Nugana 4:14 - Buki Tabu Lowaenei 1919

¹⁴ U ‘ita, batua bwa‘a matanega ‘u da pa‘igu; ta matamuiega ia da pili kwaikwaia; ta ‘abo‘agu ia da ‘e to dena ta to lopilidadana bare‘uia; ta gete ‘i da apwesa, tauna ‘i lobegu ‘i da unugu.

Nugana 4:14 Σταυροειδείς Αναφορές

Nugana 3:24

Ga tai ‘i pa‘ina; ta bagura Edena matana bomatu ‘ena Tierubima ‘i sa‘udi, ta sisi‐saia ‘i sabesabelulu esena iauiauna ‘edia, be iawasina ‘ana kaiwe ‘ana ‘eda ‘i da ‘ita‘ita‘i‘isi.

Nugana 4:13

Ta Kaina Ieoba ‘ena ‘i ona, ‘Igu to‘umalina ‘ana e‘isa nigea kapekapeana ia da ‘a‘ari.

Salamo 109:10

Natunao si da ‘e tolopilidadana, ta si da sidasida; Ta ‘adi masura si da ‘ebesa ‘idi esena waboreboreao ‘ediega.

Salamo 109:12

Gea‘abo ‘e bweu ‘i da nua‘ole‘ole ‘ataia ‘enaia: Ta gea‘abo ‘e bweu natunao tamatamagenidi ‘i da ‘ate‘atenua‘ole‘oleiedi.

Salamo 143:7

Ieoba ie, ‘u da lomanini be ‘u da ona limana ‘eguia; iaruiaruagu ‘i abe ‘i mwamwawasa: Maniniio gea‘abo ‘u da e‘etokwaiena ‘eguiega; Nai ‘abo‘agu taudi si mwa‘umwa‘uta gaulaia nadigegami.

Isaia 8:22

Ta bare‘u ‘ena si da ‘ita‘ita, ta wa ‘ita, ‘ate‘uia‘uia ta guguioi, elo‘uia ‘ina guguioi; ta si da pa‘iiauledi guguioi badona ‘enaia.

Loina 26:17

Ta matagu ia da sa‘u matamia, ta wa da esilae ‘ami tarauwarao matadia: taudi si guitoasemi ‘emia si da loina; ta wa da dena ‘ena nigea ‘e bweu ‘i pa‘imi.

Loina 26:36

Ta taudi ‘emiega si tupwatupwa manudi, ‘adi ‘atesa‘ara ia da sa‘u ‘adi tarauwarao ‘idi esenao ‘edia: ta kaiwe iawana ‘i siiesiieie ‘enana ‘i da pa‘idi; ta si da dena, ‘atua ‘e bweu ‘i denadena sisi‐saiega; ta si da be‘u ‘ena nigea ‘e bweu ‘i muriedi.