Nugana 41:42 - Buki Tabu Lowaenei 1919

⁴² Ta Parao ‘ina nimapasapasa ‘ebetuepa‘i nimanega ‘i alolona, ta Iosepa nimana ‘ena ‘i sa‘una, ta ‘oama kaleko matagidarinega ‘i e‘otena, ta ‘aupa gola ‘otonaia ‘i taramaga‘ena;

Nugana 41:42 Σταυροειδείς Αναφορές

Nugana 38:18

Ta tai ‘i ona, To we‘iweiiaia ia da ‘ebwaemu? Ta waine ‘i ona, ‘Imu ‘ebetuepa‘i ta ‘imu nosanosa, ta ‘imu keweliwelili nimamuia ‘i miamiana. Ta ‘ena i ‘ebwaeaedi, ta ‘ena ‘i rugu, ta i ‘euwana ‘enega.

Nugana 41:43

ta ‘ina waga lisilisi ‘e ruena ‘ena ‘i egeruna; ta matanaia si bwau, ‘Aemi wa da tulasena: ta ‘asa Aigupito maibo‘ana ‘ana loina i ‘ebwa‘ena.

Esiteri 10:3

Modekai goma Iuda king Aasaberosa serabenaia ‘i miami ta ‘enega, ta me Iuda ‘edia ‘i sinabwa wawasae, ta tasinao ‘idi boda si iarena; ‘ina tomota ‘idi mia bobo‘ana i ‘ebesena, ta ‘i ona guguia tubunao iauiaudi ‘edia.

Esiteri 3:10

Ta king ‘ina nimapasapasa nimanega ‘i alolona, ta Amana Amedata goma Agagi natuna, me Iuda ‘adi tarauwara, ‘ena i ‘ebwaena.

Esiteri 3:12

Ga king ‘ina to‘etoladiao si bwauiedi nawarae ‘e bweuna ‘enega, asiata e tatini ‘enega, ta iage iauiauna Amana ‘i ona nadigega si ‘etoladidi king ‘ana to‐lemeiao ‘edia, esena iauiauna ‘idi gabanao ‘edia, tomota iauiauna ‘idi ‘inapwanao ‘edia; esena ‘e bweuna ‘e bweuna na‘ieana ‘ana ‘etoladi, ta mari tomota iauna nadigega ‘enadi; king Aasaberosa ‘ana esanega si ‘etoladina, ta king ‘ana nimapasapasa ‘enega si tuepa‘i.

Esiteri 8:10

Ta king Aasaberosa ‘ana esanega i ‘etoladi, ta king ‘ana nimapasapasa ‘enega ‘i tu‘epa‘iiena, ta leta ‘i etunedi topiliiareiare ‘ediega ose ‘edia si geru, ose to pili dididiga ‘edia si geru ose nidi king ‘ina guinua si guiguinue, ose esaesa natudiao:

Esiteri 8:15

Ta Modekai king matanega ‘i apwesa ma‘ana ‘oama esaesa karakarawina ta wakewakekena, ta ma‘ana peaula gola sinabwana, ta ma‘ana tara‘apwara kaleko matagidarina ta bweabwearina: ta ‘asa Susa ‘i bwau ta ‘i eguausoara.

Esiteri 8:2

Ta king ‘ana nimapasapasa ‘i alolona, tauna Amana ‘enega i ‘ewe‘ewena, ta Modekai ‘ena i ‘ebwaea‘ena. Ta Esiteri Modekai ‘i sa‘una be Amana ‘ina anua ‘i da loinei.

Esiteri 8:8

Wate me Iuda manudi wa da ‘etoladi, ‘atua wa nuanuana, king ‘ana esanega, ta king ‘ana nimapasapasa ‘enega wa da tuepa‘i: ‘etoladi si ‘etoladina king ‘ana esanega, ta si tuepa‘i king ‘ana nimapasapasega, gea‘abo ‘e bweu ‘i gibuni ta ‘enega.

Salamo 73:6

Ta ‘enega gagasa ‘atua aupa ‘otodi ‘ena; Didiga ‘i bodedi tara‘apwara ‘atua.

Isaia 3:23

ma‘ama‘aiau kapekapeadi be, kaleko matagidara be, deba ‘ana ‘ebepaimaiao be, ‘aubodabodao be.