Nugana 37:35 - Buki Tabu Lowaenei 1919

³⁵ Ta natunao me‘olotodi iauiaudi ta natunao mewainedi iauiaudi si tooro sabi gienuabobo‘anena; ta nuabobo‘ana geanuana; ta ‘i gwae, ‘Ari‘ari ‘ena ia da tauia ta ‘enega natugu ‘enaia ma‘igu dedoi. Ta tamana ‘i dedoi manuna.

Nugana 37:35 Σταυροειδείς Αναφορές

Nugana 25:8

Ta Aberaamo iaruiaruana ‘i apwesa, ta iawasina dudurana ‘enega ‘i mwawasa, ‘ina‘inapwanina, ga sawesawenaia; ta ‘ina tomota ‘edia ‘i miaegogona.

Nugana 31:43

Ta Labana ‘i onalimana ta Iakobo ‘ena ‘i gwae, Mewainedi natuguao mewainedi, ta gogama ‘igu gogama, ta iau ‘igu iau, ta maibo‘ana u ‘itena ‘igu iage: ta to‘ase ia da guinua batua natuguao mewainedi getedi ‘edia, nai gogama ‘edia taudi si enatunedi?

Nugana 35:29

Ta Isaako iaruiaruana ‘i apwesa, ta ‘i mwawasa, ta ‘ina tomota ‘edia ‘i egogona, ‘i e tai sinabwa ta ‘ana tuta ‘i dudura: ta natunao me‘olotodi Esau ta Iakobo si sa‘una.

Nugana 42:31

Ta ‘ena ‘a ona, ‘Abo‘ama tai bubuna ‘ai‘aila; ‘Abo‘ama nigea toiausa:

Nugana 42:38

Ta ‘i ona, Natugu gea‘abo ‘i mwa‘umwa‘uta ma‘emi; tasina ‘i mwawasa ta ‘enega, ta tebweuna ‘i tupwa: ‘abo to‘umalina ‘i ununa ‘edega wa tautauia, ga uiauiagu segwasegwana wa da mwa‘utena ma‘ate‘uia‘uia ‘ari‘ari ‘enaia.

Nugana 45:28

Ta Iseraela ‘i ona, Sawesawenaia; Iosepa natugu ‘i bobo‘ana ataia: ia da tauia be ia da ‘ita nuganena ga ia da mwawasa muriega.

Nugana 48:11

Ta Iseraela Iosepa ‘ena ‘i gwae, Nigea ia nuena ‘aene maninio ia da ‘itena: ta, u ‘ita, Eaubada ‘eguia ‘i tagwara be natumuao wate ia ‘itedi.

Salamo 77:2

‘Igu loniu ‘ina asiata ‘enega ‘Inapwana ia ‘ebese: Nimagu ‘i mia iasitoto boiboia, ta nigea ‘i kokokoma; Iaruiaruagu geanuana si da gieguausoarina.

Salamo 77:3

Eaubada ia nuena, ta nigea ia miamia oonua: Ia olilisana, ta iaruiaruagu ‘i tabataba. (Sela.)