Nugana 37:18 - Buki Tabu Lowaenei 1919

¹⁸ Ta si ‘itena ‘edasoraia, ta nigea ‘i mema serabedia, ga si wasegigiena ‘aene si da ununa.

Nugana 37:18 Σταυροειδείς Αναφορές

Nugana 27:41

Ta Esau nuana ‘i to‘umalina Iakobo ‘enaia onaoboboma ‘enega tamana ‘i onaonaobobomena manuna: ta Esau ‘atenega ‘i ona, ‘Asiata ‘ewabamu tamagu manuna ‘i abe; ga tasigu Iakobo ia da loemwawasina.

Nugana 37:19

Ta si eonaona ‘e bweuna ‘e bweuna. Wa ‘ita, to madawara gete ‘i memai.

Nugana 50:15

Ta ni‘atu Iosepa tasinao si ‘itena tamadi ‘i mwawasa, ga si gwae, Nai Iosepa nuana ‘i da to‘umali ‘edaia, be to‘umalina iauiauna lowa ‘ena ta guiguinuena ‘i da e‘isa ‘edaia.

Nugana 50:20

Ta ‘omi manumi, nuami ‘aene to‘umalina wa da guinua ‘eguia; ta Eaubada bobo‘ana manuna ‘i nuena, be ‘i da gieapwesa, nadigega batua, be tomota iauna iawasidi ‘i sa‘u.

Salamo 105:25

‘Atedi ‘i gibunina be ‘ina tomota si da guitoasedi, Be si wasegigi ‘ina to guinuao ‘edia.

Salamo 109:4

‘Igu oboboma manuna taudi si e‘agu tarauwarao: Ta ‘abo‘agu ia tagwaregu sidasida ‘enaia.

Salamo 31:13

Iauiaudi ‘adi ‘awato‘umali ni‘atu ia nonona ta ‘enega, Didiga esena iauna ‘edia: ‘Ena si nuanua rererea manugu, Si nuena ‘aene iawasigu si da ‘ewai.

Salamo 31:14

Ta ‘emuia ia ‘emisa Ieoba ie; Ia gwae, ‘Oio ‘igu Eaubada.

Salamo 37:12

To to‘umalina ‘i wasegigi to paruparuna ‘enaia. Ta ‘i esara‘i‘ita ‘enaia.

Salamo 37:32

To to‘umalina to bubuna paruparuna ‘i lomata‘i‘isina, Ta i ‘ebesena be ‘i da ununa.

Salamo 94:21

Si egogonedi taudi to‐paruparu iaruiaruana matanaia, Ta rara nigea to‘umalinamo si ‘awato‘umaliena.