediega ‘i sana‘ila, ta ‘i dedoi; ta i ‘ila ‘edia, ta ‘i ona ‘edia, ta Simeona ‘ediega i ‘au‘ewena, ta matadia ‘i ionina.

Nugana 42:24 Σταυροειδείς Αναφορές

Nugana 34:25

Ta ‘asiata ‘e toi ‘ena, si elo‘uia, gete ‘i apwesa, Iakobo natunao me‘olotodi ‘e rua, Simeona ta Lebi, Dina nuunao, ‘e bweuna ‘e bweuna ‘ina sisi‐saia i ‘ewena, ta ‘asa ‘ena si mai ‘atepatu, ta me‘olotodi iauiaudi si unudi.

Nugana 42:23

Ta nigea si mwaratoni ‘aene Iosepa ‘i nonodi; to gibuiona mwatuidi ‘i miami ta ‘enega.

Nugana 43:14

ta Eaubada Toewaiwai sana nua‘ole‘ole ‘i da ‘ebwa‘emi tai nina matanaia, be ‘enega mari tasimi ta Beniamina ‘i da li‘amidi ‘emia. Ta ‘abo natuguao ‘eguiega si ‘ewadi, tua ‘eguiega si ‘ewadi.

Nugana 43:23

Ta ‘i ona, Guguia ‘emia, gea‘abo wa matauta: ‘imi Eaubada, ta tamami ‘ina Eaubada, gwegwe i ‘ebwaemi ‘imi baga ‘edia: ‘abo‘agu ‘imi mani ia ‘ewena. Ta Simeona i ‘au‘ewa apwesenama ‘edia.

Nugana 43:30

Ta Iosepa ‘i lomanini; ga sinaana ‘i lo‘upwa‘upwasae tasina manuna ta ‘enega; ta ‘i ebesa mwa‘onai ‘i da dedoi; ta ‘ina anua gamwanaia ‘ena ‘i rugu, ta ‘ena ‘i dedoi.

Nugana 45:1

Ga Iosepa nigea kapekapeana ‘i da ‘etobodena tauna iauiaudi si tootooro deinaia matadia; ta ‘i bwau, Tai iauna ‘eguiega wa da tauiedi. Ta nigea ‘e bweu tai ma‘ieana si tootooro, ga Iosepa ‘i simanena tasinao ‘edia.

Nugana 45:2

Ta ‘enana ‘i tagwarena dedoi ‘enaia: ta me Aigupito si nono, ta Parao ‘ina anuaia si nonona.

Isaia 63:9

‘Idi elo‘uia maibo‘anega tauna ‘i elo‘uia, ta ‘ina miami ‘ana anelose i ‘etoseedi: ‘ina oboboma ta ‘ina nua‘ole‘ole ‘ediega i ‘ewalimedi; ta i ‘amwamwedi, ta i ‘aridi asiata iauiauna lowaeneiega.